نص عمرة موتور ل sf95

[darehawk]

المشكلة يا شباب ان العربية بتاكل زيت كتير فروحت للميكانيكي قالي لازم شنابر وتظبيط وش السلندر فكنت عايز اعرف رنج الموضوع ده كام هو قالي من 700 ل 800 فهل كده كويس وغير كده العربية بتهز جامد مع الفرملة وكنت خارط الطنابير قبل كده فعايز اعرف الطنابير الكويسة تعمل كام معلش انا تقلت عليكوا

[sakr_skoda]

والله انا اقترح انك تخليك ماشى شوية بالعربية لحد لما تدبر حالك وتسقط موتور استيراد اوفر ليك واحسن بكتير وسعره تقريبا من 2500 الى 3000 لأن ال700 اللى قالك عليها الميكانيكى دى فتح باب ومحدش يقد يحدد الى اى حد ستصل التكلفة النهائية فنصحتى بلاش تفتح على نفسك باب وتفتح موتور العربية غير افضل انا عن نفسى ماشى بالعربية لحاااااااااااااد لما تجيب آخرها وفى النهاية سوف اقوم بتسقيط موتور استيراد**

[darehawk]

شكرا جزيلا على رد حضرتك بس المشكلة اني مجرب موضوع الاستيراد ده وبقاله معايا سنه ونصف واهو جاب شنابر

[المنسي]

بص هو كان فيه واحد زميلنا هنا كان لسه عامل الشغل بتاعك ده اسمه xman تقريبا دور فى الموضوعات القديمة من حوالى شهر او شهرين وكان عامل نفس القصة دى اساله وهيقولك الدنيا عاملة معاه ايه دلوقتى لو تمام توكل على الله بس شوف ميكانيكي فاهم اسكودا عشان مينيلش الدنيا لو لقيت الحوار مش جاى على هواك هاتلك ماتور استيراد يكون الميكانيكي معاك يكشفلك عليه وبالتوفيق

[benmatar]

السلام عليكم
بالنسبة للطنابير سعرها 240ج.م ودي ألماني ومحفور عليها من الحرف وشكلها محترم، ومشتريها من سنة والحمد لله تمام.
بالنسبة لموضوع الموتور أنصحك أولا بالتعامل في كل الحالات مع فني سكودا متخصص وفعلا لو عندك القدرة إنك تجيب موتور كامل استيراد يكون أفضل لأن المشكلة إن قطع غيار معظم العربيات اليومين دول وبالذات الأجزاء الداخلية مغشوشة