يعد اما غسلت العربية بالكيماوي لقيت إشارة الإنتظار شغالة مش بتتطفي

[sport781]

السلامة عليكم و رحمة الله و بركاته
أنا غسلت العربية بالكيماوي إنهارده من الداخل في بنزينة وطنية بعد اما غسلتها لقيت أنوار الإنتظار شغالة مش بتطفي خالص حتى لو طفيت العربية
مش عارف إيه السبب
أنا عربيتي سكودا فانتازيا 2010
أرجو المساعدة
مع العلم إن أحد الفوانيس الخلفية فيه كسره فهل ممكن تكون دخلت ميه فيه

[islamaboelnaga]

شويه و هتظبط لوحدها

[طارق _عبد السلام]

حاول توقفها فى الشمس فتره
وان شاء الله كل حاجه هتبقى تمام

[hishoo_85]

ايوا وقفها ف الشمس وان شاء الله هترجع تاني كان عندي زراير الشبابيك لم نشفت اتظبطت

[Donzi]

واضح ان العربيات مابتسلمش من اي نوع غسيل و لازم حاجة تضرب

بس ان شاء الله بسيطة

[KHALED AYMAN]

افصل كابل البطاريه
واركنها فى شمس
ومتغسلش فى المحطه دى تانى

[mezo73]

فعلا فك كابل البطارية لمدة ساعتين وشوف
ولو مابطلتش شوف العلبة بتاعت الكتاوت ممكن يكون دخلها مياة
عاتعرفوا من صوت الفلاشر وممكن يكون زرار الانتظار يكون هو اللي علق ومالوش دعوة بموضوع الغسيل
او لو انت مركب انزار ممكن يكون هو السبب يكون دخلوا مية وعلق
علي العموم الموضوع يكون بسيط ان شاء الله

[Astra200]

السلامة عليكم و رحمة الله و بركاته
أنا غسلت العربية بالكيماوي إنهارده من الداخل في بنزينة وطنية بعد اما غسلتها لقيت أنوار الإنتظار شغالة مش بتطفي خالص حتى لو طفيت العربية
مش عارف إيه السبب
أنا عربيتي سكودا فانتازيا 2010
أرجو المساعدة
مع العلم إن أحد الفوانيس الخلفية فيه كسره فهل ممكن تكون دخلت ميه فيه

انفخ علبة الفيوزات (من جنابها) بالهوا-- المايه بتتجمع تحت العلبة وبتعمل حاجات غريبة

معلومة قالها لي مهندس أحمد زاهر في الأتوستراد