عمرة او شنبر

[mahmoudysf]

السلام عليكم
لو سمتحم يا رجالة
العربية اوكتافيا a4
المشكلة تسقيف في الطلعة
دخان اسود
الشكمان مهبب اسود
لمبة الاعطال منورة
بعد كشف اسكانر بنلاقي ضعف او فقد الحريق في السلندر رقم 2
فكينا البوجيه لاقناه معرق زيت
رحت لاكتر من مركز وميكانيى وكل واحد بفتوى
لاكن اغلبهم اجمع انو طقم شنبر
وفيه قال جلد صباب
وفيه قال ما انصحكش تعمل شنبر مش هترجع زي لاول وده واحد مهندس المفروض انو شغال في التوكيل والناس هنا بتشكر فيه
فعايز اسال فيه حد عمل عمرة او شنبر لاوكتافيا وايه كانت النتيجة
تاني حاجة يا ريت ميكانيكي فاهم العربية كويس وامين
واخيرا شكر

[Screenplays]

المكنه مينفعش يتعرف ايه اللي فيها بالظبط الا لما تشوف بعينك لان كله بيفتي ... كده كده طقم شنبر بس لو هتخش في عمره و خرط انصح بمكنه استيراد افضل لان فعلا المكنه مش هترجع لحالتها الاولانيه

[mahmoudysf]

المشكلة احنا مش عايزين نفتح المتور الا لما نتاكد الاول من السبب
لان العربية عاملة 54 الف كيلو فقط
ثانيا لو فيه شنبر هنعملة وامرنا لله لان العربية لسة شارينها ومفيش ميزانية لمتور استيراد
عشان كدة يا ريت لو حد ليه تجربة مع شنبر او عمرة مع اوكتافيا يدينا رايه
وبكرر عايز ميكانيكي فاهم وعنده ضمير

[mezo73]

في البداية مافيش حد يقدر يجزم بسبب معين ممكن نقول تكهنات
كان لية صديق العربية كانت مركونة فترة طويلة وكانت عاملة 50 الف كم
وحصل انها بدأت تاكل زيت انما كانت بتجري
المهم سالنا علي الشنبر ولقيناة في التوكيل وكان صاحبي عامل حسابة انة احتمال لما يفك الموتور انة يرمية ويشتري بمعني ان فتح الموتور باحتمال انة ينفع او ان البديل التاني انة يشتري
ولما اتفك الموتور طلع الموتور مافيهوش اي مشكلة علي الاطلاق طلع شنبر الزيت وهو اول شنبر في البستم الزيت محروق علية والشنبر مقفول فتم تغيير الشنبر والجوانات والعربية بقت زي الفل
وبالمناسبة ان قطع الغيار مش رخيصة يعني علي ما اتذكر اتكلفت حوالي 4000 جم
بس الموضوع دة يتوقف علي تاريخ العربية والصيانة بتاعتها
يعني ان كان سبب اللي حصل في عربية صديقي انها اتركنت فترة طويلة جدا
وعلي العموم لو عاوز توصل للميكانيكي دة قلي وانا هابعتلك بس لازم تعمل حسابك انة زي ماقولتك علي الاحتمالين
وعموما بالتوفيق

[المنسي]

عايز ميكانيكي اسكودا شاطر عليك وعلى الشيخ عادل فى بين السرايات او محمد اصلان فى مدينة نصر

[mahmoudysf]

في البداية مافيش حد يقدر يجزم بسبب معين ممكن نقول تكهنات
كان لية صديق العربية كانت مركونة فترة طويلة وكانت عاملة 50 الف كم
وحصل انها بدأت تاكل زيت انما كانت بتجري
المهم سالنا علي الشنبر ولقيناة في التوكيل وكان صاحبي عامل حسابة انة احتمال لما يفك الموتور انة يرمية ويشتري بمعني ان فتح الموتور باحتمال انة ينفع او ان البديل التاني انة يشتري
ولما اتفك الموتور طلع الموتور مافيهوش اي مشكلة علي الاطلاق طلع شنبر الزيت وهو اول شنبر في البستم الزيت محروق علية والشنبر مقفول فتم تغيير الشنبر والجوانات والعربية بقت زي الفل
وبالمناسبة ان قطع الغيار مش رخيصة يعني علي ما اتذكر اتكلفت حوالي 4000 جم
بس الموضوع دة يتوقف علي تاريخ العربية والصيانة بتاعتها
يعني ان كان سبب اللي حصل في عربية صديقي انها اتركنت فترة طويلة جدا
وعلي العموم لو عاوز توصل للميكانيكي دة قلي وانا هابعتلك بس لازم تعمل حسابك انة زي ماقولتك علي الاحتمالين
وعموما بالتوفيق

شكرا ليك
تقريبا ده نفس اللي بيحصل عندنا
وعلى الفكرة العربية كانت مركونة برضة
بس يا ريت تسالو وتتاكد منو هو غير طقم الشنبر كلو ولا بتاع الزيت فقط
وكمان اشترى الشنبر من اي توكيل وسعره وياريت مصنعية وعنواون الميكانيكي
يا ريت الرد للاهمية

عايز ميكانيكي اسكودا شاطر عليك وعلى الشيخ عادل فى بين السرايات او محمد اصلان فى مدينة نصر

شكرا لردك
ويا ريت عنوانه
وهل اتعاملت معاه شخصيا

[المنسي]

شكرا لردك
ويا ريت عنوانه
وهل اتعاملت معاه شخصيا

لاشكر على واجب هابعتلك عنوانه عالخاص الشيخ عادل انا بتعامل معاه فى الفليشيا بتاعتى وهو ميكانيكي سكودا بقاله زمن اما محمد اصلان فيي ناس اعرفهم اتعاملت معاه وبيشكرو فيه

[benmatar]

عايز ميكانيكي اسكودا شاطر عليك وعلى الشيخ عادل فى بين السرايات او محمد اصلان فى مدينة نصر

+++++++1
كلام سليم 100%
فعلا محمد أصلان م.نصر وعادل بين السرايات
وفي حالة أوكتافيا أرشح محمد أصلان

[mezo73]

شكرا ليك
تقريبا ده نفس اللي بيحصل عندنا
وعلى الفكرة العربية كانت مركونة برضة
بس يا ريت تسالو وتتاكد منو هو غير طقم الشنبر كلو ولا بتاع الزيت فقط
وكمان اشترى الشنبر من اي توكيل وسعره وياريت مصنعية وعنواون الميكانيكي
يا ريت الرد للاهمية

طقم الشنبر بيجي كامل وبيتركب كلة مش بيجي جزء وهو لما بيتفك لازم يتغير الطقم كامل
والشنبر كان من ارتوك هو والجوانات
عنوان الميكانيكي هو مدينة ضباط الهايكستب قبل مدينة الشروق محلات قطاع تي
واسمة ورقم موبيلة هابعتهولك علي الخاص

[mahmoudysf]

شكرا ليك
المشكلة انو بعيد عني شوية