تغير نوع الزيت ضار بالعربية؟

[asaid]

انا بستخدم زيت شيل 5الاف كيلو لفليشيا 96, المهم الميكانيكي قالي ان الزيت ده خفيف ده للعربيات الجديدة, هل تغير نوع الزيت بيأثر على الموتور في حاجة؟ يعني الموتور بتاعي اتعود علي النوع الخفيف ده فهل لو استبدلته بتوع تقيل زي هليكس 2000كيلو يبقى في مشكلة؟

[rompo10]

اولا الميكانيكي دا مابيفهمش حاجه لان زيت شيل زيت تقييييييييييل واتقل من موبيل ولو عاوز تغير النوع عادي بس غير فلتر

[المنسي]

على فكرة انا بحط شل الاصفر 5000 للفليشيا عندى وكويس للموتور انا واحد ابن حلال كان واخد العربية وغير لها زيت وسالنى بتحطلها زيت ايه وقلتله شل 5000 ولما اخد العربية بعدها العربية جابت جوان سالته انت حطيت ايه قالى زى مانت قلتلى زيت شل قلتله منين قاللى من بتاع زيوت طيب جبته بكام تخيل قاللى بكام 70 جنيه قلتله نعم انت غيرت الزيت فين قاللى باع زيوت صاحبي وحبيبي وكفاءة قلتله انا بجيب الجركن من البنزينة بتاعة شل نفسها اللى هما موزعين ليه اساسا 116 جنيه قاللى اه اصل البنزينة بيبعوه غالى لو حد مكانى كان عمل فيه ايه