أرجو المساعده والآفادة

[Amr_Azab]

عربيتي فابيا 2002
المشكلة عندي ان مياه القربة بتنقص بأستمرار
في الاول كنت كل يوم الصبح اول مدور لمبة المياه بتاعت القربة تنور وتدي انذار ان المياه نقصت اروح مزودها والكلام ده كان تقريبا كل يوم او يومين بالكتير خلال فترة الشتاء وفي الصيف
غيرت كوع الترموستات بالترموستات لانها كانت فعلا بايظة وغيرت غطاء القربة الموضوع قل وبقيت بزود المياه كل اسبوع تقريبا
من كام يوم كده وانا بدور الصبح اللمبة نورت وادت انذار فزودت عادي ومشيت بتاع 40 كم لقيت اللمبة نورت تاني وادت انذار روحت مزود تاني وخدت مياه كتير بتاع كوبايتين او تلاتة ونفس الكلام حصل بعديها برده بـ 30 كم ولا حاجة
المهم اعدت ازود مياه في اليوم ده بتاع 4 مرات وكل مرة في حدود كوبايتين فانا مش فاهم في ايه ولا ايه اللي حصل فارجوا من الاخوة الخبراء الآفادة لو تكرمتم
ومع العلم ان مؤشر الحرارة مزدش ابدا عن النص اللي هو الطبيعي

[tarek_2005]

روح اكبس دورة التبريد

[Amr_Azab]

روح اكبس دورة التبريد

شكرا للآهتمام والرد يا باشا بس يعني ايه اكبس دورة التبريد ؟!!
مش فاهم بصراحة

[drmagieed]

إنت بتحط مية من الحنفية ولا مية خضراء.

[sakr_skoda]

اكشف على الزيت لو مطحن يبقى وش السلندر ضرب لو مش مطحن اكشف على دورة التبريد حتلاقى تسريب هنا او هناك فى الخراطيم او الريداتير وممكن تكون طولمبة المية تنزل ميه دى كل احتمالات العطل عندك....*

[Amr_Azab]

إنت بتحط مية من الحنفية ولا مية خضراء.

من الحنفية لان انا زي مذكرت العيب موجود بقاله فترة فانا مستني اصلحه الاول وبعدين احط مياه مكثفة بتاعت التكييف لان اي حاجة حتبقي زي قلتها عشان المياه كده كده بتنقص

[Amr_Azab]

اكشف على الزيت لو مطحن يبقى وش السلندر ضرب لو مش مطحن اكشف على دورة التبريد حتلاقى تسريب هنا او هناك فى الخراطيم او الريداتير وممكن تكون طولمبة المية تنزل ميه دى كل احتمالات العطل عندك....*

الزيت زي الفل والموتور مفيهوش اي حاجة الحمدلله والميكانيكي بص برده علي طرمبة المياه وقالي تمام مفيهاش حاجة و بتاع الردياتير قالي الردياتير سليم بس لاقيت في الكوعة الفيبر بتاعت الترموستات تنقيط مياه خفيف فحغيرها وربنا يسهل وشكرا للرد

[sakr_skoda]

شوف انا كان عندى نفس المشكله دى فقط من اسبوعين واستغربت فجأة العربية تحتاج تزويد ميه كتير كل يوم وفى يوم عند التسخين صباحا فتحت الكبود ودورت وابنى محمود واقف قدام العربية كل لما ازود يطلع صارخ ميه من أعلى القربه فقط عند التزويد وتشديد ضغط الميه قال الحق ياباب القربه بتجيب ميه نزلت بسرعه من فين لقيت اعلى القربه به ثقب رفيع يضرب صاروخ ميه عندما اقوم بالضغط على دواسة البنزين ودى جت بالصدفة طبعا العجينه السحريه معايا على طول قطعت حته وعجنتها وسديت الخرام والحمد الله المشكله انتهت....*

[Amr_Azab]

شوف انا كان عندى نفس المشكله دى فقط من اسبوعين واستغربت فجأة العربية تحتاج تزويد ميه كتير كل يوم وفى يوم عند التسخين صباحا فتحت الكبود ودورت وابنى محمود واقف قدام العربية كل لما ازود يطلع صارخ ميه من أعلى القربه فقط عند التزويد وتشديد ضغط الميه قال الحق ياباب القربه بتجيب ميه نزلت بسرعه من فين لقيت اعلى القربه به ثقب رفيع يضرب صاروخ ميه عندما اقوم بالضغط على دواسة البنزين ودى جت بالصدفة طبعا العجينه السحريه معايا على طول قطعت حته وعجنتها وسديت الخرام والحمد الله المشكله انتهت....*

الحمدلله يا باشا ان مشكلتك اتحلت وعقبالي كده ان شاء الله
انا امبارح كنت في مركز صيانة وغيرت كوعة الترموستات الفيبر اللي كانت بايظة وخدت العربية كده كام لفة في البلد والزحمة والحمدلله لحد مروحت مكنش في اي نقص في المياه خالص فبدات اطمن الحمدلله ان العيب كان الكوعة دي بس

[drmagieed]

الحمدلله يا باشا ان مشكلتك اتحلت وعقبالي كده ان شاء الله
انا امبارح كنت في مركز صيانة وغيرت كوعة الترموستات الفيبر اللي كانت بايظة وخدت العربية كده كام لفة في البلد والزحمة والحمدلله لحد مروحت مكنش في اي نقص في المياه خالص فبدات اطمن الحمدلله ان العيب كان الكوعة دي بس

مبررررررررروك وتابع حالة المياه يوميا وياريت بالمشوار ... وياريت تحط مياه خضراء

[Amr_Azab]

مبررررررررروك وتابع حالة المياه يوميا وياريت بالمشوار ... وياريت تحط مياه خضراء

الله يبارك فيك يا باشا وحتابعها اكيد ان شاء الله بس انا ناوي احط مياه مكثفة بتاعت التكييف دي افضل علي حسب معلوماتي بس بعد لما اتأكد ان دورة المياه مظبوطة تمام
وشكرا لآهتمامك

[sakr_skoda]

مبروووووووووووووووووووووووووك والف حمد الله على سلامة فبيتك الجميله........*

[Amr_Azab]

مبروووووووووووووووووووووووووك والف حمد الله على سلامة فبيتك الجميله........*

الله يبارك فيك ويسلمك يا باشا والحمدلله الموضوع اتحل وطلع بسيط والف شكر ليك ولردك واهتمامك

[Astra200]

عربيتي فابيا 2002
المشكلة عندي ان مياه القربة بتنقص بأستمرار
في الاول كنت كل يوم الصبح اول مدور لمبة المياه بتاعت القربة تنور وتدي انذار ان المياه نقصت اروح مزودها والكلام ده كان تقريبا كل يوم او يومين بالكتير خلال فترة الشتاء وفي الصيف
غيرت كوع الترموستات بالترموستات لانها كانت فعلا بايظة وغيرت غطاء القربة الموضوع قل وبقيت بزود المياه كل اسبوع تقريبا
من كام يوم كده وانا بدور الصبح اللمبة نورت وادت انذار فزودت عادي ومشيت بتاع 40 كم لقيت اللمبة نورت تاني وادت انذار روحت مزود تاني وخدت مياه كتير بتاع كوبايتين او تلاتة ونفس الكلام حصل بعديها برده بـ 30 كم ولا حاجة
المهم اعدت ازود مياه في اليوم ده بتاع 4 مرات وكل مرة في حدود كوبايتين فانا مش فاهم في ايه ولا ايه اللي حصل فارجوا من الاخوة الخبراء الآفادة لو تكرمتم
ومع العلم ان مؤشر الحرارة مزدش ابدا عن النص اللي هو الطبيعي

المياه وهي باردة ما تحسش بأي تسريب لو في تسريب --- لما تدور العربية والمياه تسخن بيحصل زيادة في الضغط والمايه بتخرج من أي حتة منفسة علي شكل بخار

لما بيتم تغيير كوع أو أي حاجة لازم اللي بيغير يحط مادة لاصقة علي الكاوتش من جو علشان تعمل عزل
لو في تسريب في الردياتير يعمل نفس المشكلة وده ممكن ما يبانش الا بعد العربية ماتسخن

[Amr_Azab]

هو عمل كده وهو بيركب الكوع فعلا عشان ميحصلش تسريب والحمدلله حتي الان لايوجد تسريب والموضوع اتحل الحمدلله