أوكتافيا a5 بتاكل بنزين بطريقة بشعة

[momo_13331]

[justify]

يا جماعة أنا لسه جايب أوكتافيا A5 2006 من أسبوع المهم العربية بتاكل معايا بنزين بطريقة بشعة وديتها اتحطت على جهاز ال G.Scan فظهر ان العربية فيها حساس أوكسجين و بتاكل بنزين مع العلم ان اللى اشتريتها منه قاللى أنا لسه مغير حساس الأوكسجين فى الحرفيين....فالمهندس قاللى لازم تغير حساس الأوكسجين عشان استهلاك البنزين يظبط معاك و أنا بصراحة مقتنعتش بكلامه أفيدونى أفادكم الله

[/justify]

[walidadel81]

ايوه يعني بتاكل بنزين بتعمل كام في ال 20 لتر مثلا مع التكيف جوا البلد ولا برها

[momo_13331]

مع التكيف جوة البلد بتعمل حوالى 90-100 كيلو فى ال 20 لتر

[dfdfdf]

هو أكيد حساس الأكسجين

[momo_13331]

يخليها تاكل بنزين بالمنظر البشع ده؟؟!!

[MohammedAladel]

عندنا فى قسم رينو حساس الأوكسجين لما باظ من أحد الأعضاء كانت أعراضه إن العربية بعد ما تدورها بتبطل تانى غير لما تدوس بنزين شوية كتار عشان تقدر تطلع

[momo_13331]

يعنى الحساس ده ملوش علاقة بأستهلاك البنزين طيب ولا ايه طمنونى يا جدعان

[MAK_US1977]

انا في رايي اعمل ريسيت للارورز كلها من الكنترول بتاع العربيه
ويومين اعمل سكان تاني وشوف الارورز اللي هتطاع ايه

انا عندي الكابل بتاعها عموما (جايبو من يوم ماشتريت العربيه) كلمني ولو قريب مني ممكن اعملك لها ريسيت

[momo_13331]

طب لو غيرت الحساس ده يا بشمهندس تفتكر ممكن استهلاك البنزين يظبط ولا ملوش دعوة؟؟!!

[samoreception]

حضرتك مش محتاجه لف كتير كده فعلا الحساس ده باااااااااااايظ 100 فى 100 ولازم تغيره بواحد اصلى ويفضل تجيبه من مكان مضمون زى الوكالة وتركبه هناك بالمره لانهم بعديها بيمسحوا الاخطاء ويظبطوا الكمبيوتر فى العربية والعربية هتاخد يوم او اتنين من بعد تغيره وبعد كده هيبقى استهلكها جميل جدا واوعى تجيبه مستعمل استيراد ابداااااااااا

[mahmoudysf]

هل لمبة الاعطال منورة ولا لا
عموما اعمل مسح للايرور المتخزنة
وبعد كدة اعمل اسكان تاني لو اداك حساس اوكسجين تاني يبقى لازم تغيرة

[طارق _عبد السلام]

انا عندى بتعمل 25 لتر فى 230 كيلو طوالى يعنى على سفر بالتكييف ده طبيعى ولا مش طبيعى

[ahmedbasto]

يعنى الحساس ده ملوش علاقة بأستهلاك البنزين طيب ولا ايه طمنونى يا جدعان

على ما أعتقد حساس الأكسجين هو السبب لأنه بيقرأ قراية غلط وبالتالى بيرسل اشارة غلط لوحدة التحكم ووحدة التحكم بترسل نفس الأشارة للرشاش فالرشاش بيضخ كمية بنزين زيادة وبالتالى الأستهلاك بيزيد دة على حسب علمى