ليه كل الأعطــــال المتداولة فى المنتدى تدور حول عربيات سكـــــودا

[HAITHAM1985]

ليه كل الأعطــــال المتداولة فى المنتدى تدور حول عربيات سكـــــودا سواء فيليشيا أو أوكتافيـــــا سواء فى قسم سكودا أو القسم التعليمى أو حتى الورشة ....... دى أول ملاحظة

ليه زى ما قولت إن كل الأعطــــال المتداولة فى المنتدى تدور حول عربيات سكـــــودا سواء فيليشيا أو أوكتافيـــــا .......... ومبسمعش خااااااااااااااالص عن مشاكل للفابيـــــا .......... دى ثانى ملاحظة

تفسيرى لأول ملاحظة >>>> إما إن ملاك السكودا صرحااااااااااااء للغاية لدرجة إنهم بيقولوا كل مشاكلهم وميهمهمش إنهم يحافظوا على سمعة عربياتهم لأنهم واثقيييين من متانتها وإن كل المشاكل اللى بتحصل دى عابرة ولازم تحصل لأى عربية ............. أو إن فيه مشاكل حقيقية فى عربيات سكودا بسبب زى ما بنسمع إنها غير ملائمة لأجواء مصر الحارة

تفسيرى لتانى ملاحظة >>>> إما إن ملاك الفابيا ماتوا فى الحرب وأنا الوحيييييييد اللى رجعت أو إن الفابيا عربية حقيقى قليلة الأعطال ومبتحرجش صحابها على عكس ما يشاع عن العربية المظلومة أو إنها مغلبة صحابهــــــــا لدرجة إنهم بيقرفوا يكتبوا عنها حرف لأنها كل يوم عند صنيعى شكل

علامااااااااااااااااااااااااات إستفهااااااااااااااااام كثييييييييييرة ؟؟؟؟؟؟؟؟؟؟؟؟؟؟؟؟؟؟؟؟؟

ياريت لو ندردش ونحاول نجيب عليهـــــــا

تحيـــــــــااااااااااااتــــى

[أحمد جودة]

حكايتي مع الزمن ههههههه أقصد حكايتي مع الفليشيا

بصراحة من يوم ماجبت العربية وهيا مستعبطة ع الاخر

مبيعديش اسبوع غير لما بتزعلني

اول ماجبتها

غيرت كبالن وجلب مقصات وشوية شغل فى العفشة بــ 800 جنية غير التراويش والشاي والحاجة الساقعة

بعدها عطلانة ثم عطلانة ثم عطلانة بس بصراحة على حاجات تافهة وبما أني مش خبير فى أى حاجة الصنايعية بتشتغلني

مرة على بك السلانسية ...... مرة على مشط الاسبراتير

ومرتين للاسف على طلمبة البنزين
حراااااااااااااااااااااام والله بجد ........... العربية بسببها فضلت ملطوع على الاتوستراد من التاسعة مساءاً
وحتي الثانية صباحا وكان فى رمضان ...... بسسب طلمبة البنزين

والمصيبة بعد تغيير طلمبة البنزين بواحدة صيني .......... باظط تاني يوم فى نفس الميعاااااااااااااااااااااد

بس بصراحة أنا شايف أن العربية دي كويسة جداًَ جداً جداً جداً

وشايف كمان الاعطال اللي بتحصل عندي أعطال واردة فى أى سيارة ولو كانت زيرووووووووو

وكفاية أقولكم والله أنا لما كنت بتعلم السواقة كنت بمشي فى طرق مكسرة ومطبات والعربية بصراحة بتسد معايا

وكمان لما بكون مركب ناس معايا فى العربية ثقيلة وشنط بصراحة العربية بتفرحني

كفاية أقولكم كنت فى يوم مركب 3 أجسام ماشاء الله فى الخلف وواحد أثقل وأثقل جمبي غير شنطتين كبار فى شنطة العربية

والعربية بصراحة مشتكتش ومشيت معايا فى المكسر والمطالع والمكسر ماشاء الله

وأهم شيئ ولله الحمد ربنا يبعدها عني وعنكم جميعاً معنديش مشكلة فى الحرارة

الحرارة عندي عمرها ماعدت 80 - 90 فى عز الحر فى شهر 8 الساعة 2 الظهر فى عز الزحام وعز الحر

ولذلك أنا متمسك لابعد الحدود بهذه العربية وربنا يستر طريقنا جميعا ويبعد عننا الاعطال والحرارة والذي منه


يارب متكونوش زهقتو من مشاركتي هذه

[akmm]

راى المتواضع ان قسم السكودا قسم نشيط ... يعنى مفيهوش نوم .

[HAITHAM1985]

بس مجوبتوش على الملاحظتين !!!!!!

[HAITHAM1985]

راى المتواضع ان قسم السكودا قسم نشيط ... يعنى مفيهوش نوم .

أيوه نشييييييط ........ بس بدون مقابلات ........ بدون تنسيق بين الأعضاء فى عمل المشاركات ......... في حاجاااااااااات كتييييير ناقصه

أهم حاجة المقابلااااااااااااااااااات

[HAITHAM1985]

ليه كل الأعطــــال المتداولة فى المنتدى تدور حول عربيات سكـــــودا سواء فيليشيا أو أوكتافيـــــا سواء فى قسم سكودا أو القسم التعليمى أو حتى الورشة ....... دى أول ملاحظة

ليه زى ما قولت إن كل الأعطــــال المتداولة فى المنتدى تدور حول عربيات سكـــــودا سواء فيليشيا أو أوكتافيـــــا .......... ومبسمعش خااااااااااااااالص عن مشاكل للفابيـــــا .......... دى ثانى ملاحظة

[أحمد جودة]

ياريت ياجماعة نفسي أحضر مقابلة فى القريب العاجل

واتشرف بمعرفة فرسان الـ سكودا

[HAITHAM1985]

ياريت ياجماعة نفسي أحضر مقابلة فى القريب العاجل

واتشرف بمعرفة فرسان الـ سكودا

والله يا رييييييييييت

[SonaSteel]

انا ممكن اجي معاكم المقابلات بس اخد لفة هههههههههههههه

[sakr_skoda]

شوف ياصديقى هيثم انا حجاوبك على الملاحظتين....

اولا ملاك الاسكودا ناس صرحاء مع انفسهم واثقين فى اختيارهم واثقين فى اصاله عربياتهم فميهمومش يحكو كل اللى بيحصل معاهم ونتعلم من بعض وبنساعد بعد وبنحب جدا نحل مشاكل بعد ومافيش غيرة ولا احقاد فى منتدى الاسكودا لآنى اشعر ان جميع من قابلتهم هنا اوناس محترمين جدا جدا ولن يجرئ احد ان يخرج لفظ خارج حدود الادب هذا ما لاحظته فى هذا القسم ....

وعلى فكرة انا اول عربيه احط رجلى على دواستها الحلوه اللى فى التوقيع والله اتحملت منى غشامه ماتتحملها دبابه مصفحة ومشيت معايا فى جبال ومطبات والله حماله اسيه بجد لذا من حبنا فى اسكودا ترى الحب بين ملاك الاسكودا متبادل ....*

اما الملحوظة الثانيه فانه يبدو ان الفيبيا فعلا مظلومه وهذا يبدوا من ان السيارة موديل حديث وسيارة تلافت فيها الشركة المصنعه غالب العيوب الموجوده فى الموديلات القديمه وايضا يبدو لى والله اعلم بان ملاك الفيبيا يختلفون تماما عن ملاك الموديلات القديمه ترى اكثر الاعضاء نشاطا هنا اصحاب فلييشا من 96 وانتا راجع

[EngAhmedSayed]

اولا انا احيك على الموضوع الجميل قلى بيناقش حاجه حقيقيه

فى حاجه الناس مش واخده بالها منها و ايه هى او بنصح بيها اى حد هيركب او هيشترى سكودا اى فائه فليشيا اوكتافيا فابيا فانتازيا اى عربيه على ماركة سكودا هل انتا حابب العربيه و له لالالالالالالالالالالا
علشان تركب سكودا لازم تكون حاببها مش عربيه و السلام لالالالالالالا
مع الرغم انى يوجد مشاكل كتيره فى العربيه على قد ما العربيه حمارة شغل اه و الله العظيم حمارة شغل و اطحن و دوس
عربيه من الزمن المحترم

هو ايه بقى قلى معقد الناس
العربيه فى مجمالها قويه بس مشكالتها الوحيده قليل جداااااااااااااا
قلى فاهم العربيه دى و انا احترم اى ميكانيكى مبيقولكش انا مبعرفش اشتغل فيها
لانى فيها كده حته بسيطة حتة ظبط قلى مش فاهمها هيبرجلها

ده راى فى العربيه
ان شاء الله عاوزين نعمل موضوع زى كورس كده
كل قلى يقدر يعمل حاجه بنفسه يشرحلنا ازاى بتتعمل و نتعلم من بعضينا انا اعرف حاجات و مش عارف حاجات احنا نكمل بعض

وربك المستعان
و احيك على موضوعك

[Amr_Azab]

بالنسبة للملاحظة الآولي : فرأي ان أصحاب الاسكودا فعلا بيحكوا عن اي مشكلة او عطل مهما كان بسيط يعني في بعض المواضيع مثلا ممكن تلاقي اللي بيستفسر عن زياده استهلاك للبنزين او رجرجة في الموتور من عيب بوجيهات مثلا او بيستفسر عن قطع غيار مش لاقيها او لاقيها غالية
وكل ده لا يدل علي عيوب بالسيارة نفسها لان لو عيب بالسيارة حنلاقي كام موضوع هما اللي بيتكرروا دائما لكن الموجود هنا هو العديد والكثير من المواضيع لان كل واحد بيحكي عن موقفه او مشكلته
وانا شايف ان دي حاجة كويسة ولا تعيب من سمعة الاسكودا ابدا لانها بتخلينا نتعلم من بعض بشكل كبير

اما الملاحظة الثانية : فراي فيها عن تجربة فعلية ان مفيش مواضيع عن الفابيا كتير لسببين
اول سبب : ان الفابيا اقل انتشارا من الفيليشيا والاوكتافيا
تاني سبب : ان الفابيا فعلا اعطالها قليلة جدا جدا جدا وحمالة اسية بمعني الكلمة من اول الصاج لحد الموتور والعفشة
فعن تجربة شخصية مثلا انا بروح بالعربية كل يوم الشغل تقريبا 50 كم رايح و 50كم راجع وفي طرق غير ممهدة او مستوية وكنت متوقع في الاول اني كل اسبوع او شهر حغير حاجات في العفشة وكنت كل اخر شهر بروح اكشف علي العفشة فعلا والمفاجأة اني بلاقيها محتاجة تربيط بسيط مش اكتر واستمر الوضع معاية علي كده الحمدلله اكثر من سنة مع العلم ان العربية موديل 2002 يعني بقالها 10 سنين مش لسة زيرو فدي حاجة بصراحة خلتني ابصم بالعشرة
موضوع اكثر من رائع يا باشا
تحياتي

[Amr_Azab]

وعلي فكرة انا برده بتحصل معاية مشكلة بسيطة وكنت ناوي احط موضوع بيها وهي ان اثناء العربية وهي دايرة علي السلانسيه بتحصل زي نتشة كده او رجة خفيفة جدا علي فترات والموضوع طبعا لايضر في شيء بس الواحد بيحب ان العربية تبقي في احسن حالاتها دائما وفي اعتقادي ان الموضوع ده ليه علاقة بحاجة من التالي :
البوجيهات انا لسة مغيرها فممكن تكون محتاجة تشتغل وتكربن شوية
عطل او عيب ما في طرمبة البنزين
كهربة الموتور محتاجة تظبيط
بس انا كنت ناوي احط الموضوع للآستفاده من راي وتجارب باقي الاعضاء
وده مثال لتفسيري في الرد السابق

[HAITHAM1985]

وعلي فكرة انا برده بتحصل معاية مشكلة بسيطة وكنت ناوي احط موضوع بيها وهي ان اثناء العربية وهي دايرة علي السلانسيه بتحصل زي نتشة كده او رجة خفيفة جدا علي فترات والموضوع طبعا لايضر في شيء بس الواحد بيحب ان العربية تبقي في احسن حالاتها دائما وفي اعتقادي ان الموضوع ده ليه علاقة بحاجة من التالي :
البوجيهات انا لسة مغيرها فممكن تكون محتاجة تشتغل وتكربن شوية
عطل او عيب ما في طرمبة البنزين
كهربة الموتور محتاجة تظبيط
بس انا كنت ناوي احط الموضوع للآستفاده من راي وتجارب باقي الاعضاء
وده مثال لتفسيري في الرد السابق

أنا بردوه على فكره عندى نفس المشكلة دى بردوه بس عاااااااااااااادى مش مؤثرة

تحيــــــــــــــاتى

[طارق _عبد السلام]

موضوعك رائع احييك عليه واحييى الاعضاء المحترمون الذين قاموا بالرد
بالنسبه للشق الاول من سؤالك اظن فعلا ان ملاك اسكودا يقتنون هذه الماركه (اسكودا عن اقتناع) وعندهم صراحه
وما العيب ان نفيد ونستفيد من مشاكلنا ومشاكل الغير..... الموجوده فى سياراتهم ...

اظن لا توجد ماركه سيارات فى العالم ليس لها مشاكل .......
والمشاكل غالبا سوء استخدام ...
فنى جاهل بسكودا وبيشتغل من غير فهم
اعطال ناجمه عن مشاكل بعد حوادث او طرقنا التى تدمر أى عفشه حتى لو عربيه (جيب)
مشاكل فنيه بسيطه وليست كوارث

بالنسبه للاوكتافيا عربيه فائقه الاحترام وتجد اغلب الاعضاء هنا يسئلون عن اعطال واستفسارات محصوره فى عده اشياء
اولها السؤال عن الفتيس وتغيير الزيت وهل نغير الزيت ولا منغيرهوش وحكايه الرزعه وهناك ملاك لماركات اخرى يدخلون معنا فى النقاش لتحقير العربيه فقط ولتوضيح اننا اسئنا الاختيار وهم المتميزون وذلك ليعطى صوره سيئه للاوكتافيا (شغل فتاوى يعنى ) واحنا مميزين فى هذا اسئل كده البقال عندكم فى الشارع قل له هشترى عربيه ماركه كذا هيعمل لك كشف اعطال ومساوء للعربيه واسعار وهو أصلا لا يعرف القياده ولا يمتلك رخصه بس خبير خبير يعنى !!!!!!!!!
أما الفيليشيا فهى عربيه كتر خيرها واغلب مشاكلها سخونه المحرك عربيه جامده بس التعامل مع الفنى المحترف هيظبط العربيه وبالنسبه لقدم موديلاتها المنتشره فى الشارع المصرى طبيعى اعطالها تتكرر

اما الفابيا لو لاحظت حضرتك وانت من ملاك الفابيا كم سياره فابيا تقابلك اثناء تجولك فى الشوارع وللعلم (كل مالك ماركه عينه دائما تقع على شبيهاتها ) لن تجدها منتشره مثل الفيليشيا والاوكتافيا)
فمن الطبيعى ان تجد مواضيعها اقل

تقديرى واحترامى للجميع