تلافى مشاكل البطاريات الجافة للسيارات

[aw2100]

البطاريات الجافة دة اسم غلط لان البطاريات دى تحتوى على حامض زى البطاريات العادية الفرق انها بتعمل بتكنولوجيا الكالسيوم او الفضة على اسطح الالواح الداخلية مما تقلل من استهلاك الحامض وتصبح بطارية مقفولة ليس لها فتحات لتزويد المياة المقطرة ولذلك البطاريات لاتحتمل الشحن العالى او الشحن العادى لفترات طويلة علشان الحامض بداخلها بيسخن ويتبخر مما يسبب فى تلفها فى مدة زمنيه قصيرة افل من 6 اشهر وخصوصا فى الصيف وعلشان كدة لاتصلح لسيارات التاكسى او الليموزين الشغالة وهناك ملحوظة فى حالة اذا البطارية فضيت و العين بيها لونها اسود لايمكن لدينامو السيارة ان يعيد شحنها بمعنى ادى العربية توصيلة وتدور مش حتشحن لان البطاريات دى بتحتاج شحن بامبير ضعيف لمدة كذا ساعة (شحن بطئ) ولو ودتها لكهربائى حطها على التونجر العادى السريع دة بيأثر على عمر البطارية وانا شايف ان احسن نوعية البطارية الكورى اتلس واسوء نوع هو ac dalco وربنا يكفينا شر الزق

[sakr_skoda]

خلاصة كلام حضرتك ان الشحن البطيء للبطاريه الجافة افضل من الشحن السريع ؟؟؟؟

[MohammedAladel]

مشكور للموضوع


بس ناس كتير بتشكر فى ac delco

[AlGazar2]

ال AC delco ممتازه عن تجربه فى العربيه 10 سنين بنجيبها و مستواها واحد و عمرها طويل و سعرها كويس

[windofchange]

شكرا عالنصيحة بس بطارية ac delco شغالة كويس مع ناس كتير

[mshmshm3]

اسمع ان اس ديلكو تحت الفارتا

[طارق _عبد السلام]

خلاصة كلام حضرتك ان الشحن البطيء للبطاريه الجافة افضل من الشحن السريع ؟؟؟؟

خلاصه الموضوع اخى الفاضل
المقارنه بين نوع بطاريتين فقط!!!!!!!!!!والسوق مليان انواع كتيره فيهم الافضل؟
منهم بطاريه مشهوره ومكتسحه !!!!!
ومنهم بطاريه اول مره نسمع عنها وصاحب الموضوع بيشكر فيها
وربنا يكفينا شر التوصيله والبطاريه النايمه

[benmatar]

الله ينور كلام من الآخر

[MohammedAladel]

طيب ممكن حضرتك توضح الفرق التقنى بين الشحن السريع والبطئ ومين بيشحن شحن بطئ ؟؟

معنى كلام حضرتك لو البطارية لمبتها لونها أسود وشحنتها بطئ هترجع تانى للحياة ؟

[طارق _عبد السلام]

[

QUOTE=MohammedAladel;3874593217]طيب ممكن حضرتك توضح الفرق التقنى بين الشحن السريع والبطئ ومين بيشحن شحن بطئ ؟؟

معنى كلام حضرتك لو البطارية لمبتها لونها أسود وشحنتها بطئ هترجع تانى للحياة

؟[/QUOTE]


الله ينور عليك

[darehawk]

ان شاء الله حجربها

[aw2100]

الشحن البطئ للبطارية بيبقى بامبير صغير و على تونجر للشحن لية عدة درجات لامبير الشحن ودة بياخد وقت شحن حوالى ساعتين او 3 ساعات حسب سعة البطارية ودة عادة بيبقى فى اى محل واخد توكيل بيع وصيانة للبطاريات الجافة وهم فهمين الفرق اما اى كهربائى يحط البطارية على التونجر العادى الثابت الأمبير ودة بيدى امبير عالى للبطارية العادية السائلة وبياخد حوالى ساعة شحن اما فى الجافة بيبقى مضر لالواح البطارية الداخلية لانها غير مصممة لامبير شحن عالى ومش كل البطاريات اللى العين فيها سوداء بترجع لحالتها الطبيعية لانها ممكن يكون حصل قصر فى الالواح سبب ضعف الفولت فى جزء منها فيفقد الشحن بمجرد رفعا من التونجر وفى بعض الحالات يحدث خلل فى المادة الكيميائية للعين يسبب ثبات للون الأسود حتى لو كانت البطارية فى حالة سليمة وعموما الفيصل جهاز الكشف على البطارية والشحن وهو موجود فى اى وكيل بيع وصيانة وهو دة اللى بيحدد كفائة البطارية وحالة شحن الدينامو

[EngAhmedSayed]

ربنا يكفينا من شر الزق

[mohamedadelemam]

مفيش احلى من الكلورايد السائلة بنصف ثمن أى بطارية وبتعيش سنتين واكتر وماشاء الله زى الفل..وفى الجافة بس مجربتهاش

[aw2100]

البطاريات الجافة دة اسم غلط لان البطاريات دى تحتوى على حامض زى البطاريات العادية الفرق انها بتعمل بتكنولوجيا الكالسيوم او الفضة على اسطح الالواح الداخلية مما تقلل من استهلاك الحامض وتصبح بطارية مقفولة ليس لها فتحات لتزويد المياة المقطرة ولذلك البطاريات لاتحتمل الشحن العالى او الشحن العادى لفترات طويلة علشان الحامض بداخلها بيسخن ويتبخر مما يسبب فى تلفها فى مدة زمنيه قصيرة اقل من 6 اشهر وخصوصا فى الصيف وعلشان كدة لاتصلح لسيارات التاكسى او الليموزين الشغالة وهناك ملحوظة فى حالة اذا البطارية فضيت و العين بيها لونها اسود لايمكن لدينامو السيارة ان يعيد شحنها بمعنى ادى العربية توصيلة وتدور مش حتشحن لان البطاريات دى بتحتاج شحن بامبير ضعيف لمدة كذا ساعة (شحن بطئ) ولو ودتها لكهربائى حطها على التونجر العادى السريع دة بيأثر على عمر البطارية والبطارية 70 امبير افضل وخصوصا اذا كنت بتمشى كتير بالعربية انصحك تشترى البطارية العادية مش الجافة لقوة تحملها للشحن العالى او الشحن لفترات طويلة ويمكن تزويد الحامض الداخلى بالماء المقطر

ودة موقع بيوضح امبير ومدة شحن البطارية بالنسبة للشحن البطئ
Interstate Batteries FAQ :: How long does it take to charge a battery?