octavia a4

[zmmor]

السلام عليكم إزى حضراتكم...........يارب تكونو بخير دايما
أنا كنت هسألكم على الأوكتافيا الa4 إيه رأى حضراتكم فيها كعربية لمهندس زيى وكام سعرها يعنى لو زيادة عن كام ماأجيبهاش علما أن فى حالة قدامى بالمواصفات التالية :
ماركة السيارة: سكودا أوكتافيا a4-خليجى
2-الموديل/السنة: 2006
3-عدد الكيلومترات: 75,000 كم
4- نوع ناقل الحركة ( مانيوال - أوتوماتيك - ستيبترونيك ): أوتوماتيك
5-لون السيارة: أسود
6-الكماليات (كاسيت-تكييف-زجاج كهرباء-باور): جميع الكماليات (ما عدا التكييف التتش)
7-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة): رشة حزام نظافة
8-حالة الدواخل (رشة مناطق كذاوكذا او فابريكة): فابريكة بالكامل
9-حالة الصالون (معقول-جيد-جيد جدا - ممتاز- حالة نادرة): ممتاز
10-الحالة العامة او التقييم العام للسيارة (معقول-جيد-جيد جدا - ممتاز- حالة نادرة): ممتاز
11-السعر المبد ئي كام (هل قابل للتفاوض او نهائي): 82,000 نهائى
12-تاريخ انتهاء الرخصة: تقريبا مارس 2013
13-اول يد او ثاني او ثالث الخ الخ: ثانى يد تقريبا (كانت مع خاله )
14-امكانية البيع بتوكيل او اشتراط التسجيل: العربية بإسم المالك
15-حالة الموتور: ممتازة (حالى زيرو)
16-كمبيوتر أعطال-جنوط-زينون عالى وواطى

[mezo73]

السيارة معاية وكيل 2006 مانيوال
ماشاء الله غول وقوية وثبات ومريحة جدا
اذا كانت الحالة ممتازة توكل علي الله لن تندم
السعر اظن انة مبالغ فية حاجة بسيطة يعني انا بتهايألي انها من 78 الي 80 والله اعلم
اهم حاجة شيك علي الفتيس يعني العربية تسخن وتقرص بيها وكيك داون وبعدين تقف وتجيب مارش دير وتقرص وتقف وبدين تجيب d وتقرص لو سمعت اي صوت يبقي في مشكلة في الفتيس
وربنا يوفقك

[ahmedfarou2]

ميزو باشا استفسار منك بس
طيب دي اتوماتيك و السعر كدا انا بدور علي مانيوال و بنزل اتفرج و بسمع اسعار غريبه جدااااااااااااااا
السعر العادل للمانيوال الحالات الممتازه و النظيفه السعر العادل ليها كام ابتداء من 2006 الي 2009 لحسن في ناس بتتطلب في حالات شازه 2008 مثلا اواخر التسعينات علي كونتكت لما زهقت

[zmmor]

متشكر جدا يا أستاذ ميزو
أنا هأكشف عليها فى التوكيل.......إيه رأى حضرتك
هم بيطلعو كل العيوب اللى فى العربية
بس اللى عجبنى فيها أنها خليجى فلو هى طلعت ممتازة عفشة وفتيس وموتور متهيألى تستاهل تمنها........ولاإيه رأى حضرتك؟

[HAITHAM1985]

دوس يا معلم ...... بالتوفيق إن شاء الله

[mezo73]

السعر اظن انة مبالغ فية حاجة بسيطة يعني انا بتهايألي انها من 78 الي 80 والله اعلم

انا اسف جدا لاني تقريبا هيست وانا بكتب الاسعار
2006 اتوماتك من م85 ال 88 فأدا كان السعر 82 اعتقد انة ممتاز
وبكرر اعتذاري

[mezo73]

ميزو باشا استفسار منك بس
طيب دي اتوماتيك و السعر كدا انا بدور علي مانيوال و بنزل اتفرج و بسمع اسعار غريبه جدااااااااااااااا
السعر العادل للمانيوال الحالات الممتازه و النظيفه السعر العادل ليها كام ابتداء من 2006 الي 2009 لحسن في ناس بتتطلب في حالات شازه 2008 مثلا اواخر التسعينات علي كونتكت لما زهقت

بص يا باشا بالنسبة للاسعار
للمانيوال
من 2006 الي 2009 وطبعا للحالات الممتازة
تبدأ من 85 الي 105 لموديل 2009
انا من فترة شوفت عربية لواحد قريبي 2008 وحالتها كانت هباب كانت عاوزة موتور ودهان وكاوتش كان طالب 78 والعربية تصرف حوالي 15 الف
وكمان كان في واحد معرفة عاوز ياخد عربيتي فصلها ب 87 لاني مركب زينون وكاوتش دانلوب الماني جديد وستائر علي الرخصة بس انا مستني شوية
وربنا يوفقك في الشراء ان شاء الله

[Ahmed.Fahmy]

بعد الكشف فى التوكيل لو الحالة دى طلعت حقيقة توكل على الله

[TOOLA]

السعر كويس لو العربية حالتها زى ما بتقول, توكل على الله و اكشف.

[zmmor]

أنا كشفت الحمد لله .............وإتصدمت شوية الصراحة هقولكو تفاصيل وسيادتكم تقولولى سعرها كام بعد الكشف:
(1)مساعدين أماميين (ممكن أمشى بيها سنة)
(2)مساعدين خلفيين (ممكن أمشى بيها سنة)
(3)بارات دريكسيون
(4)كوتش كوبلن يمين
(5)أويل سى عشان زيت الفتيس منشع من تحت
(6)كاوتش دنجل خلفى
(7)بلية دينامو
(8)كوعة مياه التبريد
(9)كالون صدر أمامى
أما عن حالة شاسيه السيارة فهى رشة نظافة والكبوت والسقف والشنطة والقوايم فبريكة............ومن تحت فى بقعة صغيرة لحام فى كارتيرة زيت الموتور متهيألى نتيجة مطبات وبقعة لحام تانية فى الشاسيه تحت الشنطة عالشمال وده مش من حادثة
أفتونى برأيكم يا جماعة وجزاكم الله خيرا

[TOOLA]

أنا كشفت الحمد لله .............وإتصدمت شوية الصراحة هقولكو تفاصيل وسيادتكم تقولولى سعرها كام بعد الكشف:
(1)مساعدين أماميين (ممكن أمشى بيها سنة) 1200 ج أصلى من الهاشمية, و يفضل بالسعر ده تجيب الكونى لأن الأصلى الجبتهم معجبونيش أوى.
(2)مساعدين خلفيين (ممكن أمشى بيها سنة), نفس الحوار تقريبا
(3)بارات دريكسيون - اصلى عند الهاشمية ب 1000 كاملين (بس مش موجودين عاندو دلوقتى),و المانى بس مش اصلى من فتح الباب ب 550 ج تقريبا ,لسه مركبهم امبارح و مش هقدر أحكم دلوقتى.
(4)كوتش كوبلن يمين (ولا حاجة, الخوف بس تكون دخلت تراب او طينة على الكوبلن و ده ساعتها هيقصر عمره)
(5)أويل سى عشان زيت الفتيس منشع من تحت (أعتقد ديه بردو بسيطة)
(6)كاوتش دنجل خلفى (معظم الناس هيقوللك يفضل تغير الدنجل كامل باخر استيراد ,و ده استيراد بالطنابير بيعمل فى حدود 900 ج و من غير الطنابير هيعمل 600 ج تقريبا, بس انا امبارح بالصدفة كنت مع الميكانيكى و عدينا على كذا محل استيراد فى الحرفيين و منهم واحد شكلوا مش قديم فى القصة قلينا 500 ج بطنابيره و مشتملاته, قلتله ميتسبش ده, و دخلنا المخزن نقينا واحد و دفعت فلوسه الحمد لله و لسه هركبه خلال يومين ان شاء الله و اشوف ايه النظام), المشكلة ان كاوتش او جلب الدنجل عشان تحلها و تحط مكانها لازم تتحط على مكبس خراط و نظرا لثقل الدنجا ممكن الجلب متتحطش صح و ده بيخلى الميكانيكية ينصحوا بتغيير الدنجل كله.
(7)بلية دينامو (معرفش سعرها بس متعيبش)
(8)كوعة مياه التبريد (ان شاء الله بسيطة بردو مش حوار)بس بعد تغييرها لازم تراقب المياه ولو مبتنقص تغير للمياه الحمراء
(9)كالون صدر أمامى معرفهوش
أما عن حالة شاسيه السيارة فهى رشة نظافة والكبوت والسقف والشنطة والقوايم فبريكة............ومن تحت فى بقعة صغيرة لحام فى كارتيرة زيت الموتور متهيألى نتيجة مطبات وبقعة لحام تانية فى الشاسيه تحت الشنطة عالشمال وده مش من حادثة. هنا بأه الكلام, كونها رشة حزام بس ده كويس, ولحام الكرتيرة مش قصة عشان ده مش اساسيات و ممكن تتغير كلها اساسا, مشكلتى باه فى اللحام الفى الشاسيه التحت الشنطة, لو زى منا فاهم يبقى ده يعيب فى العربية فى عرف السوق المصرى و ينزل سعرها (اعتقد ملهوش تأثير على أداء العربية), لو اللحام ده فعلا فى شاسيه العربية الأساسى, ساعتها يبقى فكك منها,هتلاقى حالات تانية أحسن.
أفتونى برأيكم يا جماعة وجزاكم الله خيرا

[yousefsemsem]

توكل علي الله وهي عربيه ممتازه الحاجات اللي عاوزه تتغير ديه حاجات مستهلكه اي عربيه بتغير حتي لو فبريكه بالكامل هي بس مشكلتها قطع غيارها غاليه ولحام الكرتيره مش اساسا لكن اللحام التاني اسال صاحب السياره ايه سببه واكيد خير