إعـــــــلان

Collapse

.

,
See more
See less

عندي مشكله فى فتيس الأوكتافيا

Collapse
X
 
  • Filter
  • الوقت
  • Show
Clear All
new posts

  • عندي مشكله فى فتيس الأوكتافيا

    إخوانى أعضاء المنتدى الأفاضل

    عندي مشكله احترت فيها و أرجو أن تساعدونى فى حلها

    عندى أوكتافيا a5 موديل 2006 أوتوماتيك, الفتيس بتاعها وهي بارده مافيهوش أى مشكله لكن بعد ما تمشى شويه بيبدأ يحصل تنتيش فى الغيارات خاصة لما بتيجى تاخد الغيار التالت وأحيانا بتتأخر على ما تاخد الغيار ويحدث رزع فى الفتيس. وأيضا لما بتاخد غيار r بتتأخرثوانى على ما تبدأ تستجيب و تتحرك للخلف وبتحصل رزعه جامده جدا فى بعض الأحيان بترج العربيه كلها. المهم مشاكل الفتيس دى بتحصل لما بسوق داخل المدينه يعنى فيه مطبات كتير والعربيه مش واخده راحتها فى السرعه -ما بين الغيارات الأول إلى الرابع - لكن لما بسوق على طريق مفتوح والعربيه تجرى ما بيكونش فيه أي مشكله فى الغيارات حتى لو نزلت للأول والتانى مرات عديده أو خدت غيار r الإستجابه بتكون سريعه و مش بيحصل أي رزع أو صوت من الفتيس.
    من فتره كنت رحت التوكيل و قالولى غالبا تكون محتاج تغير زيت الفتيس وبالفعل غيرولى الزيت بعد ما غسلوا الفتيس ووضعوا زيت تجربه. بعدها مشيت السياره كويس و رجعت كشفوا عليها فى التوكيل و قالوا كده الفتيس تمام, لكن بعد حوالى أسبوعين رجعت تظهر نفس المشاكل من جديد.

    أنا آسف طولت عليكم, بس ياريت تفيدونى و أسمع نصيحتكم فى الموضوع ده ياترى الحكايه حكاية زيت ولا محتاج أغير فتيس و لو هحتاج أغير الفتيس ألاقيه فين(استيراد طبعا) و إزاي أضمن إن الفتيس الإستيرد يكون سليم؟؟؟؟

    عذرا على الإطاله,

    تقبلوا خالص تحياتى

  • #2
    حسب معلوماتى المتواضعه ..فى سينسور فى الفتيس بيشوف درجه حراره الفتيس ..وعلى اساسه بيحدد كميه ضخ الزيت او حاجه زى كده ..
    المهم انا حصلت عنده مشكله فى السينسور ده قبل كده ...كانت العربيه بتخبط فى النقلات و هى بارده ..ومجرد ما تسخن المشكله تختفى ..
    ممكن تكون المشكله عند حضرتك فى السينسور ده و الله اعلم
    [CENTER]
    ولا تحسبن الذين قتلوا فى سبيل الله امواتا بل احياء عند ربهم يرزقون

    [/CENTER]

    Comment


    • #3
      شكرا لاهتمامك أخ خالد, لكن أنا لما كشفت عليها بالكمبيوتر فى التوكيل قالولى إن مفيش مشكله فى الكهربا. والله أنا حاسس إن الجماعه بتوع التوكيل دول مش فاهمين حاجه و بيشتغلونا عشان يمصلحوا من ورانا وخلاص. المهم أنا عندى استفسار بسيط, ياترى مشكلة السنسور اللى حصلت معاك كانت فى نفس نوع السياره -أوكتافيا- ولا فى طراز آخر. وكشفت على السياره فين؟ لأنى بصراحه لا أثق فى توكيل عقل اللى فى المحله.

      تحياتى

      Comment


      • #4
        في واحد في قسم فولكس كان بيتكلم عن المشاكل المشابهة لنفس حالة الجير بوكس عندك وهو تقريبا نفس الجير بوكس ونفس المحرك لان عربيته هي جولف 5 .. المهم هو كان بيشرح طريقة تغيير زيت الجير بوكس بانك لازم تغيره كله يعني 8 لتر مش 5 لتر
        اعتقد انت غيرت 5 لتر .
        هو قال شيء مقنع بانك لو غيرت ال 5 لتر بس وفاضل ال 3 لتر وهم في مكان معين تقريبا حاجة زي القربة هيختلطو مع ال 5 لتر اللي لسة مغيرهم وهيصبحو بعد كده مختلطين بالزيت القديم يبقى احنا معملناش حاجة

        اللي حسيته من وصفه انه متأكد من تجربته وانه بينصح كل الاعضاء باتباع الامر ده وهو تغيير ال 8 لتر كلهم

        Comment


        • #5
          المشاركة الأصلية كتبت بواسطة mostafa91175 مشاهدة المشاركة
          شكرا لاهتمامك أخ خالد, لكن أنا لما كشفت عليها بالكمبيوتر فى التوكيل قالولى إن مفيش مشكله فى الكهربا. والله أنا حاسس إن الجماعه بتوع التوكيل دول مش فاهمين حاجه و بيشتغلونا عشان يمصلحوا من ورانا وخلاص. المهم أنا عندى استفسار بسيط, ياترى مشكلة السنسور اللى حصلت معاك كانت فى نفس نوع السياره -أوكتافيا- ولا فى طراز آخر. وكشفت على السياره فين؟ لأنى بصراحه لا أثق فى توكيل عقل اللى فى المحله.

          تحياتى
          العفو يا باشا ..بس انت لو كنت قلتلى من الاول انك كشفت عليها فى عقل ..كنت هقولك ولا اكنك سمعت منهم حاجه ...
          حضرتك من المحله ؟؟
          عموما اقرب و انضف مركز خدمه سكودا فى اسكندريه ..
          مركز نور الدين شريف ..ك 28 طريق الاسكندريه القاهره الصحراوى ..
          ومشكله السينسور الى كانت عندى فعلا كانت اوكتافيا ..لكن كانت عامله حادثه و بتتصلح ..ومن ضمن اخطاء الى صلحها انه مركبش السينسور صح او نسى يركبه حاجه زى كده ...وهو بردو الى اكتشف المشكله لما رجعتله بيها ..
          [CENTER]
          ولا تحسبن الذين قتلوا فى سبيل الله امواتا بل احياء عند ربهم يرزقون

          [/CENTER]

          Comment


          • #6
            المشاركة الأصلية كتبت بواسطة redbull_30 مشاهدة المشاركة
            في واحد في قسم فولكس كان بيتكلم عن المشاكل المشابهة لنفس حالة الجير بوكس عندك وهو تقريبا نفس الجير بوكس ونفس المحرك لان عربيته هي جولف 5 .. المهم هو كان بيشرح طريقة تغيير زيت الجير بوكس بانك لازم تغيره كله يعني 8 لتر مش 5 لتر
            اعتقد انت غيرت 5 لتر .
            هو قال شيء مقنع بانك لو غيرت ال 5 لتر بس وفاضل ال 3 لتر وهم في مكان معين تقريبا حاجة زي القربة هيختلطو مع ال 5 لتر اللي لسة مغيرهم وهيصبحو بعد كده مختلطين بالزيت القديم يبقى احنا معملناش حاجة

            اللي حسيته من وصفه انه متأكد من تجربته وانه بينصح كل الاعضاء باتباع الامر ده وهو تغيير ال 8 لتر كلهم
            غريبه حكاية ال8 لتر دى يا أخى, طيب لو معاك تليفون الأخ ده ممكن تبعتهولى عشان أقدر أستفسر منه عن طريقة تغيير الزيت, لأن فى التوكيل غيروا 4.5 لتر.
            و أشكرك على مساهمتك القيمه.

            Comment


            • #7
              عليك وعلى التوكيل اسلم حل

              Comment


              • #8
                ربنا يكرمك وتلاقي حل ليها ...كان في احد اعضاء قسم سكودا قال ان المهندس دا عنده حلول للمشاكل الغريبه ممكن تاخد رأيه الاول ومش هتخسر حاجه.
                خالد اسماعيل 0102970564
                *اللهم اصلح احوال مصر واصرف عنها الفتن*

                Comment


                • #9
                  المشاركة الأصلية كتبت بواسطة mostafa91175 مشاهدة المشاركة
                  إخوانى أعضاء المنتدى الأفاضل

                  عندي مشكله احترت فيها و أرجو أن تساعدونى فى حلها

                  عندى أوكتافيا a5 موديل 2006 أوتوماتيك, الفتيس بتاعها وهي بارده مافيهوش أى مشكله لكن بعد ما تمشى شويه بيبدأ يحصل تنتيش فى الغيارات خاصة لما بتيجى تاخد الغيار التالت وأحيانا بتتأخر على ما تاخد الغيار ويحدث رزع فى الفتيس. وأيضا لما بتاخد غيار r بتتأخرثوانى على ما تبدأ تستجيب و تتحرك للخلف وبتحصل رزعه جامده جدا فى بعض الأحيان بترج العربيه كلها. المهم مشاكل الفتيس دى بتحصل لما بسوق داخل المدينه يعنى فيه مطبات كتير والعربيه مش واخده راحتها فى السرعه -ما بين الغيارات الأول إلى الرابع - لكن لما بسوق على طريق مفتوح والعربيه تجرى ما بيكونش فيه أي مشكله فى الغيارات حتى لو نزلت للأول والتانى مرات عديده أو خدت غيار r الإستجابه بتكون سريعه و مش بيحصل أي رزع أو صوت من الفتيس.
                  من فتره كنت رحت التوكيل و قالولى غالبا تكون محتاج تغير زيت الفتيس وبالفعل غيرولى الزيت بعد ما غسلوا الفتيس ووضعوا زيت تجربه. بعدها مشيت السياره كويس و رجعت كشفوا عليها فى التوكيل و قالوا كده الفتيس تمام, لكن بعد حوالى أسبوعين رجعت تظهر نفس المشاكل من جديد.

                  أنا آسف طولت عليكم, بس ياريت تفيدونى و أسمع نصيحتكم فى الموضوع ده ياترى الحكايه حكاية زيت ولا محتاج أغير فتيس و لو هحتاج أغير الفتيس ألاقيه فين(استيراد طبعا) و إزاي أضمن إن الفتيس الإستيرد يكون سليم؟؟؟؟

                  عذرا على الإطاله,

                  تقبلوا خالص تحياتى
                  بص يا اخ مصطفي انا عندي نفس المشكله بالظبط وده مقلقني جدا وانا رحت للمهندس خالد اسماعيل مركز خدمه في مدينه نصر وقالي علي الزيت وغيرته 4 لتر ب 1000 جنيه والمشكله طلعت في حاجه اسمها بودي فالف وقالي ده ميأثرش علي حاجه في العربيه ولو عندك النيه تغيره مش بيتباع غير في التوكيل وغالي جدا وقالي ممكن افكه وانظفه بس انت ونصيبك يا اتحلت مشكلته يا فضلت زي ما هي
                  وربك يسترها ان شاء الله تقبل مروري
                  [CENTER][B][SIZE=4][COLOR=#000000]اللهم يسر لنا امورنا في دنيانا [/COLOR][/SIZE][/B][/CENTER]

                  Comment


                  • #10
                    مشكورين يا إخوانى على مشاركاتكم القيمه, و ربنا يبارك لكم و يريح بالكم,
                    برجاء اعتبار الموضوع مفتوح لحين إخباركم بحل المشكله وأى واحد عنده معلومه أو فكره ياريت يشارك بيها.
                    و لو حد يعرف فين ألاقى فتيس استيراد بس يكون مضمون, يدلنى عليه

                    مساكم الله بالخير يا ناس يا طيبين

                    Comment


                    • #11
                      ياريت تعرفنا عملت ايه وايه الاخبار .. لاني متابعة
                      ان شاء الله يكون كله تمام ..

                      Comment


                      • #12
                        في موضوع عن فيتس الاوكتافيا .... اكيد حيفيدك ؟

                        توضيح بخصوص الفتيس التيبترونيك
                        KHALED AYMAN
                        السلام عليكم...
                        فى الفتره الاخيره ..بدأت الناس تخاف من الاوكتافيا ..خصوصا فى المستعمل ..وكله بيقول "فيها مشكلهفتيس"
                        وكلامى بخصوص ال a5 و الفانتازيا ..لان هما نفس الفتيس...
                        وفى الموضوعده هحاول اشرح المشكله و ازاى نتلاشى حدوثها ...ولو لا قدر الله حصلت نعمل ايه؟؟


                        فى البدايه ..ايه هى المشكله ؟؟

                        المشكلهبتحصل فى جزء معين من الفتيس اسمها البودى فالف ..او عقل الفتيس كما يسميها البعض ..
                        باختصار هى مجموعه صمامات او بلوف ..بيمر الزيت من خلالها ...(زيت الفتيس) ..


                        ايه المشكله الى بتحصل ؟


                        البلوف او الصمامات دى ..بتتسد ..تبدأ العربيه "ترزع" فى النقلات ..


                        طيب ايه الى بيسد البلوف؟؟
                        نتيجه الاحتكاك الميكانيكى بين تروس الفتيس ..بينتج "رايش" من التروس والاحتكاك ..الرايش ده بيمشى مع الزيت ...ومع كتر الرايش ..بيتراكم على الصمامات دى ..و يسدها ..وهنا تحصل الرزعه او الخبطه فى النقلات ..


                        طيب ايه ازاىنحافظ على الفتيس ؟؟
                        الموضوع سهل جدا و بسيط جدا جدا و بيتلخص فى كلمه صغيره ..وهىزيت الفتيس

                        زى ما قلت قبل كده ..الرايش ده بيمشى فى الزيت ..
                        يبقى عشان نحافظ على الفتيس ..هنغير زيت الفتيسكل 60 الف كم ..زى ما التوكيل قال ...
                        وللامان ..نغيره عند 50 الف كم ...
                        لكنبأى حال من الاحوال ..متعديش ال 60 الف بنفس الزيت
                        وتغييره فى التوكيل بحوالى 700 جنيه ...(غالى شويه لكن هيوفر عليك مبلغ خزعبلى هتشوفه دلوقت)


                        طيبايه الفكره فى اننا نغير الزيت ؟؟
                        لما بننزل الزيت الى فيها ..بينزل بالرايش الىفيه ..وبكده بتكون فتحت صفحه جديده مع الفتيس


                        طيب لا قدر الله لو حصل والمشكله دى ظهرت ايه الحل ؟؟
                        هيكون ادامك اختيارين ...
                        1-
                        تشترى فتيس كاملاستيراد سعره بيتراوح بين ..14 :17 الف ...انت و شطارتك ..لكن غالبا سعره مشهيتجاوز ال 15 ..
                        2-
                        تشترى علبه بلوف جديده من التوكيل ..ب 11 الف ...ده غيرالتركيب وغيار الزيت ...

                        طيب ايه الافضل فيهم ؟
                        الافضل شراء فتيس كامل...لان معروف عن الفتيس الاوتوماتيك انه لما بيتفك من بعضه ..مش بيرجع زى ما كان ..ومفيش احسن من "قفله الخواجه" ..فأنت لما تشترى فتيس استيراد ...مش هتفك فيه ولااى حاجه ..هتركبه فى مكانه و تحط الزيت و تتوكل على الله ...

                        طيب اضمن منينالفتيس الاستيراد ؟؟
                        مركز نور الدين شريف ..المركز الوحيد المعتمد من ارتوك اوتوفى اسكندريه ..بيركب قطع غيار استيراد ..عليها ضمان 6 شهور ...وناس فاهمين ..
                        طبعا فى ناس كتير فاهمين ..لكن الميزه فى المركز ..انه ضمان 6 شهور على اىقطعه استيراد ..
                        طيب لو مش عاوز حاجه من المركز و هشتريه انا ...
                        1-
                        الراعىالصالح فى الحرفيين
                        2-
                        مجدى البيومى
                        3-
                        ماجد البهى طنطا ..وليه فرع فىاسكندريه
                        4-
                        الشيخ اسامه الديب طنطا ..سكه المحله

                        طيب دى كده الجزئيهالخاصه بواحد معاه العربيه و عاوز يحافظ عليها ..او معاه و باظت و عاوز يصلحها ..
                        الى بيشترى مستعمل بقى ..ياخد باله ازاى ؟؟

                        عند شراء سياره مستعمله ..
                        1-
                        يا اما تشترى عربيه عدادها لم يتجاوز ال 60 الف كم ..بحيث ميكونش ميعادتغيير الزيت جه و صاحبها اهمل ..
                        2-
                        تشترى عربيه عدادها اكتر من 60 الف كم ..لكنمعاها فاتوره تغيير الزيت فى التوكيل او اى مركز معتمد ...
                        3-
                        تكون شاريها من حدثقه ..ويكون فعلا غير زيت الفتيس ..المهم تكون تثق فى كلامه ...


                        طيباختبر ازاى فتيس العربيه و اعرف انه سليم ؟؟
                        اختبار الفتيس بيتلخص فى ..ارهاقالفتيس..
                        اتعبه معاك ..
                        دووووووووووووووووووووووووس و شيل رجلك فجاه ..
                        ودوس تانى ..كيك داون ..وهكذا و على سرعات مختلفه ,,بحيث ان الفتيس يفضل فىمرحله تغيير نقلات باستمرار ومتنساش تجرب تمشى على المانيوال موود ..لو فى مشكله فىالبودى فالف هتلاقى الفتيس بدأ يعمل "دبه" و هو بينقل ...

                        المعلوماتالمذكوره فى الموضوع ..من اجتهادى الشخصى وتجارب شخصيه واقعيه ..ودردشه مع مهندسينفى التوكيل ..ومراكز خدمه ..وبعض الخبراء ومعلومات من المنتدى هنا ...والموضوعبأكمله يحتمل الصواب و الخطأ ..

                        يا رب يكون الموضوع مفيد ويعجبكو ..
                        رابط الموضوع
                        http://www.nilemotors.net/Nile/221404-a.html


                        [SIZE=3][COLOR=magenta]اللهم أننا أطعناك فى أحب الاشياء إليك (التوحيد والايمان بك).ولم نعصيك فى أبغض الاشياء إليك (الكفر والجحود بك) فيا رب أغفر لنا ما بينهما. برنامج رحلة للسعادة لعمرو خالد[/COLOR][/SIZE]

                        Comment


                        • #13
                          PERFECT

                          THANK YOU

                          Comment


                          • #14
                            يا جماعة في مهندس فاهم جدا جدا في عائلة الاوكتافيا والفولكس ..اسمه مهندس ايمن...ورشته في حي الواحة في مدينة نصر قرب زهراء مدينة نصر خلف مخزن السلاب
                            والله يا جماعة الراجل ده فعلا حللي مشكلة كانت في الفتيس قرفاني وهي خاصة بالفالف بودي ..وعلى فكرة عنده قطع غيلر للفالف بودي ولما غيرهالي اتحلت المشكلة وكمان كان في مشكلة مش عارفلها حل هو اللي اكتشفها وطلعت في ال abs والحمد لله حلهالي ..وعاوز اقولكم انه مهندس كان بيشتغل في ارتوك اوتو ..وبعدين فتح ورشة ليه وان شاء الله هايعمل مركز قريب باذن الله..المهندس ده شاطر جدا جدا...وجزاه الله خير على عدم استغلاله زي الناس التانيين بخصوص المادة ..لانه فعلا محترم ومش بتفرق معاه مسالة الفلوس دي خالص
                            وعشان الافادة للناس لاني فعلا اتقرصت كتير من مصاريف ولف على ناس كويسة ودوخة وتلبيس في الحيط لحد ما ربنا كرمني واتعرفت عليه وبيديك وقتك كامل في تصليح الحاجة يعني ولا فبركة ولا انتظار ..لا تروح هناك او تكلمة يقولك تجيلي امتى وتروح على معادك يشتغلك في عربيتك
                            وان شاء الله ربنا يوفق الجميع للخير
                            رقم تليفونه 0105247179
                            نسالكم الدعاء عن ظهر غيب
                            [aldl]http://www.nilemotors.net/Nile/signaturepics/sigpic27902_3.gif[/aldl]

                            Comment


                            • #15
                              Thank you Dear Brother SPIDER6666
                              I am outside of Egypt now and when I return back to Egypt after few weeks I will go to Eng. Ayman may he would be able to fix my problem

                              Thanks again
                              &
                              Gazak Allah kol 5eer

                              Comment

                              Working...
                              X