هو في special order عند أرتوك أوتو؟

[الصيداح]

سلام الله عليكم

كنت بتسائل هل ممكن الواحد يطلب طلب خاص لفئة معينة من الأوكتافيا
بصراحة مبحبش غير المانيوال و بفكر بجدية في أوكتافيا مانيوال هاي لاين لون أبيض
والمانيوال مفيش منه هاي لاين ولا فيه لون أبيض للأوكتافيا
فهل من الممكن :

1-إني أطلب طلب خاص بهذه السيارة من التوكيل؟
2-لو مينفعش هل فيه أي طريقة لتنفيذ الطلب ولا هيبقى الرفض قاطع؟
3-هل التوكيل بياخذ فلوس معينة مقابل الطلب الخاص؟
4-فرضا إن التوكيل هيجيبها تتوقعون يكون تمنها كام؟
5-الشكل الجديد للأوكتافيا هينزل إمتى؟

وجزاكم الله كل الخير

[Kareem.ElAraby]

متابع

[asaber]

طالما منيوال يبقي فكر في السوبرب منيوال فل اوبشن 199 الف تقريبا

[eng_maged]

معلش سؤال: هو ليه مانيوال

[الصيداح]

متابع
وأنا يا سيدي مش غاوي أتوماتيك
علشان كدة في أي عربية بفكر في المانيوال فقط

[eng_maged]

ردك على سؤالك مش عارف صراحه بس ممكن تكلم خدمه العملاء وتسأل

بس بخصوص المانيوال - انت اكيد بتسوق في مصر وزحمتها واكيد المانيوال متعب في الزحمه

[الصيداح]

هههههه هههههههههه يا عم ماجد جننتني والله صحيح أنا مش غاوي أتوماتك وكمان أنا مش عايش في حتة فيها زحمة
بس سعرها ممكن يوصل لسعر السوبر بي

[Land_Cruiser]

معلش سامحنى فى السؤال تانى - هتدفع 200 الف فى مانيوال ؟
و دبرياج و اول و تانى و يجيلك شد عضلى من كتر الضغط على الدبرياج؟ نصيحه فكر تانى فى الموضوع ده
هو كمان حكايه الهاى لاين مانيوال دى ما اعتقدش انها موجوده فى اى ماركه و ال special order. بيبقى فيه حاجات ازيد مش اقل بس ممكن تتكلم و تسال بس توقع ان اللى هيرد عليك هيندهش حبتين تلاته. :)

[الصيداح]

معلش سامحنى فى السؤال تانى - هتدفع 200 الف فى مانيوال ؟
و دبرياج و اول و تانى و يجيلك شد عضلى من كتر الضغط على الدبرياج؟ نصيحه فكر تانى فى الموضوع ده
هو كمان حكايه الهاى لاين مانيوال دى ما اعتقدش انها موجوده فى اى ماركه و ال special order. بيبقى فيه حاجات ازيد مش اقل بس ممكن تتكلم و تسال بس توقع ان اللى هيرد عليك هيندهش حبتين تلاته. :)

ههههههههه الله يعزكم يا رب
ده الموضوع شكله طلع غريب
أنا فكرت إنه عادي جدا وممكن أي حد يعملها بس شكل الموضوع غريب شوية
بس المانيوال ماله بس
طيب سؤال تاني إذا تكرمتم
هو ممكن التوكيل يأخد الجنوط الحديد اللي بتبقى جاية مع الفئة المانيوال(ما هو أنا مش هجيب غير مانيوال)ههههههه وأشتري الجنوط 16 الأصلية وهيبقى الفرق حوالي كم؟

[islamaboelnaga]

انا زيك كده على فكره :)) كنت بدور على جيتا high line بس مانوال :)

[Land_Cruiser]

ههههههههه الله يعزكم يا رب
ده الموضوع شكله طلع غريب
أنا فكرت إنه عادي جدا وممكن أي حد يعملها بس شكل الموضوع غريب شوية
بس المانيوال ماله بس
طيب سؤال تاني إذا تكرمتم
هو ممكن التوكيل يأخد الجنوط الحديد اللي بتبقى جاية مع الفئة المانيوال(ما هو أنا مش هجيب غير مانيوال)ههههههه وأشتري الجنوط 16 الأصلية وهيبقى الفرق حوالي كم؟

معلش حضرتك متستغربش اننا مستغربين انك بتدور على مانيوال بس ده من الزحمه و الوقفه الكتيره فى الإشارات او طلوع الكبارى عجله عجله العمليه بتبقى صعبه و متعبه بالاضافه لان صانعى السيارات نفسهم بيخلوا الهاى او التوب لاين دائماً اتوماتيك اكيد لوجهه نظر برضه و علشان كده بنقولك حاسب و ده طبعا للخوف على مصلحتك و اعتبارك اخ بدون شك و بالتوفيق ان شاء الله

[farahat]

معلش حضرتك متستغربش اننا مستغربين انك بتدور على مانيوال بس ده من الزحمه و الوقفه الكتيره فى الإشارات او طلوع الكبارى عجله عجله العمليه بتبقى صعبه و متعبه بالاضافه لان صانعى السيارات نفسهم بيخلوا الهاى او التوب لاين دائماً اتوماتيك اكيد لوجهه نظر برضه و علشان كده بنقولك حاسب و ده طبعا للخوف على مصلحتك و اعتبارك اخ بدون شك و بالتوفيق ان شاء الله

تعليق بسيط بس على هذا الكلام ، وهو إن إلي بيحدد ال-top line و ال- high line ومواصفاته هو التاجر أو المستورد مش المصنع ، المصنع بيعمل كل العربيات بفتيس منوال وبيحط الفتيس الاوتو اوبشن ، وبييجي التاجر المصري أو الخليجي بيحدد الأوبشن دة في الطلبية إلي بيطلبها عشان عارف إن المشتري عندنا بيحب دة وهيدفع فيه .
لكن في الاصل كل عربية في الدنيا مهما كانت بتنزل فيها فتيس منوال وفتيس اوتو (ماعدا موديلات معينة لأسباب معينة بينزل فيها مانوال فقط أو اوتو فقط , و دول قليلين جدا )

[Land_Cruiser]

تعليق بسيط بس على هذا الكلام ، وهو إن إلي بيحدد ال-top line و ال- high line ومواصفاته هو التاجر أو المستورد مش المصنع ، المصنع بيعمل كل العربيات بفتيس منوال وبيحط الفتيس الاوتو اوبشن ، وبييجي التاجر المصري أو الخليجي بيحدد الأوبشن دة في الطلبية إلي بيطلبها عشان عارف إن المشتري عندنا بيحب دة وهيدفع فيه .
لكن في الاصل كل عربية في الدنيا مهما كانت بتنزل فيها فتيس منوال وفتيس اوتو (ماعدا موديلات معينة لأسباب معينة بينزل فيها مانوال فقط أو اوتو فقط , و دول قليلين جدا )

هو حضرتك أيا كان اللى بيحدد الهاى او التوب لاين مواصفاته ايه مش هيفرق كتير معانا و المهم ان اللى بيحدد ده ايا كان اكيد بيكون بناء على دراسه السوق و رغبات المستهلكين و معايير اختيار تختلف من بلد لاخرى و هو ده المهم و نتيجتها انه بيختار اتوماتيك للفئات التوب لاين و الهاى لاين لسبب وجيه علشان يعرف يبيعها وده يضاف لرأينا

[farahat]

وأنا مش مختلف معاك ، لكن الفرق الوحيد بين كلامنا إن دة تعريف ال-high line وال top line عندنا في مصر ، لكن في بلد تانية ال high line تعريفه ممكن يكون منوال ، ذي أمريكا مثلاً ، ال-BMW وال-Audi في الفئات العالية فيها بتكون منوال .
باختصار يعني لو صاحب السؤال هيجيب من مصر يبقى هيلاقي الطبيعي اوتو ، ولو هيجيب من أوروبا هيلاقي الطبيعي منوال ، مش معناه إن واحد منهم أعلى من التاني في الفئة ولا السعر .

[Land_Cruiser]

و أنا كمان مش مختلف مع حضرتك خالص و اعتقد ان صاحب الموضوع عايز يشترى من مصر و على فكره سعر الفتيس الاتوماتيك أغلى من المانيوال فى اى بلد و لاى ماركه و تحياتى