ملحوظه فى الفانتازيا

[mohmd74]

انا معايا فانتزيا 2013 جيبها من شهر وعملت بيها 1500 km بس بديت الاحظ حاجه غريبه ان وانا ماشى على الطريق و السياره على وضع d عادى بلاحظ ان السرعه بتتغير من d4 الى d6 على طول دون المرور على d5 هو ده كده طبيعى ولا ايه الحكايه ........ ارجو من اهل الخبره فى السكودا يقولولى ايه ده طبيعى ولا لاء وشكرا"

[akmm]

الف مبروك ... ومتابع .

[hany63]

ده طبيعي عشان توفير البنزين تلاقيك بتشبع الغيار سنه

[NaderNabil]

طبيعي يا باشا ماتقلقش...العربية بتحس لو انت طالع على مطلع مثلاً فا بتقوم مسقطة الغيار علشان تديك عزم أعلى لحد ماتعدي المطلع...و لو زودت الدوسة على البنزين بشكل مفاجئ بتعمل كده برضو..
دي من مميزات ال 6 سرعات...الرينج بتاع العزم متوزع على كذا غيار علشان تسعفك في أي وقت

[HAITHAM1985]

دى ميزة مش عيب علشان أنت والفتيس على الرابع كبست وحرقت فوصلت سرعة السادس فى زمن أقل من إحساس الحساس بسرعة الخامس فبينقل على الغيار اللى بعده علشان يديك السرعة وميهلكش ترس الغيار الخامس لأن فى الحالة دى النقلة ملهاش أى معنى

جمــــــــــــد قلبك يا وحش أنت معااااااااك مصفحة طائرة

[engmohfaw]

على فكره يا جماعه اللى بيسوق الاوكتافيا بالطريقه الاقتصاديه يعنى بيدوس على دواسة البنزين بطرف رجله من تحت يعنى فى اخر الدواسه تحت هيحس فعلا ان الرابع هى بدايه غيارات اللعزم فى الفتيس ولو راجع كتالوجها هيلاقى ان نسبة التخفيض فى الرابع هى اعلى نسبه فاللى بيحصل ده طبيعى ..

[RedBull_30]

على فكرة يا جماعة صاحب المشكلة بيقول ان عربيته بتتجاهل نقلة .. اعتقد انكم بتتكلمو عن طريقة السواقة لو واحد بيحرق على الغيار .. انا والدي معاه اوكتافيا a4 وما شوفتش فيها حاجة زي كده

[Moratoz]

اولا a4 الفتيس بتاعها اربع نقلات فقط والفتيس ما بيقومش بترحيل النقله علشان روح النقله كبير
a5 والفنتازيا 6 نقلات والعربيه بتعمل كدة زي ما الأساتذة قالوا أن العربيه مش محتاجة النقله دي علي السرعة دي علشان مفيش حرق وعلشان الكمبيوتر يوفر بنزين بيقوم بالنقل الي السرعة الأعلي ودا بيحصل عندي علي فكرة

[MAK_US1977]

هي كده طالما مبتحرقش علي الغياره هتنقل من الرابع للسادس علطول وممكن تلاقيها خدت السادس وانت علي ٦٠ كمان

[RedBull_30]

على فكرة يا جماعة صاحب المشكلة بيقول ان عربيته بتتجاهل نقلة .. اعتقد انكم بتتكلمو عن طريقة السواقة لو واحد بيحرق على الغيار .. انا والدي معاه اوكتافيا a4 وما شوفتش فيها حاجة زي كده

انا بعتذر لاني كتبت اسم العربية غلط .. عربية والدي a5 خليجي