تحذير هام لكل مالكي اوكتافيا -فانتازيا -a5

[kok200]

بسم الله الرحمن الرحيم

تحذير هام بخصوص مالكي اوكتافيا - فانتزيا

في فريق متخصص في سرقة كفوف المراية

خصوصا في منطقة مدينة نصر - مصر الجديدة

عشان كدة لما تركن عربيتك فك الكفتين بنفسك وشيلهم ولما ترجع ركبهم تاني

سعر الكفتين الصيني 700 جنية

ديبو (مش موجود )

استيراد مش موجود

استيراد شارع دمشق (مسروق )

الاصلي 2400 شمال تعتيم - 1400 شمال عادي -1400 يمين عادي

[Mahmode]

لا حول ولا قوة إلا بالله. اللهم خذهم أخذ عزيز مقتدر وأكفنا شرهم .

[amroebraheem]

حسبى الله ونعم الوكيل ولا بارك الله لهؤلاء اللصوص
ولكن انا لا أفضل فك المرايات لان ده حل مش منطقى والا بعد كده اخد السيارة معى للمنزل
معذرا الحل المنطقى انك تحدد اماكن ركن السيارة بحيث تكون امام حد انت عرفه اما عند المنزل واما امام العمل
او فى جراج العمارة او جراج خاص. ومرة اخرى لا بارك الله لهؤلاء اللصوص
ومن ناحيتنا لانشترى الاشياء المسروقة هذه ابدا حتى نوقف نشاطهم الاجرامى.والله المستعان
والسلام عليكم ورحمة الله وبركاته

[kok200]

غصب عنك بتجبر تروح مشاوير
وتركنها في اماكن مش معروفة

ساعتها تفك المراية :)

[fouaa]

لا اله الا الله والله الواحد مبقاش عارف يعمل ايه خلصنا من العلامات طلعنا فكفوف المرايات

[destaroser]

غطوا العربية وازنقوا الغطاء تحت البيان

[dr_darsh]

لا حول ولا قوة الا بالله ... الناس دى هتروح من ربنا فين
كده الواحد لما ينزل من العربيه هيفك ايه ولا ايه ... الإريال ولا المرايات ولا العلامات
فوضنا امرنا اليك يارب انت حسبنا ونعم الوكيل

[ahmedkadry2020]

معلش ممكن اعرف بيتفك ازاي كف المرايه بتاع الa5