الحاقوني بكبالن داخليه .. A5

[alawizo]

يا رجالـــــــــــــــــــــــــــــــــــــــــــه الـ اسكودا >>>>>>>>>>>>>>>>>>>>>>>>>

كم سعر الكبالن الداخليه لل A5

ومنين ممكن اجيبها وبكام وفي أصلي وصيني ولا أيـــــــــــــــــــــــه و لو جبتهم لازم أغير الكوبلن الخارجي كمان ؟؟؟؟؟؟؟؟؟؟؟؟؟؟؟؟؟

[dr_darsh]

انا حصل معايا نفس الحركة بس فى الكبالن الخارجية دورت على الأصلى طبعا موجود فى التوكيل اليمين والشمال ب 4800 ج طبعا نسيت الفكرة دروت على البديل بره لقيت مكتوب على الكرتونه ايطالى ب 350 ج بس مش مكتوب عليه نفسه اى حاجه وكان فية صينى ب 120 الواحد .... رحت لواحد بتاع كبالن قاللى انت عندك الكوبلن الشمال بس اللى بايظ الحمد لله وقاللى عنده واحد استيراد ب 1000ج برده نسيت الفكره عمرى ما أفكر جيب سلعة مستهلكه زى الكبالن استيراد ابدا ... المهم رحت جبت الصينى وقلت لو غيرته كل 3 شهور يبقى كويس بس العربيه مشيت بيه 10000كم وطقطق تانى
على فكره المحل اللى اشتريت منه بيقوللى كان فيه المانى ب 800ج بس خلصان أعتقد ده لو المانى فعلا هيبقى كويس

[alawizo]

تماااااااااااااااااام جدا .......... فين بقي مكان المحل ده لو سمحت يا dr_darsh ؟؟؟

[dr_darsh]

المحل ده فى التوفيقية امتداد الشارع اللى في محل بطاح على اليمين وهتلاقى هناك محلات كتير لبيع قطع غيار الإسكودا بس مش فاكر اسمه على العموم انا فاكر انى كنت واخد منه كارت هاحاول ادور عليه ولو لقيته هأكتب اسمه ورقم تليفونه

[Astra200]

يا رجالـــــــــــــــــــــــــــــــــــــــــــه الـ اسكودا >>>>>>>>>>>>>>>>>>>>>>>>>

كم سعر الكبالن الداخليه لل a5 :o_stupid[1]:

ومنين ممكن اجيبها وبكام وفي أصلي وصيني ولا أيـــــــــــــــــــــــه و لو جبتهم لازم أغير الكوبلن الخارجي كمان ؟؟؟؟؟؟؟؟؟؟؟؟؟؟؟؟؟

حصل معايا وسألت مهندس أثق فيه من سكودا قالي غير الأصلي مش مضمون
سعرهم 3300 و وقت ماعزتهم ماكانوش موجودين في التوكيل - المهم لقيتهم عند أبو الحسن عند شارع بين السرايات من جامعة القاهرة --

ومالهمش علاقة بالكوبلن الخارجي
الخارجي يتغير لما يطقطق

[alawizo]

تسلم ايدك يا dr_darsh

[alawizo]

حصل معايا وسألت مهندس أثق فيه من سكودا قالي غير الأصلي مش مضمون
سعرهم 3300 و وقت ماعزتهم ماكانوش موجودين في التوكيل - المهم لقيتهم عند أبو الحسن عند شارع بين السرايات من جامعة القاهرة --

ومالهمش علاقة بالكوبلن الخارجي
الخارجي يتغير لما يطقطق

تمام كده قوي .. الحمدلله جت سليمه

[KHALED AYMAN]

انا لو فى مكانك ..
يا هجيبه من التوكيل يا من الهاشميه ..
لان اه غالى ..بس اصلى و هتركبه و تنساه
اى حاجه تانيه مش مضمونه ..و كل شويه هتغيره !
اانا عندى فى الفانتازيا كوبلن داخلى بردو ..تقريبا يمين
بس العربيه فى الضمان ..هغيره ان شاء الله فى الضمان

[Astra200]

انا لو فى مكانك ..
يا هجيبه من التوكيل يا من الهاشميه ..
لان اه غالى ..بس اصلى و هتركبه و تنساه
اى حاجه تانيه مش مضمونه ..و كل شويه هتغيره !
اانا عندى فى الفانتازيا كوبلن داخلى بردو ..تقريبا يمين
بس العربيه فى الضمان ..هغيره ان شاء الله فى الضمان

كوبلن داخلي في الضمان!!!! انت عامل كام ألف ؟

[KHALED AYMAN]

25 ال كم

[alawizo]

25 ال كم

مستحيل انت اكيد قصدك خارجي

[KHALED AYMAN]

مستحيل انت اكيد قصدك خارجي

الاعراض كالاتى :
من سرعه 110 لسرعه 130 فى رجه فى العربيه
بتختفى لو شيلت رجلى من على البنزين او لو جيبت الفتيس على n
و فى حدفه يمين فى العربيه و ظبتت زوايا 3 مرات فى التوكيل و برا التوكيل مش بتروح
و مفيش طقطقه

[alawizo]

الاعراض دي فعلا كبالن داخليه بس بتكون علي سرعه 80 كمان ..

انت في الضمان ولا لأ ؟؟

[KHALED AYMAN]

اه فى الضمان ...الصيانه الجايه هقولهم عليها و من تجاربى السابقه معاهم ..اتوقع الموضوع مش هياخد جدل كبير و ان شاء الله يتغير :)

[osha966]

ياجماعة قبل أن تغير الكوبلن يجب أن تتأكد من تلفه ..لأن الأعراض دى ممكن تكون بسبب أعوجاج فى الجنط الأمامى بسبب مطب عنيف أو خبطة فى الرصيف ...تحياتى للجميع