مقبل على شراء a5 2006 بس قلقان من الفتيس

[midobond]

العربية عاملة حوالى 67 000 كيلو
بس سمعت معلومة عن ان كل موديلات ال a5 اللى قبل 2007 فتيسها زفت و بتجيب فتيس
يا ترى ايه مدى صحة المعلومة

[benmatar]

إكشف على العربية كمبيوتر، وطبعا تجربها ولو مش هتعرف من التجربة خلي حد خبير أو فني سكودا يسوقها ويجهد الفيتيس وعلى طريق هتعرف الحالة عاملة إيه

[HISHAM80]

الفتس في كل الموديلات على حد علمي لو الزيت متغيرش في معاده المشكله في موديلات قبل 2008 كبس التكيف

[sakr_skoda]

على فكرة فتيس الأوتوماتيك كله زفت فلو قلقان من الفتيس ياريت تشوف حاجة مانيوال....

[Astra200]

الفتيس واحد من 2005 لغاية الفانتازيا 2013

لو في مشكلة في الفتيس حتلاقيه بيهبد في النقل --

الفتيس بيتغيرله زيت وفلتر عند 60000 --- ( اخويا ماغيروش لغاية 100000 (2005) وما حصلش حاجة

[HAITHAM1985]

يا جماعة إنتوا محسسنى إنه فتيس نوبيرا 1 موديل 97 اللى بيبوظ بعد 2 كيلو ........ دى عربية ألمانى والفتيس بتاعها مفيهوش مبالغة ذى بتاع الجولف والباسات

الفتيس محتاج بس إهتمام لإنه عبارة عن طرمبة زيت فلازم يتبص عليه أول بأول

ليس تشددا للسيارات الألمانية إطلاقا

[NaderNabil]

الفتيس مش هايبقى فيه أي مشاكل لو متحافظ على تغيير الزيت في مواعيده و قبل مواعيده كمان...كل 60000كيلو أو قبل كده

التجربة خير دليل...يفضل القرص على العربية و ملاحظة النقلات لو ماشية بنعومة يبقى مافيش مشاكل...لو فيه هبدة أو رزعة يبقى كده فيه مشكلة

[Astra200]

و هو نفس فتيس الباسات (ما قبل الdsg) والجولف والجيتا

[طارق _عبد السلام]

اكشف على العربيه كويس وتوكل على الله
انت بتقول سمعت .. وهتسمع كتير فتاوى ومتسئلش حد عن اى حاجه الا وتلاقيه حافظ العيوب بس
واللى يجنن فى الموضوع ان الخبراء اللى بيكلموك ممكن مايكونوا راكبين عربيه اساسا
يعنى هتسمع كتير وبالذات لو سئلت عن اى عربيه
توكل على الله الاوكتافيا عربيه من الفئات المحترمه

[midobond]

يا جماعة انا عارف كويس فتيس الاتوماتيك ازاى التعامل معاه انا اخر عربيتين ليا كانو اتوماتيك
انا بس قلقان من استعمال اللى هشترى منه مش اكتر

بس حبيت اتاكد من الكلام اللى سمعته و متشكر جدا لنصحكم :)

[Moratoz]

استاذي انا لسه جايب موديل 2007 وكل الموديلات من 2005 لقبل 2008 فيهم المشكله دي وهي اساسا نتيجة عدم تغيير زيت الفتيس في مواعيدة زي ما الأساتذة قالوا كل 60,000 ك روح لمركز خدمه يكشف علي الفتيس بالأستعمال والتجربه لأن العيب دة لا يلاحظ علي الكمبيوتر الكمبيوتر يكشف علي الحساسات الموجودة والنقلات فقط وعلي فكرة بدايه العيب دة من ترزيع وخبط ممكن نتشة خفيفه في الغيار الثالث
اكشف اولا عند مركز متخصص سكودا وفولكس واوعي البنزينه علشان ملهومش فيها