اويل سيل وزيت الفتيس

[المنسي]

دلوقتى العربية كان بقالها فترة بتنقط زيت من عند الفتيس جنب الكوبلن وبقول بتنقط يعني نقط خفيفة فانا قلت اعالج التنقيط ده ورحت للميكانيكي وغيرنا الاويل سيل اللى عند الكوبلن وكمان اويل سيل بتاع عصاية الفتيس والكاوتش بتاعته المهم عدى عليا يومين تمام وبعدها اركن العربية ربع ساعة الاقى تحتها بقعة زيت اد كده دلوقتى انا عايز اعرف العيب منين هل الاويل سيل اللى انا جبته مش كويس ولا الميكانيكي معرفش يعمله كويس ولا الزيت كان كتير ولا ايه طيب انا دلوقتى هاروح للميكانيكي تانى هل هاجيب اويل سيل جديد ولو هاجيبه اجيب من عند مين ويكون مضمون الواحد خلاص من كتر الحاجات اللى بقى يشتريها وتطلع مضروبة مبقاش عايز يغير حاجة من الحاجات القديمة اللى راكبة فالعربية معلش استحملونى اسالتى كتير

[AhMeD MeTwAlY]

الاويل سيل الي في الفتيس دا بينقط عندي بردو زيت وجيت اشتريه واركبه الميكانيكي الغبي قالي هنفك الفتيس وعملي فيلم وانا من ساعتها وانا مكسل

[المنسي]

12 مشاهدة ومفيش غير رد واحد شكرا يابو حميد على ردك وان شاء الله انا هاروح للميكانيكي ولما اخلص هاقولكم انا عملت ايه

[AhMeD MeTwAlY]

12 مشاهدة ومفيش غير رد واحد شكرا يابو حميد على ردك وان شاء الله انا هاروح للميكانيكي ولما اخلص هاقولكم انا عملت ايه

الشكر لله
يا ريت يا غالي لان الزيت دا بهدلي البلاط علي الاخر

[ashraf09]

يا ريت تقولينا عملت ايه لانى بمر بنفس المشكله و خلاص تعبت, ربنا يفرجها علينا يا رب

[sakr_skoda]

يابو مجاهد عيب قوى لما تقول اسئلتى كتيرة واستحملونى داحنا نشيلك على راسنا من فوق والله لكرم اخلاقك وذوقك ياغالى....
بص ياغالى اويلسه الفتيس دا حاجة بسيطة جدا وانتا ممكن تعملها بنفسك لو كنت متابع الدروس اللى انا عملتها حضرتك تشترى اويلسه اصلى بس من فين والله ماعرف اسئل عليه وتركيبه سهل جدا انا ركبتة بنفسى تفقك الكوبلن الداخلى وتشيل القديم وتحت الجديد وتركب الكوبلن الداخلى وخلاص مش حدوته ولا حاجة زى البيه الدكتور لما قال لأخونا احمد متولى يفك فتيس ايه دا غبى ولا ايه اه غبى مليون فى الميه اللى بيتفط الكوبلن الداخلى وطبعا علشان نفك الداخلى لازم نفك الخارجى يعنى راجعو كدا الدرس دا حتستفادو منه خالص ياخسارة علامك ياصبحى....*

http://www.nilemotors.net/Nile/335319-a.html

[elandlos]

طبعا زى الحاج صبحى ماقال الموضوع فى غاية البساطه
رفعه خفيفه بالكوريك وفرشه سريعه وبصه على الفتيس من تحت علشان تحدد الزيت جاى من اين
ولاغرابه ان يكون الاويل سيل الجديد بايظ عادى وربما الميكانيكى لم يأخذ الحيطه الكامله اثناء التركيب
وعلى فكره استقبل الزيت بتاع الفتيس فى حاجه نظيفه لاستعماله مرة ثانيه خساره
وعن تجربه روح لميكانيكى يقوم بهذا الدور وياريت نفس الميكانيكى علشان ده كمالة شغل بدأه
تقبل مرورى

[YHYAKOTB]

معلش يامنسى المضروب كتير فى السوق ومفيش اصلى

[المنسي]

شكرا لردودكم جميعا بس الموضوع قديم من شهر 5 اللى فات والمشكلة ساعتها طلعت ان الاويل سيل مضروب وكمان مقاسه مش زى الاصلى بالمللى ساعتها اشتريت واحد جديد اصلى كان ب 20 جنيه من عند ابو الحسن وركبته والحمد لله تمام من ساعتها ومفيش نقطة زيت بتنزل

[المنسي]

يا ريت تقولينا عملت ايه لانى بمر بنفس المشكله و خلاص تعبت, ربنا يفرجها علينا يا رب

كل اللى عملته انى اشتريت اويل سيل اصلى بتاع العربية لان بيجي بنفس مقاسات الاصلى اللى نازل فالعربية وفكيت فردة الكاوتش اللى قدام السواق وطلعت الكوبلن الخارجى والداخلى بس كنت حاطط جركن علشان الزيت اللى ينزل من الفتيس وبس فكيت القديم اللى كان راكب وده كان نوع مضروب مقعدش فالعربية اسبوع وركبت الجديد وقفلت وفكيت واير السرعة وزودت زيت تانى والحمد لله من ساعتها

يابو مجاهد عيب قوى لما تقول اسئلتى كتيرة واستحملونى داحنا نشيلك على راسنا من فوق والله لكرم اخلاقك وذوقك ياغالى....
بص ياغالى اويلسه الفتيس دا حاجة بسيطة جدا وانتا ممكن تعملها بنفسك لو كنت متابع الدروس اللى انا عملتها حضرتك تشترى اويلسه اصلى بس من فين والله ماعرف اسئل عليه وتركيبه سهل جدا انا ركبتة بنفسى تفقك الكوبلن الداخلى وتشيل القديم وتحت الجديد وتركب الكوبلن الداخلى وخلاص مش حدوته ولا حاجة زى البيه الدكتور لما قال لأخونا احمد متولى يفك فتيس ايه دا غبى ولا ايه اه غبى مليون فى الميه اللى بيتفط الكوبلن الداخلى وطبعا علشان نفك الداخلى لازم نفك الخارجى يعنى راجعو كدا الدرس دا حتستفادو منه خالص ياخسارة علامك ياصبحى....*
http://www.nilemotors.net/nile/335319-a.html

ربنا يبارك لنا فى عمرك ياحج صبحي ويجعل مجهودك ده فى ميزان حسناتك الناس تستفاد منه وتدعيلك

طبعا زى الحاج صبحى ماقال الموضوع فى غاية البساطه
رفعه خفيفه بالكوريك وفرشه سريعه وبصه على الفتيس من تحت علشان تحدد الزيت جاى من اين
ولاغرابه ان يكون الاويل سيل الجديد بايظ عادى وربما الميكانيكى لم يأخذ الحيطه الكامله اثناء التركيب
وعلى فكره استقبل الزيت بتاع الفتيس فى حاجه نظيفه لاستعماله مرة ثانيه خساره
وعن تجربه روح لميكانيكى يقوم بهذا الدور وياريت نفس الميكانيكى علشان ده كمالة شغل بدأه
تقبل مرورى

شكرا لمرورك

معلش يامنسى المضروب كتير فى السوق ومفيش اصلى

اتقرصت منه واشتريته والميكانيكي ركبه وكان بيسرب زيت ساعتها وطبعا مصنعية الفك والتركيب وغير العطلة

[aymn2003]

يا جماعة الميكانيكى ممكن جدا يكو ن صح لانى عارف ان فى جوا الفتيس اولسيه داخلى مسئول عن التسريب ولازم الفتيس يتفك

[المنسي]

يا جماعة الميكانيكى ممكن جدا يكو ن صح لانى عارف ان فى جوا الفتيس اولسيه داخلى مسئول عن التسريب ولازم الفتيس يتفك

حضرتك مفيش فتيس بيتفك علشان اويل سيل حضرتك ممكن تقرا المشاركة بتاعتى اللى فاتت وهتعرف بالظبط ايه اللى بيتفك