ياريت حد يفيدني ازاي ازيل البويه الجديده وترجيع العربيه لحالة الفبريكه

[عزيزفهمي]

عندي العربيه للاسف رشه جوه (لا يوجد حوادث )ولكني اريد ازالة البويه لترجيع العربيه للفبريكه مره اخري لاني مش عارف ابيع العربيه كل اللي يعرف انها رشه جوه يقولي شكرا ما بشتريش حد عنده فكره ازاي اشيل البويه مساعده يااهل الخير

[AhMeD MeTwAlY]

العربية موديل كام يا فندم؟؟

[sakr_skoda]

صعب جدا تزيل البوهية بعد الرش لآن تحت البوهية حتلاقى معجون ودا لو حاولت تشيلة ممكن تشيل البوهية الأصلية معاه....*

[A.Saad]

هى اترشت بسبب
1- حادث
او 2- غشومية مالك سابق واستهبال صنايعية

[عزيزفهمي]

العربيه سكودا فيليشيا موديل 96 وهي مرشوشه من جوه غشومية مالك سابق واستهبال صنايعيه فعلا لان البودي بتاع العربيه سليم ولا يوجد اثار لحوادث

[zega332]

اول حاجه البويه مينفعش تتشال وترجع الي تحتها لأن لو هتشيل البويه هيبقى بأستخدام ماده مزيله ودى هتشيل كل حاجه مع بعض
تانى حاجه وده رأيي الشخصى ان العربيه لو رشه جوه ده بيبقى فى حالتين بسسسسس
1-تكون هتغير لون العربيه كله بلون تانى
2- تكون العهربيه معمول فيها شغل سمكره فى الدواخا وبالتالى هيعمل معجون ويرش
ونصيحه من اخ طالما انت معرفش ايه سبب الرش يبقى ما تحولش تعمل حاجه ولو هتبيع والدواخل بتاعت العربيه نظيفه كل حاجه بتبان يعنى لو شغل سمكره هيبان ولو رش تغيير لون برضه هيبان يبقى انت متقلقش والي هيشترى قوله هات حد بيفهم يتفرج على العربيه
(سؤال اخير حضرتك اشتريت العربيه وهى رشه جوا وانت عارف ولا ما اتفرجتش عليها)