مقابلة

[Ahmed.Fahmy]

بسم الله الرحمن الرحيم

ايها الاخوة المواطنون

انا شايف ما شاء الله ان القسم دا اكسل قسم فى المنتدى

والوحيد اللى ولا بيتقابل ولا بيتعارف مع ان السكودا ما شاء الله مالية البلد

فقولت اعرض عليكم اننا نعمل مقابلة نتعرف على بعض زى باقى الناس

وانا عندى احتمال 90% بصراحة انكم لن تفعلوا ذلك بس قولت يمكن ال10% الباقى يتحقق

حد مستعد يكسفنى؟

[Mahmode]

أنا الصراحة مش بتاع مقابلات (دانا باشوف صحابي بالعافية مرة في الشهر أو أقل) فا للأسف حاكون أول واحد يكسفك :(. بس أنا نفسي القسم يعمر والمشاركات تكتر ويكون فيه ناس فاهمة وبترد بسرعة زي ما في قسم الهوندا والمازدا وغيرهم. المفروض الإدارة تعين حد فاهم في كل قسم للرد والمشاركات عشان القسم يصحى.

[sakr_skoda]

طيب اية رئيك فى رابطة الأسكودا يعنى نعمل رابطة لمالكى السيارة اسكودة فى مصر من خلال تلك الرابطة يمكن ان نحصر كم السيارات من هذه الماركة المحترمة وبالتالى يمكن لنا ان نخاطب الشركة المصنعة لفتح منافذ بيع سيارات وقطع الغيار فى مصر بالتالى سيزيد العرض من قطع الغيار والسيارات فيهبط السعر يمكن نسب الفيات....

ودا حيكون ازاى نتجمع عن اى من طرق التواصل يعنى احنا ممكن نعمل صفحة الاسكودا على الفيس بوك وتويتر ارجوا دراسة الفكرة وانا واثق بانها ستعود بالنفع الخير لكافة مالكى اسكودا فى مصر....

[الصيداح]

وليه لا
نتقابل فكرة جميلة فعلا
رغم إني لسة مبقتش سكوداوي إلا إنني بإذن الله هحضر المقابلة باعتبار أني سأصبح
سكوداوي يوما ما إن شاء الله

[inspiron]

عموما أنا بيعت عربيتي الـ bmw وراكب الفانتازيا بس

فأنا تحت أمر أي واحد في أي إستفسار.لحد ما تظبطوا مقابلة وأنا معاكم إن شاء الله

[Ahmed.Fahmy]

شكرا لرد الرجالة
احمد inspiron اهلا بيك، بيعت البى ام ليه، دانا كنت عاوز اغير واجيبها :)
موضوع الرابطة دا كنا عاملين حاجة كدا من سنتين بس انا اتجوزت واتشغلت والناس اتلهت والموضوع مات بس فكة على الFACE BOOK دى جميلة
بالنسبة للاستاذ Mahmode يا بختك انا شفت اصحابى من السنتين الاخارة 5-6 مرات منهم فرح وعزا
الصيداح باشا تنور دلوقتى وفى كل وقت

فى انتظار باقى اعضاء هذا القسم المهجور يشيلوا العنكبوت ويدخلوا

[bisoolover]

biso is here :D :D :D : نياااااااااااااااااااااو معاك يابن ولدى :D :D :D

[hany_f50]

انشاء الله هستلم الفانتازيا يوم السبت القادم و يسعدني ان اكون معاكم :)

[Ahmed.Fahmy]

إن شاء الله هستلم الفانتازيا يوم السبت القادم و يسعدني ان اكون معاكم :)

يا باشا الف مبروك مقدما وتنور
وابقى قوللنا رايك فى العربية بعد التجربة

[Ahmed.Fahmy]

فى حد تانى

[bisoolover]

واكيد هناخد منك لفة هههههههههههههههههه :d :d d: وربنا يبااركلك فيها

[المنسي]

معاكم ان شاء الله واهو الواحد يستفيد ويمكن يعرف حاجة جديدة

[K9KI]

السلام عليكم
فكره جميله وكنت اتمنى ان اكون معكم .

[Ahmed.Fahmy]

طيب ما تكون معانا يا باشا
تنور ايه المشكلة؟

[kareemafifi]

انا معاكو يا جماعة بس للاسف انا من اسكندرية حاولوا تفعلوا قصة الفيس ديه من فضلكوا