Tweet
السلام عليكم, النهاردة جايبلكم تقرير صيانة ال25000 لعربيتي الفانتازيا 2010. انا عملت الصيانة يوم السبت اللي فات عند م/خالد اسماعيل بس ما فضيتش خلال الأسبوع عشان أكتب. المهم هيا صيانة عادية يعني تربيط عفشة + تغيير زيت + كشف بالكمبيوتر + فلاتر.
ملخص الصيانة:
أول ما وصلت الورشة الصراحة ما استريحتش قوي (دي أول مرة أتعامل مع م/خالد). يعني كنت فاكرها ورشة كبيرة عن كده بس طلعت ورشة صغيرة زي ورشة أي ميكانيكي ممكن تروحله. بس هوا قالي انه حينقل في مكان تاني قريب من مكانه. فا ان شاء الله يكون أوسع من كده وأريح.
المهم بعد ما ابتدى يشتغل وكده ابتديت استريحله وهوا فعلا راجل فاهم وعنده ضمير وكنت راضي تماما وانا ماشي وخد مصنعية أقل كتير من ما كنت فاكر (80 جنيه) بس هوا قالي عشان أول تعارف وحاجات كده فا ممكن بعد كده تكون أغلى. المهم ان 80جنيه دي لو رحت لأي ميكانيكي كحيان حيطلب أكتر منهم. اللي اشتغل في العربية صنايعي عنده اسمه سامح وهوا شغله كويس يعني ما فيهوش الغشوميه اللي باشوفها في أغلب الصنايعية. والمهندس كشف بالكمبيوتر وطبعا كان متابع شغل الصنايعي. نتيجة كشف الكمبيوتر الحمد لله كله تمام بس قرايه التكييف قليله شوية مع اني معنديش أي مشاكل فيه وهوا قال لي مافيش حاجة تتعمل فا ربنا يستر وميحصلش حاجة في الكومبريسور لحسن دا ببتاع 6000جنيه. وهوا قال لي إن سمعة الكومبريسور بتار السكودا وحشة. يلا ربنا يستر.
و آدي الأسعار:
الزيت 5لتر موبيل1 ب360جنيه
فلتر زيت: 50 جنيه
فلتر هواء: 125 جنيه
فلتر بنزين: 145 جنيه
فلتر تكييف: 110 جنيه
والفرامل اللي ورا قدامها 1000كم بس كانت خلصانه عنده فا ان شاء الله ابقى اجيبها وأجيله مرة تانيه وهيا سعرها في حدود 380جنيه.
ملخص الصيانة:
أول ما وصلت الورشة الصراحة ما استريحتش قوي (دي أول مرة أتعامل مع م/خالد). يعني كنت فاكرها ورشة كبيرة عن كده بس طلعت ورشة صغيرة زي ورشة أي ميكانيكي ممكن تروحله. بس هوا قالي انه حينقل في مكان تاني قريب من مكانه. فا ان شاء الله يكون أوسع من كده وأريح.
المهم بعد ما ابتدى يشتغل وكده ابتديت استريحله وهوا فعلا راجل فاهم وعنده ضمير وكنت راضي تماما وانا ماشي وخد مصنعية أقل كتير من ما كنت فاكر (80 جنيه) بس هوا قالي عشان أول تعارف وحاجات كده فا ممكن بعد كده تكون أغلى. المهم ان 80جنيه دي لو رحت لأي ميكانيكي كحيان حيطلب أكتر منهم. اللي اشتغل في العربية صنايعي عنده اسمه سامح وهوا شغله كويس يعني ما فيهوش الغشوميه اللي باشوفها في أغلب الصنايعية. والمهندس كشف بالكمبيوتر وطبعا كان متابع شغل الصنايعي. نتيجة كشف الكمبيوتر الحمد لله كله تمام بس قرايه التكييف قليله شوية مع اني معنديش أي مشاكل فيه وهوا قال لي مافيش حاجة تتعمل فا ربنا يستر وميحصلش حاجة في الكومبريسور لحسن دا ببتاع 6000جنيه. وهوا قال لي إن سمعة الكومبريسور بتار السكودا وحشة. يلا ربنا يستر.
و آدي الأسعار:
الزيت 5لتر موبيل1 ب360جنيه
فلتر زيت: 50 جنيه
فلتر هواء: 125 جنيه
فلتر بنزين: 145 جنيه
فلتر تكييف: 110 جنيه
والفرامل اللي ورا قدامها 1000كم بس كانت خلصانه عنده فا ان شاء الله ابقى اجيبها وأجيله مرة تانيه وهيا سعرها في حدود 380جنيه.
Comment