لخبراء السكودا ؟ الفرق بين التوب لاين وكيل وتوب لاين الخليجى؟ مع شرح الفرق

[ggabal]

السادة الاعضاء؟ إتقاللى كتير من اصحاب معارض مرة الاتوب لاين الخليجى اعلى واكثر فى الكماليات ومرة حد يقوللى لا التوب لاين الوكيل اعلى.. فمعلش ممكن حد متأكد يقوللى انهى الاعلى وايه الفرق ؟

[mazher_m]

بسم الله الرحمن الرحيم
الجنط في الخليجي 17 في الوكيل 16
الوكيل يزيد في الارتفاع عن الارض
الخليجي بيزيد سنسور امامي
الخليجي يزيد جي بي اس ولا يعمل
الخليجي اقل في السعر عن الوكيل من 10 الاف الي 15 الف
الخليجي بدون ضمان ولو حبيت تدخله ضمان لازم كشف وتدفع من7 الي 10 الاف
ارجو اني اكون افادتك
وتقبل مروري

[Mostafa]

خليني أزودلك شويه تفاصيل كمان :

الخليجي فيها فرش نصف جلد و نصف قماش الوكيل فرش جلد كامل
الخليجي 5 جنوط الوكيل 4 جنوط بس
الخليجي أسفل الموتور فيبر الوكيل تصفيح صاج أسفل الموتور (rough road package تجهيز الطرق الوعره)
الخليجى 2 اير باج الوكيل 4 اير باج
الخليجي الفرش الجلد أسود فقط الوكيل الفرش الجلد أسود أو بيج

ملحوظه صغيره : أعتقد أن من موديل 2012 الأوكتافيا بقت نفس الأرتفاع في الوكيل و الخليجي

[ggabal]

شكرا ليكو يا جماعة متشكر جدا ..... يعنى من الاخر كده اجيب الوكيل احسن .....
شكرا مرة ثانية

[MaZaGAngeE]

الخليجي يزيد جي بي اس ولا يعمل

ليه مش بيشتغل ؟

[mazher_m]

الحقيقه معرفش ايه السبب
بيقولو مفيش خرايط محدثه لمصر
حتي الوكيل كان منزل جي بي اس في موديل 2011
وشاله في 2012

[Mostafa]

شكرا ليكو يا جماعة متشكر جدا ..... يعنى من الاخر كده اجيب الوكيل احسن .....
شكرا مرة ثانية

طبعا يا باشا هوا الموضوع آراء .. فيه ناس بتعجبها الخليجي و ناس بتفضل الوكيل .

أنا شخصيا بفكر من فتره كبيره جدا و سألت كويس علي كل التفاصيل و بإذن الله ناوي علي الوكيل