أرجو المساعدة السريعة

[ashraf_aly]

أنا لسه شاري سكودا 2011 من شهرين وفيها GPS ومع ذلك انا مش عارف اجربه لان التوكيل هنا في السعودية لسه لحد دلوقتي الاسطوانة اللي عليها البرنامج والخرايط الخاص بالعربية موصلش ليهم من الشركة الام
فياريت يا جماعة لو حد عنده ال CD دة ياخد منه image ويرفعه علي النت لاني في السعودية ومحتاجة جدا جدا او لو محدش هيرفعة يقول اعمل ايه علشان احل الموضوع دة

فيه حاجة كمان انا شوفت هنا ان الكباس بتاع التكييف بيبوظ ودة عيب منتشر وفيه حد قال انه لحد موديلات 2007 بس فهل دة حقيقي ولا لسه مستمر لحد دلوقتي

كمان طلب لو حد يعرف المواصفات الكاملة ل اوكتافيا 2012 ياريت يقولنا عليها

واكون شاكر جدا ليكم تعاونكم

[AhMeD MeTwAlY]

مفيش حد لسه اشتكي من موضوع التكييف في الفانتازيا
باقي الاسئله استني شوف باقي الاعضاء هيقولو ليك ايه

[ashraf_aly]

حاجة كمان معلش انا عندي باسمع صوت زي تزييق كدة لما باكون جاي اشيل رجلي من علي الفرامل تدريجيا والولاعة شغالة علي طول حتي لو قفلت العربية بالريموت ومشيت وكمان حاسس ان النور الزينون مش واخد شكل منتظم يعني لو وجهته لحيطة مثلا بلاقيه عامل زي السلم كدة مرتفع من اليمين ونازل ومنخفض في الشمال فهل دة طبيعي ولا ممكن يكون عيب ولو عيب عيب برمجة ولا حاجة عايزة تتغير ولا ايه يااااااريت اللي يقدر يساعد لان الموضوع دة شاغلني جدا وشكرا ليكم واسف علي الاطالة

[AhMeD MeTwAlY]

النور بيكون زي السلم من الناحيه الشمال واطي والناحيه اليمين عالي عشان لو ماشي في طريق رايح جي ومفيش فاصل النور الشمال مش يكون مضايق الي جي في الاتجاه التاني

[ashraf_aly]

مفيش حد لسه اشتكي من موضوع التكييف في الفانتازيا
باقي الاسئله استني شوف باقي الاعضاء هيقولو ليك ايه

شكرا ليك علي ردك
بس هنا في السعودية مش بيقولوا عليها فانتازيا بس اللي معايا فيها كل حاجة سينسور قدام وورا وفتحة سقف وشاشة باللمس مع gps وجنوط 17 وزينون فدة كدة تبقي فانتازيا ولا ايه؟

[ashraf_aly]

النور بيكون زي السلم من الناحيه الشمال واطي والناحيه اليمين عالي عشان لو ماشي في طريق رايح جي ومفيش فاصل النور الشمال مش يكون مضايق الي جي في الاتجاه التاني

كويس جدا طمنتني انا كان عندي بروتون ساجا وكنت لاحظت في مرة انها كدة بردة بس كنت بتاكد انه مش عيب خصوصا اني هاروح التوكيل علشان القوائم اللي موجودة في الكتالوج اللي هي في الشاشة بتاعة البيانات مش كاملة زي الكتالوج وكمان موضوع الولاعة (تقريبا عيب برمجة ولا ايه مش عارف) وصوت الفرامل دة كمان عايز اعرف من ايه

ياريت لو حد عنده اي معلومات عم ال gps او اي حاجة من العيوب اللي عندي دة ياريت ينصحني واكون شاكر ليكم كلكم

[ashraf_aly]

اي يا جماعة مفيش حد عنده اجابة ولا اي حاجة ولا ايه؟؟؟