على التانى من وضع الثبات و بتقوم عادى

[mo7madbakr]

النهارده كنت ماشى على التانى و بعدين سواق ميكروباص كسر على مره واحده و كنت داخل على مطب
فرحت مفرمل والدنيا زى الفل
المهم بعد ما العربيه وقفت خالص و البيه سواق الميكروباص عدى نسيت اجيب الاول علشان اطلع تانى
طبعا كنت ماسك دبرياج على الاخر و معشق على الغيار التانى و رحت طالع

الغريب فى الامر ان العربيه مشيت عادى جدا ولا فى اى رجرجه ولا بطلت ولا حاجه

يا ترى ايه بقى ده ؟! يا ستار استر يا رب انا مفلس اليومين دول

[dado_256]

عادى خالص ولا فى اى مشكله

[devil_storm]

يا باشا عادى... معظم العربيات ال 1600 كدة بس بتبقى تقيلة شوية فى الطلعة

[Ahmed.Fahmy]

لا تقلق
انا ساعات بكسل انقل وبطلع على التانى عليطول
بس كده تمام يعنى العربية مظبوطة كويس طالما مش بتقطع

[benmatar]

السلام عليكم
الموقف ده معناه إن حالة اسطوانة الدبرياج كويسة ولله الحمد، بس التكرار مش كويس إنك تطلع على التاني عشان تحافظ على طقم الدبرياج

[MohssenRashed]

عادي جدا بالعكس دة دليل ان طقم الدبرياج كويس.

[mo7madbakr]

ﻭ ﺍﻟﻠﻪ ﺍﻟﻌﻈﻴﻢ ﺍﻟﻤﻨﺘﺪﻱ ﺩﻩ ﻭ ﺍﻋﻀﺎءﻩ ﺯﻱ ﺍﻟﻔﻞ
ﻣﺶ ﻋﺎﺭﻑ ﻣﻦ ﻏﻴﺮﻛﻢ ﻛﻨﺖ ﺣﻌﻤﻞ ﺍﻳﻪ
ﺍﻟﺤﻤﺪ ﻟﻠﻪ ﻋﻠﻲ ﻛﻞ ﺣﺎﻝ
ﻭ ﺷﻜﺮﺍ ﺟﺪﺍ ﻳﺎ ﺟﻤﺎﻋﻪ ﻟﻠﺘﻮﺿﻴﺢ

[ayman20100]

على فكرة انا كل يوم تقريباً بيحصل معايا الموضوع ده واكتر من مرة في اليوم عشان الطرق المصرية دايماً واقفه امش خطوة واقف وطبعاً مش بلحق اجيب الغيارات وبمشي على التاني واقف ولو مشيت بسرعة عادي بزود بنزين بسيط وامشي عادي جداً مش فاهم ايه الغلط في الموضوع الدبرياج بيفصل الاسطوانة وبيرجعها تاني بالتدريج وخلاص الفرق بس انه بيحصل رجه في العربية عشان السرعة بطيئة اول الحركة وخلاص

[sakr_skoda]

عادى جدا وايه المشكلة بتحصل معايا كتير وبتبقى عن عمد مش نسيان والعربية بتسحب زى الفل برضوا....*

[talhawy]

الحمد لله ان عربيتى اوتوماتيك اصلا