كباس تكييف a5 ؟

[safyyyyy]

السلام عليكم
معايا سكودا A5 موديل 2007 و التكيف بيجيب هوا سخن و انا واقف مثلا فى اشاره و بيجيب هواء مش ساقع اوى يعنى لما العربيه تجرى . و لما وديتها التوكيل ( نور الدين الشريف - الاسكندريه ) قالى المشكله من كباس التكييف و لازم يتغير و طبعا انتوا عارفين سعره

فاريت لو حد يدلنى على سعره مستعمل و فين بيتباع و يا سلام سلم بقى لو كان فى الاسكندريه ..

[mohamedhfz]

السلام عليكم
معايا سكودا a5 موديل 2007 و التكيف بيجيب هوا سخن و انا واقف مثلا فى اشاره و بيجيب هواء مش ساقع اوى يعنى لما العربيه تجرى . و لما وديتها التوكيل ( نور الدين الشريف - الاسكندريه ) قالى المشكله من كباس التكييف و لازم يتغير و طبعا انتوا عارفين سعره :_alshmokh08[1]:

فاريت لو حد يدلنى على سعره مستعمل و فين بيتباع و يا سلام سلم بقى لو كان فى الاسكندريه ..

يا باشا المشكله دي معروفه في الاوكتافيا لحد موديل 2007 و شركه سكودا اصدرت تعليمات لكل توكيلتها في انحاء العالم انها تغير الكومبرسور و السربنتينه مجانا لاصحاب العربيات من الموديلات دي و لكن للاسف التوكيل في مصر معملش كده طبعا و استغل قطع الغيار اللي بعتتها الشركه الام و بقي بيبيع الكومبرسور لوحده ب 7000 جنيه
علي العموم في واحد في مدينه نصر في الحي العاشر ورا مخزن السلاب اسمه ايمن و هو شغال في العربيات الاسكودا و قالي انه بيحل الموضوع ده بتكلفه حوالي 500 او 700 مش فاكر بالظبط

[safyyyyy]

يا باشا المشكله دي معروفه في الاوكتافيا لحد موديل 2007 و شركه سكودا اصدرت تعليمات لكل توكيلتها في انحاء العالم انها تغير الكومبرسور و السربنتينه مجانا لاصحاب العربيات من الموديلات دي و لكن للاسف التوكيل في مصر معملش كده طبعا و استغل قطع الغيار اللي بعتتها الشركه الام و بقي بيبيع الكومبرسور لوحده ب 7000 جنيه
علي العموم في واحد في مدينه نصر في الحي العاشر ورا مخزن السلاب اسمه ايمن و هو شغال في العربيات الاسكودا و قالي انه بيحل الموضوع ده بتكلفه حوالي 500 او 700 مش فاكر بالظبط

ربنا يخليك يا باشا على الرد .. الحمد لله ركبت كباس جديد من ساندن الى فى المعادى و شغال ممتاااااااز لحد دلوقت ماشاء الله .... بس فيه ناس خوفتنى منه و قالتلى انه صينى رغم ان مكتوب على الكباس usa .. يارب ما يحصله حاجه لانه برضه غالى مش رخيص ... تحياتى لك

[mido51eg]

ان شاء الله هيشتغل كويس وهو ده حل المشكلة. ممكن اعرف سعر الكباس الساندن كام ؟

[safyyyyy]

بالتركيب و شحن و صيانه للسربنتينه و تغير فلتر الفريون 3600