اسعار قطع غيار a5 2006

[Omar.Shawki]

السلام عليكم ورحمة الله وبركاته
انا الحمد لله جبت اوكتافيا A5 2006 وبقيت من رجالة الاسكودا بعد ماكنت تويوتاوى
وحبيت اعمل موضوع نجمع فيه اسعار قطع الغيار ويبقى متجدد ان شاء الله...

طقم تيل امامى اصلى....350 جنيه
طقم تيل خلفى اصلى ....280 جنيه
طقم بوجيهات ngk3 شمعة ....180 جنيه
غماز اشارة تايوانى....90 جنيه
فلتر تكييف....125 جنيه
مروحة تكييف اصلى توكيل 1300+130 ضريبة=1430 جنيه
مروحة تكييف صينى...480 جنيه

[Omar.Shawki]

طقم كاوتشات كونتينتال سلوفاكى مقاس 205/60/15 ....575 للفردة الواحدة

[badr5]

ربنا يباركلك فيها :)
طب كده اسعار غاليه ولا ده الطبيعي مقارنه بالتويوتا

اصل انا ناوي عليها قريبا باذن الله والكل بيقولي هتصرف عليها كتير جدا لان قطع الغيار عاليه
هات تويوتا وخلاص
ايه رايك ؟ ؟؟

[Omar.Shawki]

ربنا يخليك وتجيب الاحسن منها ان شاء الله
طبعا اسعارها اغلى من التويوتا بس انا بتكلم عن تويوتا عيون 98 واعتقد اسعار التويوتا الجديدة من 2008 تقريبا قريبيين من بعض .
انا كنت محتار جدا بين الكورولا والاوكتافيا بس الحمد لله مش ندمان على اختيارى
انا مشيت بيها 12000 كيلو لغاية دلوقتى والحمد لله مفيش مشاكل والحاجات اللى فوق هى اللى غيرتها لحد دلوقتى
وطبعا ارشحلك الاوكتافيا :) فعلا ركوبة جميلة وثابتة على الطريق

[benmatar]

ألف مبروك عليك الأوكتافيا وانضمامك لفرسان سكودا الأشاوس
طبعا الأوروبي له مميزاته عن غيره من كفاءة المحركات، متانة الهيكل، الاهتمام بمعاملات الأمان، وتوفير الاتزان والثبات.
بالنسبة لقطع الغيار من حيث السعر لأول وهلة بيكون فعلا أغلى عن الكوري والياباني، بس مع الاستخدام وحساب المعدلات التراكمية تلاقيه أرخص واوفر كتير
يعني تيل الأوكتافيا لو هتغيره مرة كل سنة واستخدامك سفر وطرق كتيره هتغيره مرتين أو ختى تلاتة لو راكب كوري أو ياباني وهو أنت نفس المستخدم
ومثال سريع على بالي إني باغير تيل فرامل أمامي بيجو 406 كل سنة مرة وتمنه 220ج.م أنجليزي ماركة بندكس
في حين إني وبنفس استهلاكي غيرته 3 مرات في ميتسوبيشي لانسر خلال السنة وتمنه كان من 60-80ج.م كوري
وطبعا احسب إنك هتروح تغيره في الورشة 3 مرات بدل مرة ومصارثف مصنعيات، ووقت بيتحسب عليك مع إن التيل الكوري أكيد غير الانجليزي، وفارق مهول بين العربيتين. وهكذا
يعني بتشتري حاجة أغلى بس بتعيش معاك وتعمر وبتقعد فترة شغالة حتى لو تعبت مش بتكسر علطول
زي المساعدين مثلا أو المقصات أو الكبالن تقعد شغالة حتى لو عاوزة تتغير فترة.

[Omar.Shawki]

الله يبارك فيك ده شرف ليه ابقى من رجالة الاسكودا:)
انا معاك ان فعلا قطع الغيار اغلى بس مع الموديلات الحديثة اعتقد الفرق بسيط + ان قطع الغيار بتعيش عمر اطول
المشكلة فعلا فى قطع الغيار المقلدة والتوكيل ومراكز الخدمة المعتمدة اللى مش فاهمين فى العربية
مثلاانا رحت مركز خدمة وهدان يقولى مبنغيرش زيت الفتيس طالما كويس قلتله طيب انا عايز اغيره للامان عشان ميحصلش مشكلة بعد كده يقولى هنغيره بس على ضمانتك؟؟؟؟!!!!!!!!!! لوحصل حاجة ملناش دعوة
اقوله ماهو سليم قدامك اهو و كشف على الزيت قالى كويس امال ايه المشكلة لو غيرته؟ يقولى على ضمانتك
سبتهم ومشيت ....
يوم تانى رحت الاقصى نفس الكلام هتمضى على مسئولية العميل !! اقولهم ايه دول بقه؟؟
عملت شكوى بكده وقلتلهم يسألوا سكودا الام انتوا مش واخدين توكيلها ولا ايه؟ وللا اروح انا التشيك اسألهم:)

[benmatar]

حضرتك متتعاملش مع مراكز الخدمة المحسوكة دي، اتعاملت معاهم قبل كده واتلسعت كتييييييييير، من الآخر دول حركات على الفاضي وبيبقو عاوزين يستنزفو منك أي شلن.
الحق يتقال أحسن من تتعامل معاه في الأوكتافيا اتنين وعن تجارب كتير
ورشة محمد أصلان في الحي السابع خلف أبو رامي بتاع الكبدة والسجق والمكان سهل
ورشة خالد اسماعيل في الحي العاشر
طبعا الاتنين في مدينة نصر بروحلهم من أكتوبر مخصوص في حين إن وهدان في الحي الصناعي وهي مرة واحدة ومش ناوي أكررها.
اتعلمت كده لو في آخر الدنيا تروح للي بتستريحله ويحللك المشكلة وبيكون فاهم وبرضه محترم
يعني بروح لعاية عين الصيرة لما أصلح البيجو عند أحمد عمارة أما التوكيل فزي قلته.
أنصح حضرتك بالتعامل مع متخصص واستشاري سكودا وتشوف بعينك هو بيعمل إيه مش يعملهالك غرفة عمليات وتبقى قاعد مش شايف حاجة

[طارق _عبد السلام]

بجد ياجماعه موضوع قطع الغيار الاغلى دى مش منطقيه لو قارنت قطع غيار الاوكتافيا مع بعض الموديلات الحديثه==== صناعه كوريه مثلا زى الكروز والسيراتو == مش مقارنه باليابانى كمان هتلاقى الموضوع قريب جدا ...... مع الفارق بين الصناعتين الكوريه والالمانيه والعمر الافتراض لقطعه الغيار ومع ذلك راكب عربيه محترمه بمعنى الكلمه ونسبه الامان والثبات والراحه عاليه بالنسبه لماركات اخرى...انا كنت راكب بولو قبل الاوكتافيا والله بلا مبالغه 6 سنوات لم اغير قطعه غيار جوهريه فى العربيه غير الصيانات الدوريه فقط وفى ال6 سنوات غيرت طنابير فرامل فقط + تيل مره واحد فقط (كده الصناعه الاوربيه مش مكلفه اطلاقا) فى قطع الغيار بالنسبه للعمر الافتراضى

[طارق _عبد السلام]

طقم ازرار الزجاج باب السائق للاوكتافيا 180 جنيه الاسعار دى عندنا فى المحله الكبرى

[طارق _عبد السلام]

مساحات اماميه صينى لاكن ممتازه عن تجربه وهى مخصصه للاوكتافيا 75 جنيه (جوز مساحات اماميه)

[طارق _عبد السلام]

حساس abc ثمنه 80 جنيه وبالتركيب كله على بعضه 100 جنيه (كده الاسعار غاليه)

[dozo]

انا عايز اعرف هيا قطع غيار a5 تركب على الفانتازيا يعنى هى هى . اصل الاسعار دى بصراحه زى الفل

[Omar.Shawki]

حضرتك متتعاملش مع مراكز الخدمة المحسوكة دي، اتعاملت معاهم قبل كده واتلسعت كتييييييييير، من الآخر دول حركات على الفاضي وبيبقو عاوزين يستنزفو منك أي شلن.
الحق يتقال أحسن من تتعامل معاه في الأوكتافيا اتنين وعن تجارب كتير
ورشة محمد أصلان في الحي السابع خلف أبو رامي بتاع الكبدة والسجق والمكان سهل
ورشة خالد اسماعيل في الحي العاشر
طبعا الاتنين في مدينة نصر بروحلهم من أكتوبر مخصوص في حين إن وهدان في الحي الصناعي وهي مرة واحدة ومش ناوي أكررها.
اتعلمت كده لو في آخر الدنيا تروح للي بتستريحله ويحللك المشكلة وبيكون فاهم وبرضه محترم
يعني بروح لعاية عين الصيرة لما أصلح البيجو عند أحمد عمارة أما التوكيل فزي قلته.
أنصح حضرتك بالتعامل مع متخصص واستشاري سكودا وتشوف بعينك هو بيعمل إيه مش يعملهالك غرفة عمليات وتبقى قاعد مش شايف حاجة

معاك حق انا الحمد لله متعاملتش معاهم لحقت نفسى:)
انا سمعت فعلا عن الورشتين دول ان هما احسن ناس فى الاسكودا + اللى خلف حديقة بدر
بس كل اللى انا غيرته حاجات بسيطة وعملتها فى مركز توب جير الموجود معانا فى المنتدى م/محمد فضالى وهو راجل محترم جدا ومتعاون

[Omar.Shawki]

بجد ياجماعه موضوع قطع الغيار الاغلى دى مش منطقيه لو قارنت قطع غيار الاوكتافيا مع بعض الموديلات الحديثه==== صناعه كوريه مثلا زى الكروز والسيراتو == مش مقارنه باليابانى كمان هتلاقى الموضوع قريب جدا ...... مع الفارق بين الصناعتين الكوريه والالمانيه والعمر الافتراض لقطعه الغيار ومع ذلك راكب عربيه محترمه بمعنى الكلمه ونسبه الامان والثبات والراحه عاليه بالنسبه لماركات اخرى...انا كنت راكب بولو قبل الاوكتافيا والله بلا مبالغه 6 سنوات لم اغير قطعه غيار جوهريه فى العربيه غير الصيانات الدوريه فقط وفى ال6 سنوات غيرت طنابير فرامل فقط + تيل مره واحد فقط (كده الصناعه الاوربيه مش مكلفه اطلاقا) فى قطع الغيار بالنسبه للعمر الافتراضى

متفق معاك تماما

[Omar.Shawki]

مساحات اماميه صينى لاكن ممتازه عن تجربه وهى مخصصه للاوكتافيا 75 جنيه (جوز مساحات اماميه)

امسك... اهى دى انا بدور عليهم بس مش لاقيهم عند بتوع الكماليات بس مسألتش عند بتوع قطع الغيار الصراحة
ملحوظة :فى حاجات صينى كويسة جدا مثلا مروحة التكييف اشترت480+40 تركيب=520 جنيه
فى مركز الاقصى بقه 1300+130 ضريبة + مصنعية = اكتر من 1500 جنيه:( دى مروحة يعنى ..