نويت ان شاء الله على الاوكتافيا

[Miss_Pharma]

ان شاء الله خلاص .. نويت اجيب الاوكتافيا a5 موديل 2012 بعد حيرة بينها وبين المازدا 3
في اي نصيحة حد ممكن يقولهالي .. يعني اتوكل على الله ولا اعيد تفكير في الموضوع ؟
اه وياريت كمان تقولولي احلى لون ليها ايه .. الالوان المتوفرة فيها دلوقتي اسود - رمادي غامق - سماوي - نسكافيه :)

كنت عايزة نبيتي بس مابيجيش منها نبيتي اصلا .. بيجي زيادة على اللي فوق الابيض والسلفر والاخضر الفاتح

[mohamedkordy]

اساسا مفيش 2012 فى السوق دلوقتى فى اخر 9 وعليكى خير

[Miss_Pharma]

لا مانا هجيبها من الكويت ان شاء الله مش من مصر .. وانا لسه كنت في المعرض امبارح وشايفاها عندهم ..

[mostafa3000]

توكلي علي اللة ومش هتندمي
العربية فعلا ممتازة

[M.Elgergawy]

اسود
رمادي غامق
بالترتيب
بس سؤال هيا بتنزل في الكويت 1600 ولا 1800 ؟

[AhMeD MeTwAlY]

1800 سي سي تقريبا

[M.Elgergawy]

كدا جماركها هتبقى عالية اوي

[pioneerahmed]

ملحوظة بسيطة:

لو حضرتك هتحتاجى العربية فى الكويت , يبقى افضل المازدا عشان التكييف
الالمانى و الاوروبى عامة التكييف بتاعة مش حلو بالمقارنة باليابانى و خاصة المازدا و التويوتا

[Miss_Pharma]

العربية 1600 مش 1800
وموضوع التكييف ده مش بيفرق في المواصفات الخليجي ولا كله زي بعضه ؟

[pioneerahmed]

معرفش فى المازدا الجديدة اية النظام بس فى المازدا القديمة ال 2008 التكييف واحد
ماركة سيندن (افضل و اقوى كمبريسور تكييف فى العالم - الى هو بينزل فى التويوتا و المازدا بس)

[Miss_Pharma]

لا انا اقصد بالنسبة للاوكتافيا ..
والله محتارة جداااا وكل شوية افكر واتردد .. لان سعرها مش شوية برضه

[Mohab.Nabil]

لا انا اقصد بالنسبة للاوكتافيا ..
والله محتارة جداااا وكل شوية افكر واتردد .. لان سعرها مش شوية برضه

اظن و الله اعلم ان التكييف مش بيتغير من مصر للخليج فى الاوكتافيا بس مش متأكد الصراحة عشان مفتيش

هى العربية لأستخدامك الشخصى ولا عائلية ؟

لأن لو حضرتك هتستخدميها لوحدك يبقى متهيألى الموضوع محتاج تفكير تانى طبعا الفانتازيا عربية ماشاء الله عليها ممتازة بس لو استخدام شخصى هيبقى فيه خيارات افضل

[dado_256]

عرفيه فعلا ممتازه وتستاهل الاحترام

[inspiron]

الكلام ده غير صحيح بالمرة..ربنا يسامح شركة أوبل اللي نقلت الفكرة السيئة دي عن تكييف الألماني.

تكييف الأوكتافيا ( a5-fantasia ) قوي جدا جدا جدا جدا...أنا في عربيتي مجرد دوسة علي زرار الـauto وظبط التبريد علي 18 في ظرف 5 دقايق العربية بتبقي تلاجة...وفي أشد حر كمان.

[Miss_Pharma]

العربية انا عايزاها للاستعمال الشخصي لكن جوزي بيقولي مادام كده كده هنجيب عربية جديدة تبقى عائلية ونفكر في نزولها مصر ..
لان عربيته نيسان اكستيرا طبعا مستحيل التفكير في نزولها ..
محتارة جدا وبفكر والله فعلا اصرف نظر واخليني في اي حاجة صغنونة على قدي سهلة في اعادة البيع ووقت نزول مصر نبقى نشوف الصح ايه ساعتها ..