ايه رأى الخبراء فى الروماستر ؟

[Land_Cruiser]

السلام عليكم ،

كنت عايز اعرف معلومات من فضلكم عن الروماستر من حيث مميزاتها و قطع الغيار و الثبات و التسارع و استهلاك البنزين و سعر المستعمل لو بنتكلم فى موديل ٢٠٠٩ او ٢٠١٠ و هل تنصحوا بيها و لا لأو شكرًا مقدما

[mody3on]

ال 2009 شفت واحدة ب 88 الف , وبتنزل بموتور 105 حصان , ده اللي اعرفه , بس عمري ما شفتها في الشارع بصراحة

[Land_Cruiser]

ال 2009 شفت واحدة ب 88 الف , وبتنزل بموتور 105 حصان , ده اللي اعرفه , بس عمري ما شفتها في الشارع بصراحة

هى يا باشا موتور الاوكتافيا صحيح و لا دى اشاعه؟

[mody3on]

هى يا باشا موتور الاوكتافيا صحيح و لا دى اشاعه؟

مش عارف بصراحة , الاوكتافيا اللي اعرفه انها 102 حصان , ممكن تبقى دي 105 ps مش bhp ويبقوا فعلا نفس الموتور

[Land_Cruiser]

مش عارف بصراحة , الاوكتافيا اللي اعرفه انها 102 حصان , ممكن تبقى دي 105 ps مش bhp ويبقوا فعلا نفس الموتور

شكرًا يا فندم على الرد و فى انتظار المزيد من الاراء

[mohamedpsd]

السلام عليكم
ممكن حد يفدنا بخصوص الرومستر

[mohamedpsd]

السلام عليكم
ممكن حد يرد بخصوص العربية دى
التوكيل ؟
قطع الغيار الصيانة؟
السيارة ككل ؟
هل فى عربيات فى نفس الفئة ممكن تقارن بها

[Land_Cruiser]

يظهر كده ان مفيش حد عنده اى معلومات عن العربيه دى

[mohamedpsd]

انا اتصلت بالتوكيل وقدرت اجيب سعر بعض قطع الغيار
تيل امامى 550
تيل خلفى 460
فلتر زيت 90
فلتر بنزين 160
فانوس امامى 1200
فانوس خلفى 450
باب 1600
رفرف 200
اكسدام امامى 1600
اكسدام خلفى 1800

ممكن حد يوصلنى باحد ملاك الرومستر علشان عايز اسئلة على شوية حاجات قبل ما اقرر شرائها

[cameeron]

انا كمان نفسى اعرف معلومات اكتر عن العربية دى

[bayoumisoft]

نادرا لما بشوفها فى الشارع

[semihuman]

مساء الخير عليكو
عندي سؤال صغير انا معروض عليا سكودا رومستر مانيوال استيل موديل 2009 عامله 31 الف كيلو (اول فئه الي هي طاسات)
1- السؤال الاول ممكن حد يقولي سعرها يبقي كام تقريبا ؟؟
2-هي فيها الفوانيس الي من غير عدسات فانا عايز اشتريلها الفوانيس الي فيها العدسات حد يعرف ينفع تتركب ولا لا و بكام؟
شكرا علي المساعده

[egyptiandiver]

مبدئياً هي عربية نادرة الوجود و ده أكيد يخلي سواءً التوكيل أو التجار يفكرو قبل ما يستوردلهة قطع غيار و بالتالي لازم التمن يزيد عشان يعوض طول دورة رأس المال، رأيي حضرتك تجيب حاجة منتشرة أكتر عشان سهولة الصيانة و تكاليف التشغيل المعقولة كمان ... و أكيد في أخر المطاف حضرتك هتحتاج فلوسك أو هتحب تحدث، لو جبت حاجة منتشرة هتبيع علطول و مش هتخسر كتير، ده رأيي و حضرتك عدرة بمصلحتك و ربنا يوفقك للاختيار الافضل، أخوك أحمد سامي

[semihuman]

حد يعرف يسعرها لو هجيب اول فئه منايوال عامله 32 الف كيلو موديل 2009
اخدها بكام؟؟