لمبة اعطال تعباني

[adelsaad]

الاخوة الاعزاء
العربية اوكتافيا a4 موديل 98
لمبة علي شكل سيارة وتحتها مفتاح بتنور وما بتطفيش ودائما تعلق وتزهقني لغاية ما تطفي ويستحيل العربية تدور طول ما اللمبة دي منورة
افيدوني في سبب العطل وجزاكم الله خيرا

[Ahmed.Fahmy]

دا الكود بتاع المفتاح يعنى العربية مش بتقرأ المفتاح

[adelsaad]

شكرا علي الرد وجزيتم خيرا
الحل في الحالة دي اية

[engmohfaw]

حاول تستخدم المفتاح الاصلى بتاع العربيه لان فى ناس كتير بتعين المفتاح الاصلى وتعمل عليه و لمشكلة دى بتحصل بسبب الايموبليزر او مانع الحركه وعندما يحدث عدم تطابق بين المفتاح والكود المخزن فى كنترول المحرك لا تدور السيارة وفى بعضالسيارات تدور ثم تبطل بع 2 ثانيه

[mezo73]

حاول تستخدم المفتاح الاصلى بتاع العربيه لان فى ناس كتير بتعين المفتاح الاصلى وتعمل عليه و لمشكلة دى بتحصل بسبب الايموبليزر او مانع الحركه وعندما يحدث عدم تطابق بين المفتاح والكود المخزن فى كنترول المحرك لا تدور السيارة وفى بعضالسيارات تدور ثم تبطل بع 2 ثانيه

الكلام دة صحيح بس ممكن تعمل تجربة ممكن تنفع انك تفصل البطارية لمدة ساعتين وترجع تركبة تاني ودة بيعمل ريستارت لكمبيوتر الغربية لانة ممكن يكون معلق جرب ومش هاتخسر حاجة
المهم انك ترجع تقولنا عملت اية

[AhMeD MeTwAlY]

ساعتين مش كتير

[mezo73]

لا مش كتير لان الفكرة ان الموضوع مش مجرد ريستارت زي الكمبيوتر بس لاء
الفكرة ان في اجزاء كهربائية بتختزل شحنات كهربائية ودي بتاخد وقت لتفريغها

[Ahmed.Fahmy]

ممكن حجارة الريموت عاوزة تتغبر

[kok200]

باشا اخر مرة غيرت زيت البور امتي ؟

[adelsaad]

شكرا علي الردود وجزاكم الله خيرا
انا جبت سبراي ورشيت في الكونتكت وخبطت بايدي علي الكونتكت كدة خبطتين التعليقة الحمد لله فكت ولغاية دلوقتي الامور تمام