صوت طقة في الفانتازيا

[inspiron]

استاذي الفاضل
الموضوع مش موضوع تحدي كما لو كنت انك فكيت كل العربيات وعرفت انها الماني وممكن فعلا ان يكون في مكونات تركي والدليل لو نزلت سألت علي قطع غيار هاتلاقي تركي وممكن تكون اصلي وبعدين اناكتبت ان دة الكلام اللي سمعتة من تاجر قطع غيار وبعدين موضوع شكوي الطقة اللي بتحصل مش انا اللي اخترعتة وسالت والراجل قالي ان في كذا حد اشتكي نفس الشكوي

لا يا ريس الموضوع مش عنجهية وفك عربيات يا جميل...أنا علي مدار 4 سنين إمتلكت أوكتافيا a4 وفانتازيا...وحافظ كل مسمار في العربيتين من الإكصدام للإكصدام..ودي هواية عندي الحمد لله العربيات اللي بشتريها بعرف فيها القرد مخبي إبنه فين عشان ملجأش للصنايعية غير في الشديد القوي

[mazher_m]

السلام عليكم .. يا جماعة أنا معايا فانتازيا 2012 لسة معملتش 3000 كم ..وانا بجيب reverse بسمع صوت طقة من ناحية العجلة الشمال قدام .. وديتها مركز خدمة الاقصى اعدت يومين يجربوا ويقوللي في الاخر مش عارفين الصوت ده منين العربية كلها زيرو من تحت . أنا معرفش هو ده صوت طبيعي ولا إيه .. فـياريت حد يدلني لو عنده معلومة أو ينصحني بمركز خدمة أكتر خبرة يمكن يكون المركز اللي رحته معندهمش خبرة كفاية . أو يمكن يكون كل الفانتازيا فيها الصوت ده
وشكرا

ايه الاخبار ....مفيش جديد؟

[hishoo_85]

ميزو 73 معلش بس موجهتلكش كلام ومش قصدي سخرية خالص
اسف مرة تانية لو فهمتني غلط
وارجو الافادة للجميع وانا واحد من الناس اللي الطقة دي موجودة في عربيتو بس الفرق انها 2009 وظهرت بعد 10 شهور مش وهي جديدة صراحة وهي توكيل مش خليجي
نهاركم سعيد :)

[wawamoha]

طب معلش اسمعم رايي و اي حد عنده المشكله دي قريب من حي الواحه في مدينه نصر يعدي عل مهندس خالد اسماعيل و ياخد رايه
ربنا معاكم و لاتنسونا في الدعاء

[mezo73]

hishoo85
شكرا علي التعقيب ومافيش زعل ولاحاجة :)

[ahadidy]

بس على فكرة أنا مش حاسس إن الموضوع ده أكتر من مجرد صوت . يعني مفيش حاجة في
stability مثلا بس ممكن يكون فعلا مركز الاقصى ده مش كويسين هجرب مركز غمرة

[ahadidy]

طيب هو فين المهندس خالد اسماعيل ده .. أنا مش فاهم ده توكيل ولا ورشة ولا مين

[NaderNabil]

انا عندي نفس الحوار في الأوكتافيا a5...بس فقط لما ال3 حالات دي بتتجمع مع بعض:
1- جايب مارشيدير و بدأت تتحرك
2- كاسر الدركسيون (مش لازم للأخر)
3- بدأت تدوس فرامل أثناء الرجوع للخلف

و على ما أتذكر نفس القصة دي موجودة في البيكانتو

[hishoo_85]

الله عليك يا nadr-nabil هو ده فعلا اللي بيحصل بالظبط الله ينور عليك والله خصوصا الحالة رقم 3
3- بدأت تدوس فرامل أثناء الرجوع للخلف
هي دي بالظبط
طيب كدا الحمدلله اجمعنا على ان العيب واحد ياريت نتجمع على الحل الاكيد لحل المشكلة الصغيرة دي ونعرف ايه سببها وانا عاوز اقول انها ظهرت عندي اوي حسيت ان العجلة هتطلع من مكانها لم كنت محمل كتير في العربية عشان كنا بنعزل وكدا ومليتها عفش-- وشكراً

[ahadidy]

افهم من الكلام إن ده طبيعي يعني ولا هي فعلا مشكلة بس مش حاجة مهمة .. كمان تم ذكر اسم المهندس خالد اسماعيل حد يفهمني بسهو مين والاقيه فين

[wawamoha]

المهندس خالد ورشه في حي الواحه في مدينه نصر
انسامن عل خلق و قمه في الشطاره و الامانه
هاتدعيلي ان شاء الله

[hishoo_85]

هي من جهة مشكلة فهي مشكلة ولازم حلها طبعا مش معنى انه طبيعي نسكت عليها كله الا العفشة وياريت لو حد وصل لحل المشكلة المتكررة دي عند الناس كلها يبلغنا بيها ويكون حل المشكلة فعلياً

[محمد بدر]

ممكن الموضوع ده يكون فى حاجه فى جلب المقصات والله أعلم

[ahadidy]

لا مش في الجلب خالص أنا كشفت عليها وكله تمام والكبالن تمام والمساعدين والبيض أنا كشفت على كل حاجة ومفيش حاجة بتقول إنها بايظة أو عايزة تتغير . فين حي الواحة ده ولو عندك رقم تلفون يكون هايل

[محمد بدر]

الجلب من الممكن يكون شكلها سليم جدا" لاكن غير ثابتة فى مكانها