لمبه البطاريه ومؤشر الـــــ rpm

[a_hejazy]

السلام عاليكم

عندى مشكله غريبه قوى حصلت معايا امباريح
لمبه البطاريه نورت نور خفيف قوى وبيزيد مع دوسه البنزين
ومؤشر الrpm طول مأنا دايس بنزين مش سابت وبيلعب جامد قوى ولمبه البطاريه بتنور جامد
أول مشيل رجلى من البنزين يبقى المؤشر ثابت ولمبه البطاريه نورها يخف
حد يعرف ممكن ده يبقى من ايــــــــــــــــــــه

[ayman20100]

لمبه البطارية غالباً بتبقى من كتاوت الدينامو حسب معرفتي
الار بي ام ممكن ظبط كهربه او محتاجة تبص على طقم الكهربا بتاع العربية اسبراتير ومشط واسلاك بوجيهات والبوجيهات

[المنسي]

السلام عاليكم

عندى مشكله غريبه قوى حصلت معايا امباريح
لمبه البطاريه نورت نور خفيف قوى وبيزيد مع دوسه البنزين
ومؤشر الrpm طول مأنا دايس بنزين مش سابت وبيلعب جامد قوى ولمبه البطاريه بتنور جامد
أول مشيل رجلى من البنزين يبقى المؤشر ثابت ولمبه البطاريه نورها يخف
حد يعرف ممكن ده يبقى من ايــــــــــــــــــــه

لمبة البطارية لو مبتفصلش يبقي حاجة من اتنين يا بطارية بتودع يا دينامو اما الار بى ام بيلعلب وانت دايس بنزين كده عايز تنظف الكربراتير وتغير منقى البنزين اللى تحت العمة وبعدها تظبط كهربا

[a_hejazy]

أولا شكرا لردكم على مشكلتى
أنا فضلت طول النهار عند الكهربائى من الساعه 12 حتى الساعه 8 مساء
شويه يقولى كتاوت وشويه يقولى الدينمو عايز يتغير
المهم بعد محاولات المشكله طلعت فى حاجه جوه الدينمو اسمها سليكونات
هما عددهم اربعه كان فى ثلاثه شغلين وواحد مش شغال
فك دينمو من عنده واخد السليكونيه ديه وركبها والمشكله الحمد لله اتحلت
أنا قولت أقلكم على مشكلتى وحلها لأفاده الأعضاء
والسلام عاليكم