لو البطارية ضعيفه ممكن تأثر على سحب العربية

[mo7madbakr]

السلام عليكم ورحمة الله وبركاته

العربيه سكودا فابيا 1000 سى سى , فاضيه تماما من اى كماليات
السحب كان ممتاز من فتره كبيره
سؤالى, لو البطارية ضعيفه ممكن تأثر على سحب العربية ازاى ؟

و هل من الافضل صيانه البطارية علما بانها سائلة ام تغييرها ببطارية جديدة جافه ؟

و لو مش البطارية هى الى مأثره على السحب ممكن يكون ايه ؟

أسف جدا على الاطاله, و بجد انا مبسوط اوى ان القسم بتاعنا بقالوا مشرف نشيط ( م/ أحمد السيد )

و شكرا

[chiko]

ضعف البطاريه لا ياثر علي سحب العربيه طالما مش مشغل النور ... لكن لو فيه مشكله في البطاريه زي سخونه او قفله هنا تتاثر جامد و كمان ممكن يكون العيب من الدينمو ..

لو مفيش عيب في البطاريه او الدينمو .. يبقي روح لميكانيكي يبص علي البوجيهات و ينظف الانجيكشن ..

[AhMeD MeTwAlY]

ضعف البطاريه لا ياثر علي سحب العربيه طالما مش مشغل النور ... لكن لو فيه مشكله في البطاريه زي سخونه او قفله هنا تتاثر جامد و كمان ممكن يكون العيب من الدينمو ..

لو مفيش عيب في البطاريه او الدينمو .. يبقي روح لميكانيكي يبص علي البوجيهات و ينظف الانجيكشن ..

+1111111111111

[المنسي]

السلام عليكم ورحمة الله وبركاته

العربيه سكودا فابيا 1000 سى سى , فاضيه تماما من اى كماليات
السحب كان ممتاز من فتره كبيره
سؤالى, لو البطارية ضعيفه ممكن تأثر على سحب العربية ازاى ؟

و هل من الافضل صيانه البطارية علما بانها سائلة ام تغييرها ببطارية جديدة جافه ؟

و لو مش البطارية هى الى مأثره على السحب ممكن يكون ايه ؟

أسف جدا على الاطاله, و بجد انا مبسوط اوى ان القسم بتاعنا بقالوا مشرف نشيط ( م/ أحمد السيد )
و شكرا

البطارية ملهاش علاقة بالسحب السحب ممكن يكون ضعيف بسبب البوجيهات او الحساسات عايز تتنضف ولو عربيتك مانول ممكن يكون طقم الدبرياج بالنسبة للبطارية من الافضل لو هيه حالتها تعبانة غيرها بواحدة جافة acdelco هتكون افضل من السائلة

[mo7madbakr]

شكرا يا جماعه على التوضيح, و انا ان شاء الله حغير البطارية قريب
بس واضح ان المشكله مش فيها , المشكله ممكن تكون فى طقم الدبرياج مع انى لسه مغيره من شهرين بس
واضح انو مش راكب كويس, و على فكره انا لما غيرته مسترخصتش, غيرته بالنوع الاصلى ساكس المانى

الحمد لله على كل حال

[sakr_skoda]

طقم الدبرياج لو فيه مشكلة او ضعيف دا بيأثر على سحب العربية فى بدايه الحركة فقط ضعف البطارية ليس له علاقة بقوة او ضعف السحب لطالما العربية بتدور معهاك على طول يبقى البطاريه تمام....

ممكن تكون المشكله فى البوجيهات اكشف عليهم وظبط الأكسرتير وانشاء الله تزول المشكله....*

[AhMeD MeTwAlY]

وظيفة البطاريه
البطاريه وظيفتها هي تشغيل العربيه والنور والكاست والمساحات والحجات دي وبتبعد تمام عن الموتور لان بمجرد بدأ دوت الاشتعال بيحصل الاتي بيبتدي البنزين ينزل مكان الاحتراق وبتحصل عملية انفجار بينتج عنها الضغط علي البساتم الي بتخلي العربيه تتحرك والمسؤال عن الاشتعال دا البوجيهات طيب وايه تاني الكربتير او رشاشات الانجكشن في حالة ان الكربتير مسدود او جزئ مسدود ممكن يخلي العربيه سحبها يضعه وكذلك الانجكشن لو الرشاشات فيها حاجه سحب العربيه بيضعه
نيجي لتاني نقطه طيب العربيه بتفضل شغال كده ازاي عن طريق الدنمو ايضا لان دا بيمد العربيه بكهربه وهو عباره عن مولد للطاقه الكهربيه الي بتحتجها العربيه ولو في زيادة في الحمل الكهربي بيبدأ دور البطاريه لتعويض هذا النقص الي بيحصل من الدنمو
طيب مين المسؤال كمان عن سحب العربيه الفتيس لو فيه حاجه تعبان ممكن يأثر علي السحب لان اذا كان الدسك والاسطوانه الي بيحصل كالتالي العربيه بتدوس بنزين صوت الموتور بتحس بنحره فيه ومفيش جري كانك دايس سنه دبرياج
الي بيأثر علي السحب البنزين لو مش نضيف هيخلي السحب معاك مش كويس لانه مش بيكون في كفائه عاليه علي الاحتراق وبكدا هيكون حجم الانفجار اقل من الاول بيضعف من الضغط علي البستم
طيب نيجي للمشكله التانيه البطاريه ضعيفه نحلها ازاي
لو هيه جافه بتعرف انها ضعيفه من خلال الاشارات الخضر يعني البطاريه قويه التانيه مش فاكر لونها ايه يعني ضعيفه السودا يعني كل سنه وانت طيب وهات بطاريه
طيب البطاريه السايله
تقدر تغير المايه الي فيها لان المايه ممكن تكون مبقيت بنفس الكفائه الي بتكون موجود بيها
وتقدر تحطها علي الشحن بعد تغيير المياه
طيب احافظ علي البطاريه ازاي من انها تبوظ
من خلال المتابعه كل 3 شهور بتغير المايه او ممكن تزودها بس يفضل تغيير المياه وتنضف الصوابع وتحط عليها شحم او زيت هو الشائع شحم بس ممكن يملح حط ليها زيت افضل ويكون مربوط كويس
في حاجه ممكن تخلينا نحس بضعف البطاريه ان سلك الارضي مش واصل بجسم العربيه كويس ودا فعلا ممكن يحسسك ان البطاريه ضعيفه
والله الموفق والمستعان

[AhMeD MeTwAlY]

نسيت اقولك لما تيجي تزود البطاريه يا ريت تكون المياه نوع نضيف لان ممكن تغيرها عند الراجل ويحط مايه مش كويسه يبق حضرتك معملتش حاجه

[adiaa222]

لو هيه جافه بتعرف انها ضعيفه من خلال الاشارات الخضر يعني البطاريه قويه التانيه مش فاكر لونها ايه يعني ضعيفه السودا يعني كل سنه وانت طيب وهات بطاريه

بالنسبة لبطاريات اسيدلكوا الجافة
أخضر : مشحونة
اسود:تحتاج شحن (عند اى كهربائى )
ابيض: انتهت صلاحيتها