مشكلة فى فتيس اوكتافيا a4 اوتوماتيك بيطلع على الثالث وما بينقلش

[alaama]

السلام عليكم ورحمة الله وبركاتة

عندى مشكلة فى عربيتى اوكتافيا a4 موديل 98 يا ريت اصحاب الخبرة يفيدونى

المشكلة ان الفتيس ما بينلقش خالص هو بيطلع على الثالث وبيفضل عليه ثابت مع العلم انى ببقى على الوضع D يعنى الاول والثانى والرابع مش موجودين بالمرة

المشكلة بدأت انى كنت ماشى بالعربية طبيعى جدا فجأه حصل زى ما يكون اصطدام او فرامل شديدة جدا وقفت وبطلت العربية وبعدين دورت ومشيت بس للاسف لقيت العربية وهى طالعة مفيش فيها عزم واكتشفت انها بيطلع على الثالث و ما بتنقلش من الثالث خالص

افيدونى افادكم الله

[kok200]

روح الحرفين

او التوكيل

وان شاء الله بسيطة

[m_marmoush]

إلغى الأوفر درايف لو عندك

[mahamede]

ممكن تكون الفبرة بتاعت راس العقربة بتاعت الفتيس ,, روح لوجدى فى الحرفيين

[rompo10]

انت غيرت زيت الفتيس ولا لا

[engmohfaw]

اتاكد من زيت الفتيس لان حساس درجة حرارة الفتيس وده بيكون فى العقل الالكترونى للفتيس والمعروف باسم علبة البلوف فى حالة تلفه او ارتفاع درجة حرارة الفتيس لايسمح بتعدى النقلة الثالثة حفاظا على الفتيس من التحطم لذلك بنصح حضرتك بالتاكد من الزيت ووضع السارة على جهاز كشف اعطال vagوليس جهاز عام وان شاء الله تكون بسيطه

[alaama]

شكرا لحضراتكم على الاهتمام وان شاء الله هروح بكره لواحد متخصص

[alaama]

الحمد لله تم اصلاح العطل وهو بسيط جدا
العطل كان عبارة عن حساس اسمه g38 مكانه اعلى الفتيس
وشكرا على المساعدة

[kareemafifi]

انا كان حاصل نفس العيب عندي في فيتيس اوتوماتيك بردو بس 2003 و كان حساس اللي بتقول عليه و الحمد لله اتحلت ياريتني كنت دخلت من فترة و طمنتك بس للاسف انا بقالي كتير مادخلتش هنا