400كيلو فى 55 لتر بنزين ..اوكتافيا a4

[engmohfaw]

الموضوع ان العربيه بعد مشى بتاع 50 كيلو بتتبرجل ومش بتسحب خالص كانها مش قادره تمشى حطيتها على الكمبيوتر 6 مرات يقول ان العيب فى حساس الشكمان لكن العطل نفسه اعراضه بتظهر لو فى تلف فى طرمبة البنزين بس لو فى مشكله فيها طيب ما هى ياما هتظهر اول ما ادور العربيه يا اما هتقطع وانا ماشى ياما مش هتدور خالص ولو فلتر البنزين مكتوم هيبان على طول بس اللى لاحظته ان العربيه بعد تفويله 95 مديانى انا البنزين اللى موجود يمشينى 400 كيلو ومتوسط الاستهلاك
23لتر لكل 100 كيلو متر مع اناه كانت مع التفويله بتكتب 720-760 كيلو فياترى اعمل ايه

[kareemafifi]

نفس الموضوع عندي لما كنت بقول كانت بتكتب 700 او اكتر لكن بعد فترة بقت بتكتب بالكتير اوي 550 و بردو بالتفويل جوة البلد بتمشي 400 لكن لو علي طريق و كده بتعمل 550 و انا بردو مش لاقي حل

[engmohfaw]

طيب يا جماعه هل حد جرب يغير حساس الشكمان ولو غيره هو استعمال بكام

[MAK_US1977]

لو معدل الاستهلاك عالي اوي زي مبتقول ٢٣ لتر/كيلو يبقا دا حساس شكمان
لان طرمبه البنزين ممكن تخلي العربيه تبرجل في السلانسيه او تقطع معاك بس مش هتزود الاستهلاك بالطريقه دي

[sala7]

بعد اذن حضرتك اديني رقم العطل اللي طلع الكمبيوتر وانا هساعدك في حل مشكلتك ان شاء الله

[mohamed ic]

ممكن يكون طرمبة البنزين

[Ahmed.Fahmy]

حساس الشكمان فعلا بيزود الاستهلاك كمان بيقطع العربية وممكن تحسها "متللتة" على السلانسيه، شم كدا ريحة العادم هتلاقيه بنزين نى دا لو ماكانش اسود اساسا

عموما ماتجيبش حساسات استيراد ابدا عشان 90% بتكون بايظه او على وشك وهو مش غالى انا مش فاكر سعره بس يا 150 يا 250 حاجة زى كده وتجيبه من الهاشمية

اخيرا جرب تشيل الفيشة بتاعة الحساس لو العربية ظبطت يبقى انت اتاكدت

[kareemafifi]

انت مقولتلناش العيب طلع ايه يا باشا

[engmohfaw]

العيب طلع من الموبينه كانت لما بتسخن بتقطع والكمبيوتر كان مبين حساس شكمان بس ده مش غلط من الكمبيوتر العربيه لما بتلت بيكون حرق العادم مش مضبوط
اما بالنسبه لتمن الحساس فهوز ب250 استعمال
500 جديد صينى وبيتباع على انه اصلى ا
الاصلى فعلا ب950

[kareemafifi]

ايوة يعني طلع موبينة هي اللي بتكدب المؤشر كده و بتخليه يقرا انها بتستهلك كتير بنزين عن المعدل الطبيعي اصل انا عندي نفس مشكلتك لو فاكرني، طيب عملت ايه و صلحتها فين و ازاي ؟

[engmohfaw]

الموضوع بسيط مفتاح الانكيه 5 ومفك ساعات صغير
هى مربوطة بثلاث مسامير فى وش الموتور اول اتفتح الكبوت مش هتاخد منك اكتر من 5 دقائق وجربها وانت واقف عند التاجر فك وركب لحاد ما تضبط