Bmw vs. Octavia a4

[creative_art]

السلام عليكم ورحمة الله ..

اليوم انا عايز منكو تعملولي مقارنة صعبه .. وبل شبه مستحيله .. ولكن بكل أمانة وشفافيه وموضوعية


الموضوع وما فيه .. انى بعشق الألمانى .. انا عارف الناس دي بتعمل ايه كويس ، ازاى الناس دي قدرت تكسر القاعده وتلعب مع قوانين الجاذبيه وتديك عربيات بيتمثل فيها كل معانى الفخامه والأمان ومتعة القيادة

انا شاب .. عندى 20 سنة .. بدرس فى اكاديمي .. بعشق ال PASSION الى بيجيلك من القيادة .. بحب الجري والشد جدا .. عندى قدرة كبيرة فى التمييز مابين كفاءة العربيات ( تسارع - ثبات - مناورة فرامل ) .. ودا طبعا مشفتهوش غير فى الألمانى .. الباقي خيش وقش ( مع احترامى )


بكل بساطة كدة .. لقيت نفسي معايا رينج سبعينات ..

ابتديت افكر فى الحلم القديم .. وهو إني اركب المانى ( بعد ماكان والدي معاه اوكتافيا و باعها و جاب فلوانس واكتشفنا الفرق العمييييق طبعا )

لقيت نفسي محتار مابين عربيتين.. ال23 دول من اكبر شركتين فى مجال السيارات الألمانى فى مصر

SKODA VS. BMW

------------


العربية الأولي .. BMW E36 FROM 1992-1996

ودي طبعا ليها مواتير كتير .. موتور ابيض 1600 - 1800 is .. مواتير فينوس و دوبل فينوس معاك من 2000 لحد 2800 سى سى وفيه 3000 واعلى لو عايز ..


فا خلينا نقول مثلا هنجيب ال 318 الأربعه سلندر مكنة كويسه وبتشد عالطريق .. علشان ال316 مع الدفع الخلفي مع الاوتوماتيك بتموت وملهاش فى الجري


وطبعا للى مش عارف شكلها هيكون زي دي

[sor2]http://cdn.images.pistonheads.com/aimg/1600/1600304-1.jpg[/sor2]


[sor2]http://sphotos.ak.fbcdn.net/hphotos-ak-snc4/hs818.snc4/69828_437956876965_531916965_5289622_8201509_n.jpg[/sor2]



طبعا عربية كا Handling و Grip مع الطريق لا غبــــــــــــــار عليها ..

ملفات وغرز عال 190 مبتقولش لأ ولا بتسمعلها صوت .. وفرامل عالشعره بأمانة



بالنسبة لقطع الغيار فا اعتقد انها فى رينج اللانوس وبدون مبالغه .. حيث ان العربيه كامله نصين فى بورسعيد بتعمل 16 االف جنيه بالكتير

اسعار سوري فى اللفظ تافهه يعنى .. تيل ب 160 عفشة كاملة ب 2000 جنية سته سلندر .. موتور كامل بأجهزة التغذيه فينوس ( موتور اسود ) 2000 سى سى 6 سلندر موفر جدا فى البنزين نظرا للتكنولوجيا الى فيه بيعمل حوالى 7000 جنية فى الخدود دي بالورق بتاعة .. بمعنى أصح العربية كا قطع غيار رخيصه جدا لأنها مغرقة السوق استيراد







نيجي بقة للعربية التانيه ..

SKODA OCTAVIA A4 1.6 L

Automatic Transmission

[sor2]http://carphotos.cardomain.com/ride_images/3/2158/581/30392790003_large.jpg[/sor2]


طبعا دا وحش ألمانى كاسر .. مفيش كلام

الفرق عن كل الى قولته فى ال BMW هوا انها تمتاز بفخامه غير عاديه .. من حيث التابلوه والتقفيل و الانطباع الداخلي

وبرضه مزودة بوسائل أمان كتير اولها ABS - EBD - ASR .. كل دا موجود فى البى ام طبعا ولكن فقط للتذكير ..



السكودا بقه تاخدها متفكرش تغيرلها مكنه ولا كارونة لوك ولا عفشة 6 سلندر ولا اى حاجه ..


اعتقد اقصي تعديل فيها هوا جنوط وفوانيس كريستال وياسلام لو جنط BBS ..

وهتفضل برضه وحش عالطريق محدش يقدر يكلمها





-----------

نيجي بقه للنقطة الأهم .. وهو إن تقريبا دماغى هتسيح من صعوبة المقارنة ..


يعنى .. هتستغنى عن الرفاهيه والشكل العام ( بالنسبالى الاوكتافيا شكلها احلي ) .. مقابل انك هتركب بى ام


ولا تستغني عن قطع الغيار وامكانية التعديل الي ملهاش حدود مقابل إنك هتركب حاجه ماسكه سعر وفيها فخامة ورفاهيه


وعموما انا لو بتكلم فا بتكلم على A4 من موديل 2002 - 2003 كدة .. الى هي رينجها فى اوائل السبعينات ..

دا حسب ماشوفت فى كونتاكت كار طبعا .. وفيه ناس فى كونتاكت طالبة 96 وارقام غريبه كدة على A4 وحاجات ماشيه عداد فوق ال 100 الف

بس بصراحه حقها .. عربيه ماسكه سوق .. بس قطع غيار نار مقارنة بالبى ام دبانة


لو هنتكلم فى البى ام بقه فا اعرف انك بتتكلم فى انضف انضف انضف انضف حالة في ال e36 بتعملها فى اواخر ال ستينات واوائل السبعينات .. ولو زودت 7 كمان هتخش فى الكوبية


انا مجرد عايز مقارنة عادله بين الاتنين .. حيث ان الاتنين متقاربين جدا فى الصفات والسعر .. وياريت لو اعرف الفرق مابين A4 موديل 2002-2003 ومابين ال 2004 حتي ال 2007 .. لأن فيه فرق سعر كبير جدا مابينهم .. وانا عايز ال 2002 عشان اقدر اشدلها طقم جنط مناسب واعدل فيها براحتى اكون مرتاح فى الماديات ..

وشكراااااااا :)

[blazer]

راى شخصى ال bm احسن بكتير جدا
والشكل ال Bm افضل بمراحل ازى بتقول ان الاوكتافيا احلى

[abdallah937]

بص انا مش هقلك غير كلمه واحده BMW E36 لا يجوز مقارنتها بال octavia لان بكل بساطه من اكبر لاصغر قطعه فيكي يا BMW مكتوب عليها MADE iN GERMANY الاوكتافيا لا وبعدين قطع غيار الbmw رخيصه جدااااااااااااااا ولو اتزنقت هتلاقي الف واحد يصلحالك وباصعار رخيصه جدااااااااااااا حرام لما تقان اوكتافيا ب bmw كده بتظلم الاoctavia ياراجل ده ال e36 1600cc الي مشعجباك دي بتدي معاك ل 130 حصان وانت بتحب الجري والشد يبقه من غير تفكير bmw

[bob12345]

بص انا مش هقلك غير كلمه واحده BMW E36 لا يجوز مقارنتها بال octavia لان بكل بساطه من اكبر لاصغر قطعه فيكي يا BMW مكتوب عليها MADE iN GERMANY الاوكتافيا لا وبعدين قطع غيار الbmw رخيصه جدااااااااااااااا ولو اتزنقت هتلاقي الف واحد يصلحالك وباصعار رخيصه جدااااااااااااا حرام لما تقان اوكتافيا ب bmw كده بتظلم الاoctavia ياراجل ده ال e36 1600cc الي مشعجباك دي بتدي معاك ل 130 حصان وانت بتحب الجري والشد يبقه من غير تفكير bmw

معقول 130 حصان
ده ال e90 ال 1600 115 حصان

[creative_art]

اراء منطقية ..

بى ام دابليو .. قديمه وفاتحه بقها وهيطلعلك فيها بدل المشكلة الف ومش هتترحم من قرف الميكانيكية .. وغير كدة مش بكفائتها الى نزلت بيها من المصنع ( عربية بتخدم 16 سنة ) وهتسمع اصوات تكسير ورزع وحرق اعصاب طول مانتا ماشي
وبعدين المكنة ال16 فى البى ام غير اى 1600 لأنها دفع خلفي والكارونة لو رقم صغير هتتعب السحب جدا وهتضطر تعدل فى الكارونه عشان تخلي تجميع السرعات عالى بس مش هتجيب معاك توب سبيد كويس

فى مقابل كدة : قطع غيار فى المتناول وعالأرصفه - صيانة سهله جدا -مواتير البي ام الايكونومى فيها عالى بالتالى مفيش استهلاك - سهله فى اللعب ( دريفتات ) دفع خلفي



السكودا بقة بالنسبالى انا شايفها : شكل شيك جدا - برستيج عالى - تقفيل صالون وفخامه غير عاديه ورفاهيه ممتازة - لو حبيت تجري هتكون كويسة معاك بس التعديل فيها ليه حدود مش زي البي ام تركب اى مكنة واي جيربوكس واي ساسبنشن ودوس لأ انتا بتركب عربية بتقفيلة المصنع ملمستهاش إيد ... وكمان عربيه بياعه جدا فى السوق وماسكة سعر كويس مبتنزلش عنه

فى مقابل كدة : قطع غيار نار - صيانة صعبه - استهلاك بنزين عالى نسبيا



الموضوع صعب فعلا والاختيار أصعب لأن الإتنين ألمانى وميتعيبوش أبدا

[أبو ياسين]

صعبة المقارنة جدا
بس لو ان شاب و عايز اجرى و اصرف برحتى يبقى بى ام
و لو موظف غلبان زى حلاتى و هضبط العربية وهاحافظ عليها تبقى اسكودا

[Amr_Azab]

فعلا مقارنة صعبة
بس انا لو مكانك حختار الاوكتافيا لان اكيد الفرق في الموديل حيفرق كتير برده من 96 الي 2002 ده فرق 6 سنين
وفي نفس الوقت عربية محترمة جدا جدا من هنا لبكرة الصبح وغير انها كانت مع والدك قبل كده يعني مجرب العربية وعارفها وربنا يوفقك للآختيار الآحسن

[creative_art]

طيب هل ممكن من الأخوة الأفاضل بعض امثله على قطع الغيار الشائع تغييرها فى الاوكتافيا بأسعارها ، عشان اقدر اعرف قد ايه فرق السعر فى القطع بين الإتنين .. يعنى مثلا تيل - فلتر بنزين - عفشه كاملة - كوبلن .. هكذا

[ayman20100]

أعذرني انت تقريباً جاوبت على نفسك
الاختيار bm طبعاً
قطع غيار متوفرة امكانيات كبيرة للتعديل اسم وتاريخ شركة كبير ....... وشكلاً افضل بكتير وهي مسالة اذواق
التظبيط فيها هيبان اوي .......... شبابية اكتر وشكل انسيابي جميل......... اعادة بيع ال bm افضل لان سوقها اكبر وانتشارها اوسع ربنا يكرمني واجيبها ان شاء الله ادعولي.
مقارنتها بالاوكتافيا فعلا ظلم للاتنين

[lanos2004]

اصلا حضرتك بتختار بين عربييتن 1600 سى سى ما لهمش فى الجرى ولا الشد اساسا نهائى الاتنين اخرهم 190 بالعافيه
وتسارع بطىء جدا -

[creative_art]

هو الموضوع انى بقارن مابين حاجتين

سكودا : شكلها عاجبني اكتر من ال bm واوبشنها وتقفيلها وخاماتها كل حاجه فى مكانها - بس مبتتعدلش وقطع غيار غاليه

bmw : بتتعدل وقطع غييار رخيصه بس كا رفاهيه وشكل ( رأيي الشخصي ) فقيره نسبيا قدام السكودا ومش هتكون بحالتها

[lanos2004]

سكودا بيركب فيها مكنه 2000 سى سى 150 حصان وبتكون عربيه جبارة مش معزة زى المكنه 1600

[creative_art]

مكنة 1600 معزة .. إممممم

[creative_art]

رجاء المساعدة ..

[AhMeD MeTwAlY]

ايه الخربط والخربيط الي انتو عملنها في القسم
اسيب القسم يومين ارجع القي الدنيا بايظه
البي ام
عربيه اساسا شبابي
شكله كويس جدا تعديلات مفتوحه معاك زي ما تحب واعمل الي يعجبك ثبات حد بلا حرج ودفع خلفي يعني درفتات حاجه جباره
شد وغرز والحجات الشبابي دي بتاعتها اساسا
من جوه بردو البي ام مش وحشا البي ام من جوه جميل انا كنت بتفرج علي شارك حاجه حلوه يعني
نخش علي الاوكتافيا حبيبت قلب عمو احمد هاتي بوسه يا بت
عربيه طوبه علي الطريق لزقه في الطريق طبعا غير عوامل الامان وحساسات وفيلم هندي طويل عريض
التسارع بتعها ممكن ميعجبكش زي البي ام مش معني كدا انه وحش لا طبعا
البشمهندس الي بيتكلم بيقول معزه حضرتك مش هقولك كل شوية اركب عربيه اوكتافيا نضيفه لو سمحت وحضرتك لما تفكر تشد مع عربيه اوكتافيا بعربيتك والاوكتافيا متفتحه صح لو شوفت الوحات الخلفيه يبق ربنا بيحبك
طبعا الهاند والكلام العربيه تقيله مش هيعجبك الهاند بتعها اوي انا معاك انه كويس بس مش هيعجبك انا كنت بخمس a5 بس علي الطريق كنت مبهدل العربيه
الاوكتافيا فخامه من جوا
الفرق هنا من النحيه الشبابي يعني زي ما حضرتك طالب للبي ام
لو حضرتك بتدور علي حاجه مش عايزه تحرق عليها هات الاوكتافيا
اعتقد ان صيانة الاوكتافيا هتكون اصعب شوية من البي ام
ودا رأي الشخصي
تقبل تحياتي
AMETWALY