تنك البنزين اتخرم في أوكتافيا 2011

[Yasser Selim]

عربيتي أوكتافيا فانتازيا 2011، منذ فترة وأنا أسير في طريق السويس القاهرة وقعت أسياخ حديد من عربية نقل (طبعا لا تلتزم بمواصفات النقل في الأمان وفي غياب مروري وأمني غريب)، ولم أستطع تفاديها (120 ك/س) ودوست عليها وشاء العزيز الكريم أن يؤدي ذلك إلى ثقب تنك البنزين. ونحمد الله على كل شيء. حملت السيارة على الونش والتوكيل قلي ممكن نركب تنك استيراد لعدم توافر التنك الجديد. أنا قلت مش مشكلة تنك جديد دا مجرد حاوية ليس إلا. وسارت الأمور بشكل جيد بعدها، ولكن فجأة بعد شهر تعطلت طرمبة البنزين (موجودة داخل التنك)، وحملت العربية على الونش مرة أخرى، وتم تغيير الطرمبة. وكل شيء صار بشكل جيد بعد ذلك، ولكن بعد فترة لاحظت أن مؤشر مستوى البنزين يصدر حركات غربية، وبعدها غيرت العوامة.هل من علاقة بين تغيير التنك وما حدث بعد ذلك، خاصة وأن التوكيل قال إن ده ملوش علاقة وأن تفويلة بنزين مخلوط بميه هي السبب. وما الذي يجعل العوامة يحدث لها ما حدث. على فكرة للأمان أنا غيرت فلتر البنزين والفيوزات أيضا. هل من مساعدة بشأن ما الذي ربما قد حدث، خاصة وأن ثقب التنك هو الشئ الوحيد الذي حدث ولم يلمس السيخ أي جزأ آخر من السيارة،.

[drmagieed]

يعني الخرم ده ما كانش ينفع يتلحم!!!

[lanos2004]

مؤشر البنزين ملوش علاقه با ن فيه ميه مخلوطه بالبنزين-الى بيدى للمؤشر قرايته العوامه الى موجودة داخل التنك ودى بتحدد ارتفاع السائل داخل التنك بغض النظر عن نوعه-وبمأن تم تغير العوامه ان شاء الله المشكله هتختفى

[Yasser Selim]

تنك البنزين فايبر والتوكيل قال لازم يتغير

[dozo]

حسبى الله و نعم الوكيل فى الناس المؤديه دى. حاول تمون البنزين من محطه نضيفه و لو اتكرر موضوع المؤشر رحلهم التوكيل اعتقد ان اى قطعه غيار بيكون عليها ضمان و ربنا معاك

[ahmedsrs]

هو التنك الحالى مشابه للقديم ولا فيه تغيير

[Yasser Selim]

هو التنك الحالى مشابه للقديم ولا فيه تغيير

هو الأصلي أيضا ونفس المواصفات

[Yasser Selim]

حسبى الله و نعم الوكيل فى الناس المؤديه دى. حاول تمون البنزين من محطه نضيفه و لو اتكرر موضوع المؤشر رحلهم التوكيل اعتقد ان اى قطعه غيار بيكون عليها ضمان و ربنا معاك

أنا مونت من مصر للبترول في روكسي وبعدها علطول طلمبة البنزين خربت (1550 جنيه في الأوكتافيا)، وبعدها بمون من شل واويل ليبيا بنزين 95، بس سعره هيزيد، ومش عارف أعمل إيه أرجع لبنزين 92؟

[dozo]

أنا مونت من مصر للبترول في روكسي وبعدها علطول طلمبة البنزين خربت (1550 جنيه في الأوكتافيا)، وبعدها بمون من شل واويل ليبيا بنزين 95، بس سعره هيزيد، ومش عارف أعمل إيه أرجع لبنزين 92؟

اعتقد ان الفانتازيا شغاله تمام ببنزين 92 العيب فى المحطه نفسها حاول تبعد عن مصر للبترول و التعاون حط من شل و موبيل و اسو و تكون محطه عليها رجل عشان تتضمن ان البنزين اللى فيها مش مركون لفترة كبيرة و تكون فيه شوائب

[ashraf_hamed]

احيانا بعد ملئ التانك للاخر تلاقى مؤشر البنزين معلق وحدثت اكثر من مره معى ولكنها تعود لوضعها بعد فتره

[bakkarahmed]

ممكن العوامه كانت معلقه شويه

[Yasser Selim]

احيانا بعد ملئ التانك للاخر تلاقى مؤشر البنزين معلق وحدثت اكثر من مره معى ولكنها تعود لوضعها بعد فتره

شكرا على المشاركة ولكن هذه بدايات عطل العوامة وإذا كانت سيارتك في الضمان رجاء زياة الوكيل في أسرع وقت لأن ده هو بالظبط إلى كان بيحصل معايا في البداية. ومعلش بقى دا انت راكب فانتازيا صعب انك ترضى بكلام فارغ زي ده. دأ في الشاهين بتاعتي القديمة مكانتش بتعمل كدا يا راجل. بس على فكرة في التوكيل هيحاولوا يقولولك مفيش مشكلة واحنا صفرنا الكومبيوتر وهكذا صمم على التغيير لأن توكيل سكودا أوسخ حاجة خلقها ربنا

[Ahmed_Adham]

هوه انتو بتمونو والعربيه شغاله يا جماعه؟ أنا اعرف ان ده بيبوظ العوامه والصح تبطل العربيه (ميبقاش فيها كهربا والمؤشر ينزل) ويعدين لما تخلص تدور.

[Yasser Selim]

هوه انتو بتمونو والعربيه شغاله يا جماعه؟ أنا اعرف ان ده بيبوظ العوامه والصح تبطل العربيه (ميبقاش فيها كهربا والمؤشر ينزل) ويعدين لما تخلص تدور.

كلام حضرتك سليم، وسمعت كمان إن المفروض تشيل المفتاح من الكونتاكت لأن الفانتازيا طالما المفتاح في العربية بيكون فيه كهربة