مشكلة فى الفانتازيا 2013 , ارجو الافادة بسرعة

[eslam9002011]

انا يا جماعة لسه شارى فانتازيا 2013 من شهروعندى مشكلة انى بحس ان كل ما اشيل رجلى من على دواسة البنزين وانا ماشى على سرعة بطيئة زى 20 او 30 كم مئلا اسمع صوت خبطة او زى طقة فى العفشة زى مايكون قاعدة الموتور او قاعدة الفتيس سايبة وده من ساعة ما استلمتها ,اول ما استلمت الضمان رحتلهم والمهندس بيقولى مش هو صوت خبطة لما تشيل رجلك لا ده الطبيعى فى الفانتازيا وان مفيش مشكلة , طبعا انا مش مقتنع بالكلام ده خالص لانه صوت ملحوظ واستحالة عربية زى الاوكتافيا تنزل طبيعتها كده خالص
ياريت تفيدونى , هل حد عنده مشكلة زى دى وظهرت عنده ولو كده عمل ايه؟؟؟
او ده شىء طبيعى فعلا ولو كده ابيعها؟
ارجو الرد بجد عشان اعرف اتصرف ازاى

[ibn_seena]

متابع

[amr_8800]

متابع باهتمام

[hany63]

هل مع الصوت بتحس ان العربيه نزلت نقله؟
يعني هبده في الفتيس؟

[soltanfriend]

يعنى ايه هو كدا اكيد دا مهندس كفته

[szaalouk]

متابع

[man_from_shado]

دا مش طبيعي

[amr1901]

اظن ده بادي فلف الفتيس وياريت تروح التوكيل ولو ما حلوهاش اطلع علي حماية المستهلك هما صحيح هيردوا بعد 3 شهور بس هايردوا انما المهندس اللى بيقولك كدة دة بيحاول يخليك تعدي فترة الضمان خلى بالك

[mhmhmh75]

اللة اعلم المهندس دة اما كفتة فعلا او بيستعبط انتا مدام حاسس ان فية حاجة غلط يبقا احساسك صح لأنك دافع فلوس والعربية جديدة وحواسك كلها مركزة وخايفة عليها شوف التوكيل تاني او حماية المستهلك فعلا وياريت تشوف بردة حد معاة نفس عربيتك يقلك بس انا بقول العربية فيها حاجة بسيطة عايزة تربيط او ما شابة

[hany63]

مش فاهم صاحب الموضوع عمله وسايبنا نهاتي و مش هاين عليه يعبرنا الظاهر الواحد المفروض ما يردش على اي عضويه جديده

[Ey123dok]

السلام عليكم ورحمه الله وبركاته
عندي نفس المشكلة بالظبط بس مش دائما الصوت موجود وبيظهر معايا في المطبات الصناعية ولكن مش بصفة دائمة وقلتلهم في التوكيل قالولي عاوز تربيط عفشة ولكن الصوت موجود لحد دلوقتي للعلم انا ماشي بيها 550000 لحد دلوقتي ومواظب على السيرفس انا شاكك في المساعدين بس مستني اشوف حد ميكانيكي كويس ويقولي عليها.

[badr5]

لا يا هاني الله اعلم حاله ايه
العربيه لسه زيرو وهتلاقيه متنكد بسببها ولا ايه رايك ؟؟

[hany63]

لا يا هاني الله اعلم حاله ايه
العربيه لسه زيرو وهتلاقيه متنكد بسببها ولا ايه رايك ؟؟

انا معاك انها حاجه تضايق عشان العربيه زيرو بس المفروض يرد على الناس اللي بتحاول تساعده و الا هو فتح الموضوع ليه و بعدين ممكن في الاخر تطلع حاجه بسيطه يعملها و ما يقولش تلقى واحد كان رايح يشتري العربيه يخاف و يفتكر انها معيوبه و يبقى دي دعايه سيئه بدون داعي

[badr5]

انا طبعا متفق انه لازم يراعي الناس اللي بتساعده
بس ربنا ما يكتبها عليك يبقا لسه دافع ربع الوراني بتاع ارنب ههههههههههه
وتلاقي العربيه فيها مشكله زي دي

[KHALED AYMAN]

صوت طقه من العفشه و اوقات ييجي يمين و اوقات شمال ؟ الصوت عندي و كان عندي في العربيه الي قبلها و محدش عرف مصدر الصوت عشان يحله اصلا !