مشكلة الجي بي اس في الاوكتافيا

[ashraf_aly]

السلام عليكم

انا اشتريت اوكتافيا 2011 وانا دلوقتي في السعودية من التوكيل هنا من شهر 8 تقريبا ولحد دلوقتي اسطوانة الجي بي اس كل ما اسال عليها يقولوا لسه موصلتش اصل الجي بي اس مش شغال اصل مفيش خرايط للسعودية وكلام كدة كتير مش مقتنع بيه خالص وفي الاخر قالولي مصر كدة بردة فانا عايز اسالكم هنا هل فعلا الدول العربية مش شغال فيها وكمان ازاي ينزلوا عربية وياخدوا فلوس اوبشن مش هيشتغل وهل فيه حل للموضوع دة ولا كدة خلاص اشتري والبس في الحيط

ياريت لو حد عنده اي معلومات يقول

[Mahmode]

اللي أعرفه إن في مصر الجي بي إس بتاع الأوكتافيا مش شغال. بس أنا عربيتي خليجي والكاسيت بتاعها كده كده مفيهوش جي بي إس

[ashraf_aly]

اللي أعرفه إن في مصر الجي بي إس بتاع الأوكتافيا مش شغال. بس أنا عربيتي خليجي والكاسيت بتاعها كده كده مفيهوش جي بي إس

شكرا علي رد حضرتك بس انا بردة عربيتي خليجي لاني شاريها من السعودية بس فيها كاسيت ب جي بي اس وكمان شاشة لمس فممكن يكون اختلاف في الكماليات اعتقد كدة

بس المشكلة هي ليه نازلة بالاوبشن دة ومش شغال حاجة محيرة جدا

[Ey123dok]

يا جماعة اصلا خرايط الدول العربية جميعها مش محدثة، حتى لو استخدمت الجي بي اس من الموبايل هتلاقية مش بيجيب صح والطرق غير معرفة علية

[Mahmode]

بس المشكلة هي ليه نازلة بالاوبشن دة ومش شغال حاجة محيرة جدا

اللي قريته قبل كده في موضوع على المنتدى إن الوكيل أساسا مش مشترك في الخدمة عشان كده مش شغالة في العربيات السكودا هنا في مصر والله أعلم.

يا جماعة اصلا خرايط الدول العربية جميعها مش محدثة، حتى لو استخدمت الجي بي اس من الموبايل هتلاقية مش بيجيب صح والطرق غير معرفة علية

الكلام ده مضبوط أنا مره اعتمدت على الجي بي اس يوديني مشوار في الهرم سوحني آخر تسويح واتأخرت عن المشوار بتاع ساعة. الكلام ده كان على برامج iGo و ٍ Sygic موبايل Galaxy S2.

[ashraf_aly]

طيب هوه ايه الحل دلوقتي انا محتار جدا هل الوكيل عليه تعويض الناس عن الفلوس اللي اتدفعت من غير فايدة ولا المفروض يشغلها ولا ايه؟؟؟

[hishoo_85]

ياجماعه السوفت وير بتاع الاسكودا اصلا تعبان ومحدش يقول الدول العربية الدول العربية نازل فيها وفي كل العربيات سكودا بس اللي مهتمتش بالموضوع

[AbouHussein]

اللي قريته قبل كده في موضوع على المنتدى إن الوكيل أساسا مش مشترك في الخدمة عشان كده مش شغالة في العربيات السكودا هنا في مصر والله أعلم.




الكلام ده مضبوط أنا مره اعتمدت على الجي بي اس يوديني مشوار في الهرم سوحني آخر تسويح واتأخرت عن المشوار بتاع ساعة. الكلام ده كان على برامج iGo و ٍ Sygic موبايل Galaxy S2.

بالنسبة للموبايل ولمصر التحديد مفيش افضل من nDrive كبرنامج gps أنا بستخدمه على ايفون وغاية في الروعة ، الخرائط غير محدثة ، ولكنه احدث المتاح بالنسبة لمصر.

[طارق _عبد السلام]

ياجماعه السوفت وير بتاع الاسكودا اصلا تعبان ومحدش يقول الدول العربية الدول العربية نازل فيها وفي كل العربيات سكودا بس اللي مهتمتش بالموضوع

الاستاذ○○○○hishoo

أنا ملاحظ انك مابتقولش كلمه حلوه فى العربيه الاسكودا خالص
انت ماسيبتهاش فى أى حاجه
حتى السوفت وير لو حضرتك بتكره العربيه للدرجه الشديده دى وأنا ملاحظ انك متابع بشده موضوعات اسكودالدرجه انى بنتظر ردك وأقول هيقول كلمه حلوه المره دى وفى الاخر لازم تقطيع فى العربيه ومع ذلك
احنا مش عايزين نكره عربياتنا اللى احنا دافعين فيها شقى عمرنا ♥♥♥♥♥♥

[hishoo_85]

استاذي الفاضل tootte اولا بعتذر منك وانا اسف ومعلش انا عارف ان كلنا دافين دم قلبنا في العربية عشان كدا انا بتكلم كدا وسامحني يمكن مش عارف اوصل رأيي في العربية بس بزعل لم بلاقي فيها مشاكل وخصوصا لم تروح مكان زي التوكيل ويلعب وهو مش فاهم ولا يعمل اي حاجة وخلاص ولا تروح عشان مشكلة ويقولك معرفش ياراجل انا اول ماشتريت العربية زرار النور خرب رحت مركز الاقصى لاقيتو بيقولي منعرفش العيب فين رحت غمرة شال الزرار وبدله وبس على كدا وبردو مركز غمرة ساعات تحس انه مظبوط في كلامه عندهم طريقة حلوة لاقناع العميل عموما انا بتأسفلك تاني مرة وحقك عليا ومش هتكلم فيها تاني
وشكرا على الاهتمام :)

[طارق _عبد السلام]

استاذي الفاضل tootte اولا بعتذر منك وانا اسف ومعلش انا عارف ان كلنا دافين دم قلبنا في العربية عشان كدا انا بتكلم كدا وسامحني يمكن مش عارف اوصل رأيي في العربية بس بزعل لم بلاقي فيها مشاكل وخصوصا لم تروح مكان زي التوكيل ويلعب وهو مش فاهم ولا يعمل اي حاجة وخلاص ولا تروح عشان مشكلة ويقولك معرفش ياراجل انا اول ماشتريت العربية زرار النور خرب رحت مركز الاقصى لاقيتو بيقولي منعرفش العيب فين رحت غمرة شال الزرار وبدله وبس على كدا وبردو مركز غمرة ساعات تحس انه مظبوط في كلامه عندهم طريقة حلوة لاقناع العميل عموما انا بتأسفلك تاني مرة وحقك عليا ومش هتكلم فيها تاني
وشكرا على الاهتمام :)

يا استاذى الفاضل العفو أنا ما اقصدش والله
انا عايز اقولك أنا حديث العهد بالاوكتافيا وبدلت كذا عربيه فى 15 سنه اربع عربيات وبجد من أفضل العربيات اللى ركبتها وكنت بفاضل بينها وبين التويوتا بس الاوكتافيا اقتنعت بيها واللى حببنى اكتر كان معايا عربيه بولو عربيه فوق الرائعه وحببتنى فى الالمانى بخصوص توكيل سكودا لسه ماتعاملت معاه صديقى اعطانى العربيه معمول لها سيرفس كامل بتاع ال60000 بس أنا من المحله الكبرى وعندنا ميكانيكى شاطر جدا واغلب بتوع الاوكتافيا بيتعاملوا معاه حافظ العربيه ولجأت له فى مشكله فى نور العدادات قالى حلها عندى مش فى التوكيل كمان وعملها فى دقائق وبجد احنا هنا علشان نفيد ونستفيد ومن عرض المشاكل والاراء والحلول بالتاكيد الفائده بتعُم على الجميع
وتقديرى لك اخى الفاضل

[tam77]

الاستاذ○○○○hishoo

أنا ملاحظ انك مابتقولش كلمه حلوه فى العربيه الاسكودا خالص
انت ماسيبتهاش فى أى حاجه
حتى السوفت وير لو حضرتك بتكره العربيه للدرجه الشديده دى وأنا ملاحظ انك متابع بشده موضوعات اسكودالدرجه انى بنتظر ردك وأقول هيقول كلمه حلوه المره دى وفى الاخر لازم تقطيع فى العربيه ومع ذلك
احنا مش عايزين نكره عربياتنا اللى احنا دافعين فيها شقى عمرنا ♥♥♥♥♥♥

+1111111111

[hishoo_85]

تسلم ايدك وربنا يباركلك فيها يارب ومدام في عندك واحد كويس بلاش تروح التوكيل وربنا يديك خيرها ويكفيك شرها انت وجميع المسلمين يارب