تسعيير اوكتافيا 2006 a5

[طارق _عبد السلام]

ربنا يباركلك فيها ويديك خيرها ويكفيك شرها
انا معايا 2008 اعلى فئه فبريكه بالكامل فتحه ومثبت سرعه وجنط وفتيس ستيبترونيك عاوز اعرف تعمل كام علشان بفكر ابيعها

ممكن مواصفاتها بالكامل اولا فيها دهانت
مستوى الخدوش
اللون =كام كيلو متر = الصيانات ولو فيه اضافات فى العربيه اذكرها كل ده بيقيم سعر العربيه

[طارق _عبد السلام]

شكرا لذوق حضرتك
انا عملت صيانة ال 80000 فى التوكيل " فلاتر و سيور " بس قالو لى هتحتاج اسكترا كاملة و نصحونى بالستراد لو حد يعرف تعمل كام اكون شاكر جدا
موجودة فى التوكيل عاملة 5000 بالتركيب اسبانى

اسكتره كامله ؟؟؟؟
هى العربيه كان فيها مشاكل معاك فى الباور ولا كان دردره فى الدريكسيون مع المطبات الصغيره اسكتره الاوكتافيا كهرباء وغاليه (هتغير الاسكترا بالبور)

[medhatr]

مواصفات العربيه أعلى فئه جنط 16 وبخاخات للفوانيس وفتحه سقف وزينون اصلى ومثبت سرعه ومانع الانزلاق وفتيس ستيبترونيك لونها فيرانى عامله حوالى 120الف لانى بسافر الصعيد كتير العربيه فبريكه بالكامل من الاكصدام للاكصدام فيها خدوش خفيفه والعتبه بس

[طارق _عبد السلام]

مواصفات العربيه أعلى فئه جنط 16 وبخاخات للفوانيس وفتحه سقف وزينون اصلى ومثبت سرعه ومانع الانزلاق وفتيس ستيبترونيك لونها فيرانى عامله حوالى 120الف لانى بسافر الصعيد كتير العربيه فبريكه بالكامل من الاكصدام للاكصدام فيها خدوش خفيفه والعتبه بس

ربنا يبارك لك فى العربيه
شوف انا كلامى مش مقياس لحضرتك
لاكن انا هقولك على واحده كنت بتكلم فيها وقيم انت حضرتك
هى تقريبا نفس مواصفات ولدرجه اللون كمان (فيرانى )
بس كانت اول يد وعامله38 الف كيلو فقط والعربيه تقريبا مفيهاش خربوش عايشه فى جراج
وصاحبها كان طالب فيها 130 وانا ماكملت معه ماوصلتش لسعر نهائى لانى قلت ازود حبتين واركب فانتازيا(وبجد عربيته كانت حاله يعنى جديده بجد)
فحضرتك تقدر تقيم السعر الفرق بينكم عداد الكيلو متر
وربنا يبارك لك ويهيىء لك الافضل

[romiobasha]

اسكتره كامله ؟؟؟؟
هى العربيه كان فيها مشاكل معاك فى الباور ولا كان دردره فى الدريكسيون مع المطبات الصغيره اسكتره الاوكتافيا كهرباء وغاليه (هتغير الاسكترا بالبور)

لا مفيش اى مشاكل فى المشى و لا اى اصوات الموضوع عبارة عن لمبة على شكل دريكسيون اصفر لما دخل بالجهاز فى التوكيل قالى لازم تتغير مينفعش تتصلح

[طارق _عبد السلام]

لا مفيش اى مشاكل فى المشى و لا اى اصوات الموضوع عبارة عن لمبة على شكل دريكسيون اصفر لما دخل بالجهاز فى التوكيل قالى لازم تتغير مينفعش تتصلح

هى علامه دركسيون فعلا بتنور فى الطابلوه
دى كانت بتنور عندى فقط لما كنت بشيل كابل البطاريه لكن بمجرد ما بمشى بالعربيه بتنطفىء اللمبه دى على طول ولا تشتغل غير لما كنت اشيل كبل البطاريه
فعلا كده عندك مشكله بس لازم تتغير على العموم اسئل عند بتوع الاستيراد وشوف ممكن سعرها يكون اقل
ولو الفرق بسيط التوكيل هو الافضل