مشكله في ال a5و

[midocap]

ازيكوم يا اوكتافويه انا عندي مشكله غريبه في العربيه
وهي اني لما العربيه بتنقل من الاول للتاني بيبقي فيه نتشه كده بصيته وده لما الrpm مبيقاش علي تلاته يعني وانا مهدي وماشي تاتا تاتا مش عارف فيه ناس قالتلي غير زيت الفبتيس انا غيرته من حوالي 2 كيلو و ديما ده بيحصل لما العربيه بتكون بارده انما لما بيتسخن النتشه دي بتخف اوي

[benmatar]

إيه نوع الزيت اللي حضرتك غيرته؟؟ ودرجته إيه؟؟
مهم جدا لأني غيرت body valve أوكتافيا قبل كدة بسبب الزيت ده
لازم يكون أصلي، ولازم كميته تكون زي الكتالوج مش يتملي وخلاص. إلحق واكشف عليه في مركز سكودا متخصص

[midocap]

انا جايب الالماني و بشمهندس خالد اسماعيل هو الي حطه و حطيلي حوالي 3 كيلو و قالي كده تمام
انا سالت ناس صحابي قالولي كل الاوكتافيا بتعمل كده في السلانسيه من الاول للتاني
ده لو الrpm بينقل عند واحد ونص بدل من 3 فبتعمل كده حد عنوا راي تاني

[engmohfaw]

لا تمام كده واللى عند حضرتك طبيعى وفعلا هى دى كمية الزيت اللى بتتحط انا يغير على 3ونص لما بيكون الفلتر هيتغير وحضرتك بتقول ان اللى مغير الزيت راجل مهندس يعنى اكيدعارف ولمعلومات حضرتك بعد ما الزيت القديم ينزل حضرتك ممكن تطلب من الفنى اللى بيغير انه يحطه فى ماكينه غيار الزيت السريع وهى بيكون فيها تدريج علشان حضرتك تعرف الكميه اللى نزلت وبناء عليها هتحط نفس الكميه ده لو مفيش تسريب او حاجه وقعت اثناء التفريغ
بعد وضع الزيت الجديد لو اللى هيغير الزيت عنده جهاز فاج يبقى تمام لان لازم درجة حرارة الزيت فى الفتيس توصل 35 وبعدها يفتح الطبه تانى وينزل الزيت الزياده بس لازم تكزن العربيه على سطح مستوى واناتحت امر حضرتك فى اى استفسار

[matrix_2010]

انا عايز اعرف هو تغيير زيت الفتيس بيبقي للاوتوماتيك بس ولا للمانيوال كمان ....

[engmohfaw]

للاتنين ده زيت وكمثال بسيط زيت الطبيخ هل لما بيبقى جديد زى ما تستخدمه كذا مره

[matrix_2010]

طيب بيتغير كل اد ايه ..... و لا علي حسب الفحص ... اصل في كتيب الصيانة مكتوب فحص بس مش مكتوب تغيير غير في ال a4 بس ....

[engmohfaw]

كل 60000 فى ا5 ده لاول غيار بعد كده كل 50000
اما بالنسبه للمانول انت بتراجع عليه كل فتره والوقت اللى هتغير فيه طقم دبرياج دىبتختلف من واحد للتانى لكن انا دايما بقول على 40000 كيلو والسبب ان الطبيعى والفنى بينزل الفتيس بيرج فى ايده وممكن يتحرك على الارض وبالتالى الرايش اللى فى كارتيرة الفتيس بيتحرك جواه لذلك انا دايما اى حد بغيرله طقم دبرياج بغير زيت الفتيس