تحذير من منتجات فرامل ريمسا الأسبانية!

[NaderNabil]

بإختصار شديد...إليكم خلاصة تجربتي مع منتجات فرامل ريمسا الاسبانية:

في شهر 9-2010 قمت بتغيير تيل الفرامل الاصلي اللي كان في العربية بتيل فرامل ريمسا الأسباني من عند فتح الباب...و ماتمش 500 كيلو و بدأ بعها صوت تصفير و حك لا يحتمل...و افادني أحد الاعضاء في منتدى بروتون ان ده بسبب الشفة اللي في الطنابير...و هاتروح مجرد ماتصنفرهم او تغيرهم...
إستنيت و مغيرتش أي حاجة لحد شهر 6 اللي فات بنفس التييل و الطنابير...و جه الوقت ان الطنابير تتغير...و كان امامي الاتي:
طنابير ريمسا و تيل ريمسا بسعر 600 و 250
طنابير أصلي و تيل أصلي بسعر 900 و 350...
للأسف قررت أسترخص و إشتريت الطقم الريمسا تيل و طنابير...و ياريتني ما عملت كده

العربية مكملتش 1000 كيلو و صوت الحكة و التصفير بشع...لدرجة اني بتكسف أدوس فرامل في الزحمة...و مش بس كده...إليكم الفاجعة : الطنابير عوجت و بترج العربية لو دوست فرامل على سرعة 50 أو أكتر!!!!

حد هايقوللي أكيد نزلت في مياة و الفرامل سخنة..هاقوله محصلش...و بعدين الطنابير اللي كانت فيها بتاعتها...قعدت 5 سنين 105000 كيلو و مرت بجميع ظروف القيادة و محصلهاش أي حاجة....مش 1000 كيلو في إسبوعين!!

من الأخر...ماتسترخصش و إشتري الأصلي...و للأسف...مضطر أغرم فلوس و هاشتري الطقم الأصلي و أرمي الريمسا في الأرض!....محدش بيتعلم ببلاش!

[eng.m7md.ali]

فعلا الريمسا ده منتج زبالة بجد سواء التيل او الطنابير اصل انا مجرب

[windofchange]

مش ممكن يكون فيه مضروب منه فالسوق؟ او انت ركبت تيل مش بتاع العربية وموديلها لأنو مكتوب عليه يركب لعربيات ايه! معلش يا نادر بيه ممكن تصورلنا العلبة بتاعت التيل وكده واهو يبقي افادة فالموضوع..شكرا ليك...ايهاب

[Ramy_2R]

نفس الحصل معايا فى التيل ....

[NaderNabil]

مش ممكن يكون فيه مضروب منه فالسوق؟ او انت ركبت تيل مش بتاع العربية وموديلها لأنو مكتوب عليه يركب لعربيات ايه! معلش يا نادر بيه ممكن تصورلنا العلبة بتاعت التيل وكده واهو يبقي افادة فالموضوع..شكرا ليك...ايهاب

للأسف هوالأصلي لأنه محفور عليه كل حاجة و بتاع العربية و مكتوب على العلبة كمان جولف و أودي إيه 3 و إيه 2 و سيات ليون و توليدو و أوكتافيا و فابيا...العلبة عندي بس وصلة الموبايل مش عندي..فا مش هاعرف أحطها دلوقتي معلش

[amroebraheem]

مفيش احسن من الاصلى دائما
والسلام عليكم ورحمة الله وبركاته

[yyy]

بإختصار شديد...إليكم خلاصة تجربتي مع منتجات فرامل ريمسا الاسبانية:

في شهر 9-2010 قمت بتغيير تيل الفرامل الاصلي اللي كان في العربية بتيل فرامل ريمسا الأسباني من عند فتح الباب...و ماتمش 500 كيلو و بدأ بعها صوت تصفير و حك لا يحتمل...و افادني أحد الاعضاء في منتدى بروتون ان ده بسبب الشفة اللي في الطنابير...و هاتروح مجرد ماتصنفرهم او تغيرهم...
إستنيت و مغيرتش أي حاجة لحد شهر 6 اللي فات بنفس التييل و الطنابير...و جه الوقت ان الطنابير تتغير...و كان امامي الاتي:
طنابير ريمسا و تيل ريمسا بسعر 600 و 250
طنابير أصلي و تيل أصلي بسعر 900 و 350...
للأسف قررت أسترخص و إشتريت الطقم الريمسا تيل و طنابير...و ياريتني ما عملت كده

العربية مكملتش 1000 كيلو و صوت الحكة و التصفير بشع...لدرجة اني بتكسف أدوس فرامل في الزحمة...و مش بس كده...إليكم الفاجعة : الطنابير عوجت و بترج العربية لو دوست فرامل على سرعة 50 أو أكتر!!!!

حد هايقوللي أكيد نزلت في مياة و الفرامل سخنة..هاقوله محصلش...و بعدين الطنابير اللي كانت فيها بتاعتها...قعدت 5 سنين 105000 كيلو و مرت بجميع ظروف القيادة و محصلهاش أي حاجة....مش 1000 كيلو في إسبوعين!!

من الأخر...ماتسترخصش و إشتري الأصلي...و للأسف...مضطر أغرم فلوس و هاشتري الطقم الأصلي و أرمي الريمسا في الأرض!....محدش بيتعلم ببلاش!

غريبة انة يصفر دة عندى فى العربية هو التيل الوحيد اللى ما بيصفرش حتى لو الطنابير فيها شفة

الطنابير ماجربتهاش بس التيل شغال حلو

بس طالما الفرق مش كبير قوى يبقى خليك فى الاصلى