استفسار بخصوص اقصى سرعه للفانتازيا

[KHALED AYMAN]

السلام عليكم
مبدئيا الى مجربش يجيب اخر عربيته ميجربش ...
الى جرب بس هو الى يقول :)
وده طبعا خوفا على الناس الى مجربتش
انا جربت اشوف اخر العربيه الفانتازيا بتاع الحاج
بتيجى عند 187 ..وتبدا 188 189 190 ببطء شدييد
وبعدين 191 بعد عذااااااااااب
و هوب 192 بطلوووووووع الروح
كل ده و هى العربيه على 5
لو نقلت على 6 وانا داااااااايس
السرعه بتقل ..لان العزم بتاعه مش قوى طبعا :(
انا زعلت جدا بصراحه
كنت فاكرها بالميت هتجيب 195

بالمناسبه انا جربت على طريق جمصه اسكندريه الدولى :)

[Mahmode]

ربنا يسترها معانا جميعا. أنا أقصى سرعة جبتها ~150 على الدائري

[محمد المصرى]

رسمى من الكتالوج اقصى سرعة لناقل الحركة الاتوماتيك 184
اقصى سرعة لناقل الحركة اليدوى 194

واقصى سرعة جبتها 183 ومحاولتش اكتر عشان الطريق

[HASSAN SERRY]

و نيجى هنا يا خالد و نتكلم عن الفيكترا ال 200 بتيجى مستريح جدا
ارجع قسم الأوبل و ملكش دعوه بالأقسام التانية

[HASSAN SERRY]

Opel rocks

[KHALED AYMAN]

ربنا يسترها معانا جميعا. أنا أقصى سرعة جبتها ~150 على الدائري

آمين يا رب
متزودش بقى عن 150 :)

رسمى من الكتالوج اقصى سرعة لناقل الحركة الاتوماتيك 184
اقصى سرعة لناقل الحركة اليدوى 194

واقصى سرعة جبتها 183 ومحاولتش اكتر عشان الطريق

منا عارف ان الكتالوج فيه كده ..
بس مثلا الفيكترا معايا مكتوب فى الكتالوح 194 ..وانا جيبت بيها 220 :) فكنت فاكر الدنيا هتبقى حلاوه برده فى الفانتازيا ..
وكان معايا ايه فايف جابت 195

و نيجى هنا يا خالد و نتكلم عن الفيكترا ال 200 بتيجى مستريح جدا
ارجع قسم الأوبل و ملكش دعوه بالأقسام التانية

هههههههههههههههههههه
انت مراقبنى :)
الاوبل 220 ..تعرف و انا بجرب الفانتازيا ..عدانى واد بتاع فيكترا سى :( كنت عاوز اقوله والله لو شوفتك تانى هعرفك ههههههههه

opel rocks

ومالو :)

[inspiron]

غريبة جدا...أنا عربيتي الله يرحمها يا خالد علي طريق مصر-إسماعيلية الصحراوي يوم 22/5/2011 الساعة 6 مساءا :d

وصلت بيها لسرعة 203 كم علي وضع s وأفتكر إني بعت الصورة لمحمد عباس وقتها..ممكن لما أكلمه أجيبهالك منه

[hany63]

لازم الاخذ في الاعتبار اتجاه الريح معاك ولا ضدك و زاويه انحدار الطريق لو مطلع خفيف غير منظور بيأثر و ماتنسوش ان عزم العربيه بالنسبه لوزنها يادوب
انما لو سقت اي عربيه tsi عزمها 200 نيوتن فما فوق ولا يفرق معاها اي حاجه

[KHALED AYMAN]

احمد مجدي انا فعلا مستغرب ..
بشمهندس هاني ..انا واخد بالي من كلام حضرتك ...بس انا جربت كذا مره في يومين مختلفين و اتجاهين مختلفين ...و فضلت علي 192 كتيييير

[AhmeD_KhaleD]

201 كم فانتزيا 2011 عداد 33000

[dozo]

احمد مجدي انا فعلا مستغرب ..
بشمهندس هاني ..انا واخد بالي من كلام حضرتك ...بس انا جربت كذا مره في يومين مختلفين و اتجاهين مختلفين ...و فضلت علي 192 كتيييير

ايه يا خالد باشا الكلام ده . ده انا كنت ناوى خلاص اجيبها بعد شهر هيه تقيله اوى كده خاصه ان كان معايا النترا 2008 و ايه يا رجاله اخبار العزل عشان ده يهمنى اوى

[KHALED AYMAN]

ايه يا خالد باشا الكلام ده . ده انا كنت ناوى خلاص اجيبها بعد شهر هيه تقيله اوى كده خاصه ان كان معايا النترا 2008 و ايه يا رجاله اخبار العزل عشان ده يهمنى اوى

سحبها حلو و زى الفل بس بعد 180 ضعيفه ...
العزل على 192 انا مش سامع صوت الموتور !
بس صوت الهوا عاااااالي

[AbouHussein]

٢١٠ على a4 خليجي بوجيهات ٥ شمعة ، زيت موبيل ١ .. صيفاً على الصحراوي وفي اتجاه الريح ، الشهادة لله معرفتش اعملها تاني ، وفي المتوسط ١٩٠ هيا اعلى حاجة.
بغض النظر عن نوع السيارة ، السواقة على السرعات دي عايزة قلب ميت ، خصوصا ان العربيات دي مش وش ذلك. دي عربيات ملاكي مش عربيات سرعة .. والغلطة بفوره ... ربنا يحفظكم جميعاً.

[KHALED AYMAN]

البوجيهات ال 5 شمعه بتفرق معاك ؟
وفعلا العربيه على السرعات دى بتبقى زى الصاروخ

[Medo.Malek]

انا ليا ذكرى وحشة مع الطريق الدولى ده كنت ماشى بسوبارو امبريزا على 100 120 و حبيت اشوف جرى العربية اخباره اية
سقطت نقلة و كبست بنزين و هاتك يا 140 و نطيت على 160 و وصلت 180 و هوب عربية عطلانة فى الحارة الشمال و حاطط طووووووب فى نص الطريق و اكل الحارة اللى انا فيها و الحارة اللى بعدى على اليمين فيها عربية جامبو قدامى بشوية ماشية 170 اقل واجب !! لانى كنت كابس و بحصلها بالعافية !
الموقف كالاتى الطوب قدامى ب 10 15 متر و انا على سرعة 180 و العربية الجامبو بينها و بين الطوب متر و نص تقريبا مترين بالكتير
مش هاقول غير انه الحمد لله عدى و ازاى ما اعرفش من عند ربنا