ارجو النصيحة من السادة الزملاء

[yrezk]

اشتريت اوكتافيا a5 موديل 2007 ماشية 63000 استبترونك وما كشفتش عليها فى التوكيل كشفت فى مركز خدمة خاص وقال لى كويسة بس زملائى فى العمل مخوفنى من قطع الغيار بيقولوا غالية جدا ومخوفنى من الفتيس و بودى فلف فهل هناك مشكلة فى النوديل ده من الاخر انا قلقت وعرضها للبيع فما رايكم ابعها ولا اخليها .

[AhMeD MeTwAlY]

حضرتك معروف قطع غيار سكودا غاليه
بالنسبه للفتيس تغير الزيت بعد 60000 كيلو بيحل المشكله ودي اساسا مش مشكله دي انتظام في الصيانه

[inspiron]

قطع غيار سكودا دي مش قطع غيار لانسر ولا إلنترا ولا سيراتو
أكيد أغلي من كل الكلام ده..في المقابل العربيات التانية دي تغير الحاجة بعد سنة في السكودا بتغيرها هي هي بعد سنتين وأكتر

بالنسبة للفتيس متسمعش أي حد يقولك بيبوظ ومش بيبوظ والفتي ده...كل ما هنالك إنك تغير زيت الفتيس كل 60000 كم وتنتظم بالموضوع ده الفتيس يعيش معاك لحد مليون كيلو

[benmatar]

السلام عليكم
بالنسبة للأوروبي بصفة عامة قطع غياره أغلى طبعا من الياباني والكوري بلا شك، وبالتأكيد بتعيش أفكتر وتستحمل، وعشان أكون صريح مع حضرتك أنت راكب عربية أوروبي محترمة تصميم وتكنولوجيا ألماني، يعني مينفعش تروح بيها لأي ميكانيكي عشوائي يفتي ويألف فيها ودي مشكلة ناس كتير فاكرة إن الأوروبي عربيات سيئة أو أعطالها كتير، بس الحقيقة راجعة للمستخدم نفسه، وعشان كدة أولا أنصح حضرتك بالتعامل مع فني سكودا متخصص وشاطر ومحترم وفعلا موجود أكتر من واحد ومتروحش لواحد شغال بتاع كله!
ثانيا أنصح حضرتك باستخدام قطع غيار أصلي وأؤكد على حضرتك إنك هتلاقي إن الموضوع ده وفر لك أكثر من لو كنت راكب عربية كوري من اللي مرطرطين في الشوارع، والأمثلة عندي كتير لأني كنت راكب A5 برضه ومعايا بيجو406 يعني كله أوروبي حتى الفيليشيا أفضل من مثيلاتها الكوري والياباني. يعني قطع غيار أغلى 30-50% وتعيش ثلاث أو أربع أضعاف. أما موضوع الفيتيس ده فأنا تعايشت معاه وفعلا سعر الصمام الرئيسي أو (body valve) حوالي عشر آلاف ج.م بس العيب من المستخدم زي حالاتي بيطنش تغيير الزيت (بشرط زيت أصلي مش من أي محطة ولا حتى موبيل أبو 40ج الكيلو).... زيت الفيتيس لازم يكون ORIGINAL وتغيره فعلا قبل 60 ألف كيلو. والفيتيس يعيش معاك وميشتكيش. إنما لو حضرتك مشتري عربية a5 حالتها تمام خسارة تبيعها وربنا يكرمك ويحفظها لك وأنصح حضرتك بزيارة لورشة محمد أصلان في مدينة نصر الحي السادس متخصص سكودا بفئاتها وفولكس بفئاتها وهما الاتنين ولاد عم في التكنولوجيا ورقمه 01005804585 > وبالتوفيق

[yrezk]

اشكر كل الاخوة على الرد والاهتمام وواضح انكم ناس محترمين جدا وده مش غريب على رواد نيل موتورز أما بخصوص الصيانة انا من الاسكندرية لو حد يعرف مركز كويس غير التوكيل يدلنى عليه وشكرا لكم جميعا

[Astra200]

اشتريت اوكتافيا a5 موديل 2007 ماشية 63000 استبترونك وما كشفتش عليها فى التوكيل كشفت فى مركز خدمة خاص وقال لى كويسة بس زملائى فى العمل مخوفنى من قطع الغيار بيقولوا غالية جدا ومخوفنى من الفتيس و بودى فلف فهل هناك مشكلة فى النوديل ده من الاخر انا قلقت وعرضها للبيع فما رايكم ابعها ولا اخليها .

غير زيت الفتيس والفلتر في التوكيل -- لو مكانش صاحبها غيره لأن ده ميعاد تغيره وده يكلف حوالي 1000 جنيه شامل كل حاجة

ممكن تغير سير الكاتينة

اكشف علي كوتش الكوبلن الخارجي والداخلي --- الداخلي محتاج تفك الصاجة اللي تحت علشان تشوفه

انا محتاجتش أغير حاجة غير الكوبلن الداخلي بعد 110000 كم وهو غالي )1650 * 2 ومحتاج كوبن خارجي


بس برضة انا خد مطبات وحجرة في الطريق بتهيألي لو كانت العربية كوري كان زمانها في خبر كان

العربية التحكم فيها ممتاز وثبات عالي علي الطريق ( يعني حاجة مقابل حاجة)

قطع الغيار غالية -- بس متركزة في العفشة بعد 100000 كم

[Ahmed.Fahmy]

مبروك ولو انها متاخرة
العربية ما شاء الله هتعجبك جدا
قطع الغيار المستهلكة ارخص من اليابانى او زيها
ممكن الغالى هو الفوانيس مثلا او الميكانيكا بس مش قوى يعنى
قطع الغيار معمرة جدا جدا جدا