عفشة وسحب الفانتازيا

[inspiron]

النهاردة كنت في مشوار إضطراري لمنطقة إسمها البراجيل في الجيزة..المنطقة دي شوارعها تكسر عفشة أجدع عربية.
المهم قولت اجرب العفشة..بسم الله ما شاء الله علي عفشة الأوكتافيا.امتصاص غير عادي للصدمات والنقر.سيبت الدريكسيون والعربية ماشية علي سرعة 30-40 كم علي طريق زي الزفت والدريكسيون مش يتحرك من مكانه يمين ولا شمال.يعني بصراحة كنت مستقنيص من العفشة بتاعتها..وانا راجع مسكت الدائري الزراعي فااااااااضي..وقبل محور صفت اللبن لقيت شاب سيس كده بلانسر سبورت عمال يقلب نور ومعلق علي الكلاكس...قولت وماله نجرب سحب العربية والتكييف كمان شغال..إديها يا عم S واديها kick down ( وهنا الحنكة بقه اللي عاوز يطلع أحسن أداء للعربية دي,,متجيبش التكة اللي في آخر الدواسة..لأن دي مبتديش أي أداء في العربية بتديك صوت عالي للموتور مش أكتر )
المهم دوست بقه وكنت 80 هو عداني لحد الـ 120.بعد كده إتفاجئت اننا لازقين في بعض وعربيتي بدأت تطلع منه واحدة واحدة لحد ما جيبت وش عربيته في الشنطة عندي :)

بعد الموقفين دول سألت نفسي . ليه الناس تقول عفشتها ناشفة وكلام من ده.وناس تقول دي عربية بطه؟؟!!

[amrelsaqqa]

كلام جميل وده رأيي في الفانتازيا دايما

بس سؤالى بقى العفشة عاملة ايه في الa4 لانى عاوز اشترى واحدة بس ركبت واحدة حالتها تعبانة شوية
وما عجبتنيش خالص وكنت حاسس ان في حاجة غلط في المساعدين خصوصا من ورا لان العربية حسيت انها بتتنطط منى من ورا وعلى سرعات اي كلام يعنى 80 و90 !!

وطبعا الراجل اللى كان عايز يلبسهالى قعد يقوللى هى الاوكتافيا كدة وطبعا انا ما اقتنعتش بكلامه نهائى

فعايز اتأكد هل عفشة الـ a4 في النعومة في نفس مستوى الفانتازيا ولا انشف شوية بس حلوة برضه ولا ناشفة بغباء

[artist]

تمام تمام! ربنا يباركلك فيها ان شاء الله!

[mazher_m]

بعد الموقفين دول سألت نفسي . ليه الناس تقول عفشتها ناشفة وكلام من ده.وناس تقول دي عربية بطه؟؟!![/quote]
اللي بيقول الكلام ده
اكيد مش معاه العربيه دي
او مبيعرفش يطلع امكانيتها
وتقبل مروري

[Ali_Abdelhamid]

انا هاقول على حاجه فعلا انا جربتها بنفسى
انا كان معايا تويوتا كرولا وكنت لما اشوف اوكتافيا واجرى معاها كنت بطلع منها بسهوله
لكن
بعد ما جبت اوكتافيا 2007 اكتشفت يعنى ايه سبات وسرعه (مش سرعه فقط)
بالاكتافيا انا بطلع من 120 الى 180 بكل سهوله ومن غير حرق

[cvt2008]

الاوكتافيا مميزاتها كتيراوى
بس إحنا أو على الاقل أنا مش عارف أطلع قوتها كلها

[AhMeD MeTwAlY]

هو دا الكلام الي كنت بتخانق عليه مع البشمهندسين في القسم العام
وانبح صوتي يا جدعان الاوزان بتختلف علي السرعات العاليه كل واحد يقولي لا

[alu]

ارى من وجهة نظر خاصة ان معيار ثبات السيارة اولى بالاهتمام من معيار السرعه و هذا ما تحققه الاوكتافيا

[abdohero]

كلام جميل وده رأيي في الفانتازيا دايما

بس سؤالى بقى العفشة عاملة ايه في الa4 لانى عاوز اشترى واحدة بس ركبت واحدة حالتها تعبانة شوية
وما عجبتنيش خالص وكنت حاسس ان في حاجة غلط في المساعدين خصوصا من ورا لان العربية حسيت انها بتتنطط منى من ورا وعلى سرعات اي كلام يعنى 80 و90 !!

وطبعا الراجل اللى كان عايز يلبسهالى قعد يقوللى هى الاوكتافيا كدة وطبعا انا ما اقتنعتش بكلامه نهائى

فعايز اتأكد هل عفشة الـ a4 في النعومة في نفس مستوى الفانتازيا ولا انشف شوية بس حلوة برضه ولا ناشفة بغباء

ياباشا طبعا العربية دي فيها مشكلة انما لو اوكتافيا مظبوطه انسى انت ممكن تمشي بيها على 180 مع الثبات الوهمي والغرز كمان لو عايز

[mezo73]

كلام جميل وده رأيي في الفانتازيا دايما

بس سؤالى بقى العفشة عاملة ايه في الa4 لانى عاوز اشترى واحدة بس ركبت واحدة حالتها تعبانة شوية
وما عجبتنيش خالص وكنت حاسس ان في حاجة غلط في المساعدين خصوصا من ورا لان العربية حسيت انها بتتنطط منى من ورا وعلى سرعات اي كلام يعنى 80 و90 !!

وطبعا الراجل اللى كان عايز يلبسهالى قعد يقوللى هى الاوكتافيا كدة وطبعا انا ما اقتنعتش بكلامه نهائى

فعايز اتأكد هل عفشة الـ a4 في النعومة في نفس مستوى الفانتازيا ولا انشف شوية بس حلوة برضه ولا ناشفة بغباء

في البداية ازيك يا عمرو
وبعدين بتسأل علي الاوكتافيا
وما بتقوليش ينفع الكلام دة
عموما انا معايا الاية فور عموما الاوكتافيا كلها ناشفة مقارنة بالياباني او المرسيدس
وتعتبر طرية مقارنة بالبي ام وكمان طرية جدا جنب السيراتوا بجنوط 17 وعموما الاية فايف طرية حاجة بسيطة عن الاية فور لان العفشة ورا مختلفة الاية فور علي دنجل اما الاية فايف تعليق منفصل
وطبعا موضوع العربية بتتنطط دي حاجة غريبة اما الكاوتش ناشف او ضغط الكاوتش زيادة او في حاجة في المساعدين
ولو هانزل البلد عندك هابعتلك واخليك تشوف بنفسك
ثانيا اوعي تشتري عربية حالتها تعبانة بالذات في الاوكتافيا علشان ماتقرفش منها

[amrelsaqqa]

ياباشا طبعا العربية دي فيها مشكلة انما لو اوكتافيا مظبوطه انسى انت ممكن تمشي بيها على 180 مع الثبات الوهمي والغرز كمان لو عايز

اكيد طبعا يا باشا دى اوكتافيا يعنى
تسلم ياباشا :)

في البداية ازيك يا عمرو
وبعدين بتسأل علي الاوكتافيا
وما بتقوليش ينفع الكلام دة
عموما انا معايا الاية فور عموما الاوكتافيا كلها ناشفة مقارنة بالياباني او المرسيدس
وتعتبر طرية مقارنة بالبي ام وكمان طرية جدا جنب السيراتوا بجنوط 17 وعموما الاية فايف طرية حاجة بسيطة عن الاية فور لان العفشة ورا مختلفة الاية فور علي دنجل اما الاية فايف تعليق منفصل
وطبعا موضوع العربية بتتنطط دي حاجة غريبة اما الكاوتش ناشف او ضغط الكاوتش زيادة او في حاجة في المساعدين
ولو هانزل البلد عندك هابعتلك واخليك تشوف بنفسك
ثانيا اوعي تشتري عربية حالتها تعبانة بالذات في الاوكتافيا علشان ماتقرفش منها

يانهار ابيض
ايه الصدف السعيدة دى
لا ده كويس بقى انى سألت عن الاوكتافيا

والله فعلا ده اللى حسيته ، حسيت ان رد فعل العربية مبالغ فيه شوية مع المطبات ، وحسيت انها نطت لما جيت في حتة كدة تعتبر زي مطب هوا او اسفلت ناعم جدا لسة مستفلت فيه انحناء اثار مطب قديم ( بسيط جدا كنت باخده بعربية بيجو 504 و سكودا فليشيا ما بحسش بأي حاجة ! )

ومع الاوكتافيا حسيت ان كان المفروض اهدي شوية !

فانا صرفت نظر عن العربية اللى انا شفتها دى خصوصا انها كانت موديل 99 والراجل طلب فيها رقم غريب كدة
وبرضه حسيت انها متهانة شوية يعنى فيها كوبلن بايظ وسايبه، كان لسة مغير البطارية ومسترخص وجايبلها بطارية سايلة مش جافة، حاجات من دى يعنى ...

وحسيت ان العفشة ف الضياع واظن انت عارف البلد عندنا شوارعها عاملة ازاى فأكيد كانت مأثرة على عفشة العربية كلها

ولو كنت هاخدها على عيوبها اللى ظاهرة دى كنت لازم هكشف عليها حتة حتة في التوكيل لان زي ما انت قلت كدة بالظبط الاوكتافيا والعربيات الالمانى دى ما تتركبش غير وهى نضيفة والا هتتعبك فعلا

طيب انا عايز اسألك و بكل حيادية كدة :D انت ايه رأيك لو هشترى عربية مستعملة في حدود 70 او ازيد حاجة بسيطة

اجيب اوكتافيا ولا اشوف حاجة زي النترا او اوبترا ؟
انا عارف والله ان مفيش مجال للمقارنة من حيث الركوبة بس انا عايز مقارنة عملية حسب ظروف البلد عندنا وشوارعها وسهولة الصيانة وكدة ..

[RedBull_30]

والدي معاه اوكتافيا a5 ما شاء الله على الثبات و بصراحة بحس دايما ان موتورها بيستجيب لاي ضغطة بنزين وانا طبعا عارف انه محرك 1600 يعني هي دي قدراته الطبيعية .. لكن فيه محركات بنفس حجمه وتعبانة ومن ناحية تانية الجميل في العربية ثباتها و ماشاء الله على الفرامل وعفشتها .. يا جماعه احنا في بلد بتفرض على المشتري انه يفكر في عربية تكون عفشته نضيفة لان اغلبية الشركات المصنعه بتعرف تعمل محركات لكن من الصعب انها تزبط عفشة محترمة و اعتقد ان الاوكتافيا او الفانتازيا محققة معادلة مش موجوده في عربيات تانية

[RedBull_30]

شركة أودي كانت ديما بتقول مقولة في اعلانتها : لا فائدة من القوة بدون تحكم

[mezo73]

بص يا عمرو مش هاجوابك الا لما تقولي انت انتخبت ولا لاء ولو انتخبت فلول مش هاقولك حاجة انا في انتظار ردك الاول:)

[amrelsaqqa]

بص يا عمرو مش هاجوابك الا لما تقولي انت انتخبت ولا لاء ولو انتخبت فلول مش هاقولك حاجة انا في انتظار ردك الاول:)

هههههههههه عيب عليك
ابو الفتوح بس بكرة ان شاء الله