إلانترا 2012 ولا أوكتافيا a4 2008 ؟؟

[khaledelsakaty]

السلام عليكم،
هو سؤال يمكن بعيد شوية عن الموضوع.
محتار ما بين إلانترا 2012 أوتوماتك أول فئة و سكودا أوكتافيا a4 2008 و بردو أوتوماتيك.
إيه رأيكو لأني بجد في حيرة و ألف شكر مقدماٌ

[amz2011]

اوكتافيا بدون تردد

[AhMeD MeTwAlY]

اولا ميزة النترا الوحيده انها هتكون عربيه جديده مش هتصرف عليها غير في الصيانه
ثانيا لو حبينا نتكلم عن الامكانيات والامان والتحمل والحجات التانيه فدا بيكون تابع للاوكتافيا طبعا بدون نقاش
عربيه ثابته تعدد وسائل الامان صاج اقوي صالون مريح عفشه تستحمل
بس لو فكرت في الاوكتافيا فكر تجيب عربيه مستريحه ومحترمه ومش عامله كيلوهات كتير

[Medicalist]

النترا طبعا

[mazher_m]

لو تعرف تجيب اوكتافيا فابريكا يبقي اوكتافيا واعتقد ان ده صعب
غير كده يبقي الزيرو افضل

[M.Alaa92]

اوكتافياا + الكشف ف التوكيل و طلع التقرير كويس = الالنترا برة الحسابات :)

[khaledelsakaty]

أنا فعلاً دلوقتي بافكر في كدة فعلا (إلانترا) بس الألماني (أوكتافيا) ليها طعم تاني.

[Sindibad]

شوف ياسيدى الفاضل
خطا كبير اننا ننصح اى حد من غير مانعرف هو عاوز ايه من السياره
مثال:-
شاب ضغير وعاوز عربيه سريعه وقويه وشكل علشان يتنطط بيها امام أصحابه
واحد متجوز و سنه اربعينات وعاوز سياره عائليه مريحه ومالوش فى الشد
تاجر محتاج شنطه كبيره وبيتحرك فى كل مكان وعاوز العربيه تكون عاليه علشان المطبات
وهكذا انت بقى عاوز ايه من السياره
قولى كل احتياحاتك ومتقولشى انا عاوز كل حاجه وعكسها لازم تكون محدد وواضح كمان طريقة سواقتك هادية والا متعفرت زى باقى الشباب
كمان معاك ناس بركب فى الكنبه والا غالبا لوحدك
اقرب وكيل لك ؟ قطع الغيار بالنسبه لك اخبارها ايه معاك تصرف؟
حاجات كتير قوى
الكوره فى ملعبك

سلام

[khaledelsakaty]

شوف ياسيدى الفاضل
خطا كبير اننا ننصح اى حد من غير مانعرف هو عاوز ايه من السياره
مثال:-
شاب ضغير وعاوز عربيه سريعه وقويه وشكل علشان يتنطط بيها امام أصحابه
واحد متجوز و سنه اربعينات وعاوز سياره عائليه مريحه ومالوش فى الشد
تاجر محتاج شنطه كبيره وبيتحرك فى كل مكان وعاوز العربيه تكون عاليه علشان المطبات
وهكذا انت بقى عاوز ايه من السياره
قولى كل احتياحاتك ومتقولشى انا عاوز كل حاجه وعكسها لازم تكون محدد وواضح كمان طريقة سواقتك هادية والا متعفرت زى باقى الشباب
كمان معاك ناس بركب فى الكنبه والا غالبا لوحدك
اقرب وكيل لك ؟ قطع الغيار بالنسبه لك اخبارها ايه معاك تصرف؟
حاجات كتير قوى
الكوره فى ملعبك

سلام

و الله العظيم إنت برنس، الله ينور عليك .

أنا يا سيدي متزوج و معايا 3 أطفال (5 سنين، سنتين و شهر) فطبعا محتاج شنطة كبييييرة. و كمان تعبت جدا من المانيوال فمحتاج حاجة أوتوماتيك.
تاني حاجة أنا صحيح بحب الجري و لكن لازم أهدي شوية عشان الأسرة و لكن أنا أكتر حاجة أحب تكون موجودة هي إن العربية تبقي راسية علي الطريق و تقيلة (بتهيألي دة مش هيبقي موجود قوي في الهيونداي).
و طبعا يهمني الشكل و الأمكانيات ز
و أخيرا الميزانية عايزها تكون في حدود ال 100 الف جنيه

و بجد ألف شكر علي مرورك

[Sindibad]

و الله العظيم إنت برنس، الله ينور عليك .

أنا يا سيدي متزوج و معايا 3 أطفال (5 سنين، سنتين و شهر) فطبعا محتاج شنطة كبييييرة. و كمان تعبت جدا من المانيوال فمحتاج حاجة أوتوماتيك.
تاني حاجة أنا صحيح بحب الجري و لكن لازم أهدي شوية عشان الأسرة و لكن أنا أكتر حاجة أحب تكون موجودة هي إن العربية تبقي راسية علي الطريق و تقيلة (بتهيألي دة مش هيبقي موجود قوي في الهيونداي).
و طبعا يهمني الشكل و الأمكانيات ز
و أخيرا الميزانية عايزها تكون في حدود ال 100 الف جنيه

و بجد ألف شكر علي مرورك

100 الف متجيبشى حاجه زيرو كويسه تعيش معاك العمر او على الأقل 5-7 سنين - بس كنت عاوز اعرف انت كنت راكب ايه وموديل سنة كام؟

بارشح لك سيارة واحده بتحقق لك اوبشنز وشكل ووسع صالون وشنطه و سعر وثبات و قوه وسرعه واعتماديه وراحه وبرستيج واتوماتيك و ستيب ترونيك وسنة الموديل عالى ولكن مبنأخدش كل حاجه فلن تحقق لك سعر اعادة بيع جيد وسعر قطع غيار مرتفع قليلا لكن موجود (مثال الفانوس اللأمامى اصلى 800 جنيه - تايوانى 450) لكن لن اقول لك عليها الا اذا قلت لى ما هو نوع السيارة التى تركبها وموديلها

وشكرا

سلام

[khaledelsakaty]

100 الف متجيبشى حاجه زيرو كويسه تعيش معاك العمر او على الأقل 5-7 سنين - بس كنت عاوز اعرف انت كنت راكب ايه وموديل سنة كام؟

بارشح لك سيارة واحده بتحقق لك اوبشنز وشكل ووسع صالون وشنطه و سعر وثبات و قوه وسرعه واعتماديه وراحه وبرستيج واتوماتيك و ستيب ترونيك وسنة الموديل عالى ولكن مبنأخدش كل حاجه فلن تحقق لك سعر اعادة بيع جيد وسعر قطع غيار مرتفع قليلا لكن موجود (مثال الفانوس اللأمامى اصلى 800 جنيه - تايوانى 450) لكن لن اقول لك عليها الا اذا قلت لى ما هو نوع السيارة التى تركبها وموديلها

وشكرا

سلام

أنا معليا سكودا فابيا ميني 2009 و كان معايا قبليها سكودا فابيا 2001 و قبلها كان معايا سكودا فيفوريت 1994، ماتستغربش أنا أصلي سكوداوي قدييييم.
قولي إيه يا معلم العربية إللي تقريبا فيها كل حاجة دي ؟؟؟:b4_444:

[المنسي]

بما انك راجل قديم مع الاسكودا فانت اكيد فاهم طبيعة العربية ايه ورأيي الشخصى الفلوس اللى معاك تجيبلك اوكتافيا حالتها معقولة وبعدين صدقنى اللى بيركب المانى ويركب اى حاجة تانية بيحس انه مش راكب عربية مع احترامى لاراء الناس اللى هتقول انى بهاجم من الاخر اوكتافيا واكشف عليها فى التوكيل وقبل كل ده الاستخارة وربنا يقدم لك اللى فيه الخير

[Sindibad]

بما انك راجل قديم مع الاسكودا فانت اكيد فاهم طبيعة العربية ايه ورأيي الشخصى الفلوس اللى معاك تجيبلك اوكتافيا حالتها معقولة وبعدين صدقنى اللى بيركب المانى ويركب اى حاجة تانية بيحس انه مش راكب عربية مع احترامى لاراء الناس اللى هتقول انى بهاجم من الاخر اوكتافيا واكشف عليها فى التوكيل وقبل كل ده الاستخارة وربنا يقدم لك اللى فيه الخير

المشكله انك مش هتلاقى سكودا حالتها حلوه بالسعر ده انا بقالى 3 شهور بأدور انا وواحد صاحبى ودفعنا دم قلبنا فى مراكز الخدمة وكل مره نلاقى فيها مشكله اما راشه فى اماكن حساسه (حلوه حساسه دى)
أو محتاجه صيانات وتصليح حاجات كتير او ورقها فيه مشكله او مجرحه كتير بس فابريكه وانا بأحب عربيتى تيقى شكلها حلو او لونها وحش وهكذا

كلامى لصاحب الموضوع

بص على الفورد الفوكس 2009 و2010 2011 السعر من 85 الى 100 الف لايزيد عن ذلك حسب الحاله والموديل وفى منها كل الفئات زى الأوكتافيا بالضبط وركوبتها مثل السكودا الأوكتافيا بس مش هقولك زيها بالضبط لكن الفرق بسيط جدا وهتستمتع بالراحه فى الركوب لأانها بتمتص المطبات ومابتحسش بيها خالص وشياكه

بص على اللنك ده من ناحية التقييم

Used Ford Focus Saloon Review - Summary - What Car?




ولك الشكر

[usama_ra]

أنا معليا سكودا فابيا ميني 2009 و كان معايا قبليها سكودا فابيا 2001 و قبلها كان معايا سكودا فيفوريت 1994، ماتستغربش أنا أصلي سكوداوي قدييييم.
قولي إيه يا معلم العربية إللي تقريبا فيها كل حاجة دي ؟؟؟:b4_444:

بما انك سكوداوي قدييييم كنت عايز اسئلك على الفابيا ميني 2009 عامله ابه معاك ؟ يعني من حيث قطع الغيار و وسائل الأمان و الثبات ؟ وكمان من حيث اتساع المقعد الخلفي لاني ركبتها مره واحده بس من قدام . ومش عارف الكرسي اللي ورا يشيل 3 اشخاص كبار والا لا . لاني بفكره اشتري واحده .
على فكره انا معايا اوكتافيا a4 منيول 2009 لو حابب تسئل على اي حاجه انا تحت امرك

[khaledelsakaty]

بما انك سكوداوي قدييييم كنت عايز اسئلك على الفابيا ميني 2009 عامله ابه معاك ؟ يعني من حيث قطع الغيار و وسائل الأمان و الثبات ؟ وكمان من حيث اتساع المقعد الخلفي لاني ركبتها مره واحده بس من قدام . ومش عارف الكرسي اللي ورا يشيل 3 اشخاص كبار والا لا . لاني بفكره اشتري واحده .
على فكره انا معايا اوكتافيا a4 منيول 2009 لو حابب تسئل على اي حاجه انا تحت امرك

السلام عليكم و رحمة الله يا أسامة،
الفابيا عربية محترمة جدا و شيالة جداً (يعني بتشيل) فيما عدا الشنطة بتاعتها صغيرررة جدا (300 لتر) و لكن في إمكانية فتح الكنبة الخلفية زي ما حضرتك عارف (30% 70%) .

بالنسبة للأداء طبعاً سكودا غنية عن التعريف خاصة بالنسبة للثبات، بالنسبة للأمان فيها 2 إيرباج، إيه بي إس، إيه إس أر و قطعا الغيار معمرة جداً.
يعيبها عدم توافر قطع الغيار في حتت كتير و لكن النقطة دي مش فارقة معايا لأني أتعامل فقط مع التوكيل.
أما بانسبة للأسعار مش عارف إذا كانت أغلي و لا أرخص من باقي العربيات الألماني و لا لأ، يعني مثلا أنا لسة مغير تيل و طنابير الأسبوع إللي فات ب 1300 جنيه في التوكيل (مش عارف يعتبر غالي و لا إيه؟!)

مجملاٌ أنا أعشق العربية دي جدا و كان معايا قبلها فابيا بردو بس 2001 و كانت جااااامدة جدا فيما عدا بعض الكماليات ما كانتش موجودة .

و بالنسبة لعربية حضرتك، هي عاملة إيه معاك و عاملة كام كيلو دلوقتي ؟