العربية مش عايزة تدور

[MostafaHassan]

السلام عليكم و رحمة الله
عندى مشكلة فى عربية سكودا فليشيا كان نزلت بيها اول امبارح و كانت تمام جدا و امبارح بليل بقى جيت انزل بيها مش عايزة تدور خالص و ده لان البطارية نامت و احنا عندنا الجو فى اسكندرية تلللللج المهم مش بتدورو بتعمل تكتكة سيبتها و النهاردة فكيت البطارية و وديتها للكهربائى شحنتها و رجعت بدور تمام بتبدأ بس مش بتدور يعنى المشكلة كان شحن لكن سوور العربية بتشخر لكن ما بتدورش ايه حلها ده لازملها رمية و لا ايه و لو في حل تانى غير الرمى يكون افضل لان الشارع عندى مكسر عشان الغاز فا زقها هيكون صعب
فى انتظار ارأئكم

[sakr_skoda]

على فكرة العربية سليمة وما فيهاش حاجة هى بس تلاقى حضرتك كتمتها بنزين لما ما كنتش عاوز تدور سيبها شوية وراجع كهربا المشط اللى جار الموبينة وان شاء الله خير متقلقش........

نسيت لو حضرتك ناوى ترميها من فضلك قولى حترميها فين وامتى............*

[atala]

انشاء الله تدور علشان مينفعش ترميها من عير ما تصلحها وعلي العموم علشان ما تتعبناش معاك احنا نديك العنوان علشان ترميها فيه وتحط المفتاح في حته نتفق عليها ويستحسن تكون الرخصة سارية أد سنتين كده قدام وبرده تغيرلها كاوتش علشان منصرفش عليها .

[asaid]

أعتقد يا جماعة هو قصده بالرمي ان حد يزوقها

[المنسي]

الراجل قصده حد يزق وهو يرمى غيار كده يعني

[atala]

مش مهم قصده ايه احنا في الخدمة في الحالتين