صيانة الـ 60000 للفانتازيا

[inspiron]

رجالة سكودا أخباركم إيه..أنا رايح ان شاء الله يوم السبت أعمل صيانة الـ 60000 كم للفانتازيا في كارتك العبور.

هل من نصيحة ؟ وايه الحاجات اللي أراجع عليها

[inspiron]

نشكركم لحسن تعاونكم معنا

[Eng_Moh.Dewair]

انا من اسكندريه فمش عارف نظام مراكز الصيانه عندكم ايه بس عموما اهم حاجه فى صيانه الستين هى تغيير سير التقسيمه و سير الدينامو و زيت الفتيس الاوتو و طبعا البوجيهات و التيول اهم حاجه تشيك على صدر العربيه بعد ما يخلصوا و تتاكد ان كل حاجه متربطه و متثبته فى مكانها لان اصعب حاجه فى الصيانه دى تغيير سير التقسيمه فبيضطر العامل يفك جزئيين - مش فاكر اسمهم - تحت الماتور علشان يعرف يركب السير صح و الباقى متقلقش منه سهل و مفيش فيه مشاكل و متنساش تشيك على الطنابير و تغيير مياه الريداتير معاك بالمره و بالتوفيق و متنساش تقولنا عملت ايه

[mina2210]

رجالة سكودا أخباركم إيه..أنا رايح ان شاء الله يوم السبت أعمل صيانة الـ 60000 كم للفانتازيا في كارتك العبور.

هل من نصيحة ؟ وايه الحاجات اللي أراجع عليها

اتاكد ان قطع الغيار اصلية
ممكن تتصل بي وانا اساعدك 01288614446

[MohamedGobran]

هى نصيحه واحده أتقالتلى هناك فى صيانه ال ٥٠,٠٠٠ "تقل جيبك".... انا الحاجه الوحيده إلى أعرفها زيت الفتيس لان انا غيرته عند ال ٥٠ بدل ٦٠ علشان اكون فى الامان و تمنه ٧٨٠ جنيه تمن الزيت و ٣٦٠ تقريبا فلتر الفتيس

[inspiron]

متشكر جدا ليكم يا جماعة..طيب سؤال..هل في إختلاف بيظهر علي أداء العربية بعد الصيانة دي خاصة بعد تغيير زيت وفلتر الفتيس؟

[mezo73]

انا هاقولك علي نصيحتين بالاضافة لكل اللي قالوة الزملاء
زيت الموتور غير لكاسترول ايدج هايخليك تحس بفرق كبير نعومة واستهلاك اقل للبنزين
وتاني حاجة رجلاش فرامل اليد
بس انا مش عارف هل فرامل اليد للفانتازيا يد عادية ولا زي الباسات كهرباء
وتمنياتي لك بالتوفيق وياريت تنقلنا تجربتك لما تخلص ان شاء الله :)