طلب مساعدة

[saint]

فى البداية اسجل كل احترامى للمنتدى والاعضاء المحترمين

ثانيا ارجو سعة الصدر لعرضي لمشكلتى

املك سيارة فيليشيا مو2000 موتور mpi 1300 سي سي انجكشن مكيف
فى بداية المشكلة منذ حوالى 3 شهور عندما كنت ادير المحرك صباحا تضاء انور التحذيرية وعند لقط الموتور تنطفئ فورا اى ان كل شيء طبيعى ولكن بعد مشوار كبير وخصوصا لو كان على سرعة عالية حوالى 7 كيلو طوالى
وبمجرد ان تصل سرعة المحرك - بغض النظر عن سرعة السيارة - الى سرعة الحمل الخالى او الايدل تبدأ انوار السيارة التحذيرية الخاصة بضغط الزيت فى الرجفة وبمجرد لمس دواسة البنزين ... تختفى
فى كل مرة اركن وانزل للكشف تحت الكبوت
مستوى الزيت تمام
مستوى المياة تمام
حرارة المحرك تمام (على الثرموستات الاصلي - سرعة المروحة الاولى 92-98 الثانية 101-105)
لزوجة الزيت طبيعية بالنسبة لحرارته
بعد الكشف عليها بكونسولتو ميكانيكيين ( اجتمعوا واجزموا ان هذا زيادة خلوصات السبيكة مع الكرنك) مما يسبب هروب لسائل التزييت وفقد الضغط
تم عمل الاتى
خراطة كرنك 0.10
سبيكة كرنك 0.10
هلالات كرنك 0.10
سبيكة بييلات جديدة
جلب بييلات + بنوز جديدة
طقم شنبر
تغيير حساس ضغط الزيت + زيت + فلتر
ولكن
والحمد لله اللذي لا يحمد على مكروه سواه
المشكلة كما هى بعد مشوار طويل او جرى بالسيارة او يوم طويل تظهر ولمسة لدواسة البنزين ... تختفى
ارجو المساعدة
شكرا واسف للاطالة ولكنى ............... مخنوق وقلت افضفض

[mada3030]

بص انا الموتور الانجيكشن دا مش بفهم فيه اوى بس انت ليه اخترت الحل الصعب الاول
كان ممكن يكون فى حاجه فى كهربه العربيه او العداد او الفيوزات او الدينامو
انما تخرط موتور على طول كده لا
صعب اوى وبعدين هيا الحراره بتوصل منك ل 105 لا كتير ولا انا فاهم غلط

[ehab_osman]

المشكلة في اضاءة لمبة الزيت .................. صح كده ولا ايه .

المشكلة مش واضحة لي .....................
بس انا فهمت التي :-
الزيت تمام .
السخونة تمام .
السحب تمام .
الكشف علي السيارة بالنظر تمام .

المشكلة في اضاءة لمبة الزيت .................. صح كده ولا ايه .

[saint]

استاذ mada3030 شكرا لاهتمامك .. ولكن انا اخترت فك الموتور بعد استشارة ميكانيكية كتير وايضا الكشف على الكهربا ثانيا الحرارة من 90 الى 100 مفيش خطر على الاسكودا لانها ببساطة مظبوطة على ثرموستات اصلي
استاذ ehab_osman صحيح كل اللى حضرتك قلته .. الموضوع معصبني ابقي سايق وكل شيء تمام وفجأة تنور اللمبة او بمعنى اصح ترعش اول ما اهدى واشيل رجلى من على بدال البنزين والموتور يشتغل على سرعة السلانسيه (ملحوظة : الموضوع ده بيحصل على السلانسية والموتور سخن بس )وبمجرد لمسة تنطفي

[ehab_osman]

فغالبا حتكون المشكلة مشكلة كتاوت المارش

استاذ mada3030 شكرا لاهتمامك .. ولكن انا اخترت فك الموتور بعد استشارة ميكانيكية كتير وايضا الكشف على الكهربا ثانيا الحرارة من 90 الى 100 مفيش خطر على الاسكودا لانها ببساطة مظبوطة على ثرموستات اصلي
استاذ ehab_osman صحيح كل اللى حضرتك قلته .. الموضوع معصبني ابقي سايق وكل شيء تمام وفجأة تنور اللمبة او بمعنى اصح ترعش اول ما اهدى واشيل رجلى من على بدال البنزين والموتور يشتغل على سرعة السلانسيه (ملحوظة : الموضوع ده بيحصل على السلانسية والموتور سخن بس )وبمجرد لمسة تنطفي

طلما كل حاجة تمام كده + شحن الدينمو كويس ................؟؟؟؟؟؟؟
فغالبا حتكون المشكلة مشكلة كتاوت المارش .............. في بداية بوظان ......... فكها وشفها حتلقي رجل اكبر من رجل ....... غيرها او اشترى كتاوت وخليها معاك ......... لانها شكلها حتودع قريب .....
وربنا معاك ؟

[Maged_Samy]

المشكله دى كانت عند صديق ليا معاه فليشيا اخت بتاعتى وطلبت منه يجيب فلتر زيت و ركبت الفلتر الجديد وكل شىء بقى تمام ولاحظت الاتى :
1- الفلتر القديم كان مستورد وليه 3 فتحات بس
2- الفلتر الجديد مصرى ليه 6 فتحات .
3- احسن فلتر من وجهه نظرى ماركة فاك وده اكترهم فى عدد الخروم وممتاز بس ناقص فى السوق علشان فيه مشكله فى المصنع .
يعنى المشكله كانت بسبب فلتر الزيت .... غير الفلتر وجرب ...
لو مفيش نتيجه ممكن تعلى العربيه شويه من مسمار التعليه وده هيخلى العيب يروح كأنك دوست سنه بنزين .

[ehab_osman]

+1

المشكله دى كانت عند صديق ليا معاه فليشيا اخت بتاعتى وطلبت منه يجيب فلتر زيت و ركبت الفلتر الجديد وكل شىء بقى تمام ولاحظت الاتى :
1- الفلتر القديم كان مستورد وليه 3 فتحات بس
2- الفلتر الجديد مصرى ليه 6 فتحات .
3- احسن فلتر من وجهه نظرى ماركة فاك وده اكترهم فى عدد الخروم وممتاز بس ناقص فى السوق علشان فيه مشكله فى المصنع .
يعنى المشكله كانت بسبب فلتر الزيت .... غير الفلتر وجرب ...
لو مفيش نتيجه ممكن تعلى العربيه شويه من مسمار التعليه وده هيخلى العيب يروح كأنك دوست سنه بنزين .

+1

1. غير الفلتر وجرب .
2. تعلى العربيه شويه من مسمار التعليه وده هيخلى العيب يروح كأنك دوست سنه بنزين .
3. شوف كاتوت المارش الخارجية .