اوكتافيا a5 محتاجة فتيس اوتوماتيك اين اجدة ؟

[shawkylotfy]

السلام عليكم
سؤال الى وحوش السكودا دلوقتى عربيت واحد قريبى اوكتافيا a5 2006 وجابت فتيس انا مش عارف اية المشكلة بالضبط بس هو بيقوال ان فى صوت دربكة فى الفتيس ومش بينقل ...

المهم كنت عايز اعرف هو التوكيل بيبقى عندو فتايس استيراد ولا يعمل اية بالضبط ؟

شكرا

[alzelafy]

انزل الحرفيين هاتو وركبو هناك و استلم العربيه تمام و لو معجبكش رجعو

[rompo10]

بص ياباشا انا كنت بشتري عربيه 2006 وفيها نفس المشكله واتصلت بواحد قالي الفتيس استيراد ب 18000 وواحد تاني قالي 15000 وواحد تالت قالي غير البلوف ب 10000 انا مش عارف ايه الاسعار دي

[ahmed202055]

انا حصلتلى المشكلة دى و غيرت فتيس كامل استيراد كان ب 13,000 و جابهولى الميكانيكى و قاللى على ضمانتى بس بشرط انك تغير زيت فتيس و متخليهاش تعدى ال 60 الف كيلو و اخد هوا مصنعية تقريباً 1500 جنية.

[rompo10]

1500 تغير فتيس ليه يعني انا كان معايا فكترا وغيرت لها فتيس كان ب 2000 ومصنعيه 200 الاسكودا مالها بدات تهبل كده ربنا يستر علي اللي معايا

[engahmedsamy]

بورسعيد و الحرفيين

[Ahmed.Fahmy]

انت لو هاتشترى نص هيعمل 15-20 الف بس
دول حرامية
دور كويس فى الحرفيين ولو رسيت تجمع مع ناس وتشتراو ص كامل سليم احسن

[ahmed202055]

يا رجاله انتو عارفين الفتيس فى التوكيل بكاام رقم قياسى مش هتصدقوا بس والله انا ماتوقعتش كان هيجيلى سكتة ساعتها و المهندس بيقولى بعد ما جرب تخـــــــــــــــــــــــــــــيلوا كام 60,000 جنية مصرى من غير التركيب بالضمان مش عارف كام مدتة بصراحة بس مهما كان ميوصلش السعر دا و لا اية واللى مش مصدق يسأل فى التوكيل ارتوك غمرة

[rompo10]

60000 ليييييييييييييييييه لييييييييييييييييييييييييه لييييييييييييييييييييييه ليييييييييييييييييييييه لييييييييييييييييييييه نص تمن العربيه حرام والله والله حرااااااااااااااام

[alawizo]

ده حاجه اسمها عقل فتيس ب 14000 يتم تغيره في التوكيا مباشره ومتلفش كتير

[alnmr79]

فعلا انا روحت سالت بتوع قطع الغيار الاستيراد فى الاسكندرية على الاسعار بتاعة الاية 5 وفعلا قلولى ان الفتيس استيراد ب18000 الف -انا معاية اوبل فيكترا ولما عرفت اسعار قطع الغيار بصراحة رجعت فى كلامى وهحتفظ بعربيتى لان فرق الاسعار 10 اضعاف الاوبل(ماتور +فتيس اوتماتيك)=5 الاف جنية شايفين الفرق اد اية !!!!!!!!!!!!
بصراحة تجار قطع غيار الاوكتافيا بيستهبلوا قوى

[hossam_elwani]

فعلا عقل الفتيس بــ 14000 فى التوكيل........ عربيه مزعجه

[rompo10]

طيب مفيش حل فني للمشكله دي

[KHALED AYMAN]

الهاشميه و التوكيل ب 28 الف جنيه
منصحكش تغير فالفات مش هتظبط معاك
الفتيس ب 15 الف
النص ب 35 الف
والنصين كاملين ب 70 الف عند ماجد البهى
الاسعار دى رخيصه يا جماعه
ما تشوفو الفيكترا السى الى فانوسها ب 7000 جنيه