fantasia ... خليجى ام وكيل؟

[omar-saad]

طبعا مقدرش اضيف على كلام عمر حاجه
توضيح بس
الوكيل 2012 نازل فى نفس ارتفاع الخليجى :)

الله يكرمك يا خالد
دة من زوقك بس
ودة خبر كويس جدا
على الاقل بالنسبالى لان فعلا العربية كان ناقصها الموضوع ة وتبقى تمام

[bmw323]

توضيح كمان عشان الى عربيته تحك منه ميخفش
لو رفعت العربيه و بصيت عليها من تحت
هتلاقى مفيش اى شىء قابل للكسر او الشرخ ..
كله متغطى و بايت فى بطن العربيه ...
ثانيا الى بتسمعه بيحك فى المطب ده
عباره عن جزئين فايبر ..واحد فى الناحيه اليمين و التانى فى الشمال
الى بتشوفهم لما تبص على العربيه من الجنب ..تحت الباب الى ورا بتلاقى زى حاجه سوده مدلدله كده ..
هى دى الى بتحك ..
لان دى اوطى حاجه فى جسم العربيه من تخت ..
و بالمناسبه مش هيتكسرو لانهم مرنين الى حد ما ..و كمان مش متثبتين تماما لا ده قابلين للحركه (بياخدو و يدو مع المطب يعنى)
لكن الشكمان مثلا بايت تماماااااا فى بطن العربيه ..العتب مستحيل هيحك فى مطب لان فى شفه ورا العتب اوطى من العتب و اصلا حتى دى مش بتحك الى بيحك هو الفايبر زى ما قلت ...

100 100 يا خالد

[RedBull_30]

من رايي كماليات الخليجي احسن بكتير من الوكيل .. انا العربية دي لما بشوفها متهانة بعرف ان صاحبها غشيم

موضوع الضمان عموما في مصر بشعر انه حبل ملفوف على رقبة صاحب السيارة بيقدر عن طريقه انه يجيبك عنده في اوقات تغيير قطع الغيار المزيفة
بالنسبة لو عربيتك اسكودا خليجي هتقدر تدخل اي مركز صيانة معتمد وتشتري منه قطعة الغيار ولو حابب تغيرها عنده مش هيرفض وانا بعمل كده في سيارة والدي في مركز الوهدان في 6 اكتوبر والسيارة خليجي . والمهندس بتاع الاستقبال بيحاول يلف و يدور ويعرض عليا عروض كتيرة وانا بشوف المناسب فقط و بعمله
اما المواصفات المصرية بالضمان المصري فانت ملزم بانك تتبع جدول الصيانة بتاعتهم
يا جماعة وفرّو ال 20 الف جنيه وهاتوها خليجي

[hany_f50]

طيب لا قدر الله حصل حاجة في فتيس او كومبروسر تكييف مش الوكيل هيصلح علي حسابه؟
ولاكن الخليجي انا اللي هدفع تمن الاصلاح بالكامل و يبقي اللي وفرته كله راح

[topzaher]

السلام عليكم هل في حد يعرف سعر الخليجي 2012

[gezo]

سعر الهاى لاين خليجى 2012 ب 200900 اما الهاى لاين وكيل اسه فى شهر 1 ,,انا محتار مش عارف اجيبها ولا لأ

[hurgada90]

يا جماعة عاوز موصفات الفانتازيا الخليجي السعودي الهاي لاين واجيبها منين أحسن مكان ؟/ معلش لو فيها تعب

[hurgada90]

وياريت اسعار el-2012 وال 2011 وهل في فرق يستحق ولا أجيب el-2011 وخلاص

[ashraf_hamed]

ارجو عمل مقارنه بطريقه صحيحه يعنى الوكيل بيز لين لو قارنته مع الخليجى من ناحيه الكماليات صح هيكون الوكيل افضل يعنى فيه بلوتوث و مرايات تعتيم وحاجات تانيه مش موجوده فى الخليجى وممكن تركب بارك سنسور محترم بمبلغ صغير وتحت امرك فى اى استفسار