مشكله فى عداد الاوكتافيا

[farahat]

إستحملني واستحمل أسئلتي شوية تاني معلش :)
الديفيدي إلي راكب دة ماركه مختلفة مش الأصلي بتاع سكودا أو فولكس ؟
وهل اللي ركبه كان مركبه على نفس الفيش الأصلية ولا عمل تعديل في الضفيرة عشان يوصله ؟
بالنسبة لعداد المسافات هل ال-trip meters كلها بتظهر صفر ولا بتاع الصيانة بس ؟
هل العداد بتاع الكيلومتر العادي بيظهر طبيعي ؟ العربية عاملة كم ألف كيلو ؟

[طارق _عبد السلام]

إستحملني واستحمل أسئلتي شوية تاني معلش :)
الديفيدي إلي راكب دة ماركه مختلفة مش الأصلي بتاع سكودا أو فولكس ؟
وهل اللي ركبه كان مركبه على نفس الفيش الأصلية ولا عمل تعديل في الضفيرة عشان يوصله ؟
بالنسبة لعداد المسافات هل ال-trip meters كلها بتظهر صفر ولا بتاع الصيانة بس ؟
هل العداد بتاع الكيلومتر العادي بيظهر طبيعي ؟ العربية عاملة كم ألف كيلو ؟

يافندم حضرتك اللى تستحملنى كتر الف خيرك
بالنسبه للدى فى دى راكب على نفس الفيشه هو بتاع اوكتافيا لاكن مش اصلى
بالنسبه لعداد الرحلات بيبدأ من الصفركل مره مع دواره العربيه
والعداد بتاع الكمبيوتر العادى لايظهر طبيعى يعنى بيعد من الصفر كل مره
والعربيه عامله 70000 كيلو وعملت معايا حوالى 3000 بس وللعلم مجرد تبطيل العربيه ونا مشغل النور الصغير التابلوه بيطفى مع المفتاح ونور التابلوه ميشتغلش غير لما ادور العربيه

[farahat]

تقصد نور التابلوه بيطفي اللي هو نور العدادات الاخضر ولا كمان الإضاءة بتاعت الزراير اللي في التابلوه ؟

[طارق _عبد السلام]

نور العدادت الاخضر لاكن زراير التكيف والزجاج وكل الانوار شغاله عادى لاكن النور الاخضر المخصص للتابلوه بيطفى

[farahat]

طيب الحمد لله ، كدة طمنتني على وحدة ال power supply ،
أخر سؤال بس ، هو الديفيدي إنت أركبته بنفسك ولا جايب العربية كدة ؟، وهل متأكد إن كل توصيلات الفيش بتاعت الكاسيت متعملش فيها أي تعديل ؟

[طارق _عبد السلام]

هو كان راكب فى العربيه وصاحبها شاله قال لى انه مبيعرفش يتعامل معاه والاصلى كان راكب بتاع سكودا بشريط عادى وانا اللى شيلته من مكانه
وانا ركبته هى فيشه كبيره وفيشه ايريال وفيشه التيلفزيون بس
بس اكيد كان فيه تعديل لان ايريال التليفزيون موجود وحساس الجى بى اس موجود بس
لاكن الفيشه الرئيسيه الكبيره زى ماهى وبردوا ايريال الراديو زى ماهو الجديد الاتنين المزكورين اريال التى فى والجى بى اس

[farahat]

أصل المشكلة دلوقتي محصورة ما بين جزئين ،
1- يا إما لوحة العدادات دي إتفكت لأي سبب ولما إتركبت ما إتعملهاش برمجة تاني على العربية .
2- يا إما الضفيرة بتاعت الكاسيت دي فيها مشكلة سواء قافلة أو سلك مفكوك وده مأثر على الضفيرة اللي في التابلوه ، هل لما كان الكاسيت الأصلي راكب كان فيها نفس المشكلة ؟ وهل الفيشة الكبيرة دي فيه أي أصلك ناقصة أو متعدلة أو عليها لحام مثلاً ؟

[طارق _عبد السلام]

المشكله كانت موجوده والكاسيت الاصلى راكب
الفيشه الكبيره زى ماهى انا ركزت فى الموضوع ده قوى علشان اركب الفيشه

[farahat]

لو إنت متأكد من ناحية الكاست قوي كدة، يبقى محتاج لما تروح التوكيل تحكيلهم الموضوع دة وتقلهم القصة عشان يحطوه على الجهاز ويشوفو التابلوه دة متبرمج صح على العربية ولا لأ .
إنت كشفت على العربية في التوكيل قبل الشراء ؟ وهل متأكد إن قراءة العداد دي سليمة ؟
أنا مش قصدي والله أشكك في العربية ، وربنا يباركلك فيها ، لكن أنا بفكر معاك بصوت عالي فقط

[طارق _عبد السلام]

العربيه انا شاريها من صديق اعرفه جيدا وعارف ركوبه ولما سألته قال لى والله انا مابعرف فى العدادات وجاب لى فاتوره صيانه ال60000 الف
والعربيه تقريبا مافيها خربوش لان بيمشى قليل واغلب الكيلو مترات دى سفر
وانا مهتمتش او مكنتش فاهم انا كان معايا بولو وكنت مفتكر الموضوع عادى بس موضوع الكيلو متر دى حسيت انه مش عادى بالمره
انا هوديها لتوكيل عقل عندنا ده توكيل سكودا وهحكى لهم على الموضوع
واشكرك يافندم على تعبك ومتابعتك
جزاك الله كل خير وجعله الله فى ميزان حسناتك

[farahat]

يا باشا مفيش تعب ولا أي حاجة ، وإن شاء الله تطلع حاجة بسيطة ،
وعشان تكون مستوعب معايا الصورة ، دي صورة جزء من النتوورك بتاعت الكنترولات في الاوكتافيا ال-A5


البوكس الاحمار اللي فوق دة هو العدادات ، والجزء اللي على شماله دة ذي روتر كدة بينقل البيانات ما بين الكنترولات المختلفة ، يعني مثال مثلاً سرعة الموتور أو ال-RPM بتطلع من الموتور الموجود تحت يمين وتمشي على الشبكة لحد ال-gateway دة ومنه إلى التابلوه .
نفس الكلام بيحصل في الساعة بس بتيجي من مكان تاني ، والمسافات وهكذا ..


لو أي كونترول من دول إتفك واتعمل فيه تصليح (بما فيهم التابلوه ) لازم يتبرمج تاني على الشبكة والا هيجيب بيانات غلط

[URL=http://imageshack.us/photo/my-images/840/octavianetwork.jpg/]]

[طارق _عبد السلام]

يا باشا مفيش تعب ولا أي حاجة ، وإن شاء الله تطلع حاجة بسيطة ،
وعشان تكون مستوعب معايا الصورة ، دي صورة جزء من النتوورك بتاعت الكنترولات في الاوكتافيا ال-a5


البوكس الاحمار اللي فوق دة هو العدادات ، والجزء اللي على شماله دة ذي روتر كدة بينقل البيانات ما بين الكنترولات المختلفة ، يعني مثال مثلاً سرعة الموتور أو ال-rpm بتطلع من الموتور الموجود تحت يمين وتمشي على الشبكة لحد ال-gateway دة ومنه إلى التابلوه .
نفس الكلام بيحصل في الساعة بس بتيجي من مكان تاني ، والمسافات وهكذا ..


لو أي كونترول من دول إتفك واتعمل فيه تصليح (بما فيهم التابلوه ) لازم يتبرمج تاني على الشبكة والا هيجيب بيانات غلط

[url=http://imageshack.us/photo/my-images/840/octavianetwork.jpg/]]

كلامك مقنع ا/فرحات
يعنى لو انا رحت التوكيل وقالولى ان التابلوه ملعوب فيه (فرضا)
ممكن يجيبولى العربيه عامله كام كيلو فعلا او حصل لعب فى عداد الكيلو
اصل انا واخدها غاليه شويتين يعنى دافع 110
وفيه مسيلاتها من 100 الى 105
بس قولت فى داهيه الزياده بس آخد عربيه مضمونه ومدخلش فى متاهات الفتيس ووجع القلب اللى بسمعه
لو الموضوع ده فيه لعب هيكون فيه ترتيبات تانيه خالص
وممكن كلامك يكون أكيد لان من الواضح فعلا من كلامك انك فاهم كويس فى ردودك

[farahat]

كلامك مقنع ا/فرحات
يعنى لو انا رحت التوكيل وقالولى ان التابلوه ملعوب فيه (فرضا)
ممكن يجيبولى العربيه عامله كام كيلو فعلا او حصل لعب فى عداد الكيلو
اصل انا واخدها غاليه شويتين يعنى دافع 110
وفيه مسيلاتها من 100 الى 105
بس قولت فى داهيه الزياده بس آخد عربيه مضمونه ومدخلش فى متاهات الفتيس ووجع القلب اللى بسمعه
لو الموضوع ده فيه لعب هيكون فيه ترتيبات تانيه خالص
وممكن كلامك يكون أكيد لان من الواضح فعلا من كلامك انك فاهم كويس فى ردودك

بص يا باشا ، ذي ما قلت لحضرتك دة إحتمال من احتمالين ، مش شرط يكون العداد هو السبب ، وممكن يكون إتفاق لأي سبب تاني غير تغيير الكيلومتر . حتى كشف التوكيل هيأكد إذا كان إتفك ولا لأ لكن مش هيأكد إذا كان إتلعب في الكيلومتر .
موضوع الكيلومتر دة ممكن تعرفو بطريقة تقربيا بدون كشف التوكيل ، دلوقتي العربية موديل 2006 يعني ليها حوالي خمس سنين ونص في المتوسط ، يعني أقل من 72 شهر ، وحضرتك بتقول عملة 70 ألف كلو يعني كانت بتعمل ألف كيلو كل شهر ، الفاتورة إلي معاك بتاعت ال-60 ألف كانت بتاريخ كام ؟


المهم لو العربية كويسة وسليمة يبقى المهم تحل الملحوظات إلي فيها وخلاص و ربنا يباركلك فيها

[طارق _عبد السلام]

الفاتوره من 8 شهور والعربيه لايوجد بها دهانات نهائيا
وحالتها فوق الممتازه وبدالات البنزين والفرامل بحالتهم والفرش مشدود وكويس
بس مفتاح النور الرئيسى اللون الاسود فيه متشال ومتغير للون الابيض ملطش باسود وده كان قالقنى لانه كده يعتبر استعماله كتر قال لى انه نظفه بماده كده هى شالت اللون الاسود من عليه ونظر المفتاح فظيع لاكن كل شىء فى العربيه جديد جدا وفرجتها لناس كتير بس مش التوكيل اجمعوا على حاله العربيه الجيده جدا
بس اعلى سعر سمعته فيها 105 لانها الفئه الاولى وكيل