حد يقولنا نغير السيور والفلاتر كل أد اية ؟

[midoabokhadra]

لو سمحتم عاوز اعرف اغير السيور والفلاتر كل كام ك ؟؟؟

[forti]

http://www.nilemotors.net/Nile/27606-a.html

حضرتك الموضوع ده عن جدول الصيانة الدورية هتلاقى فيه كل حاجه

[Amr Axel]

سير الكاتينة لو مش جنزير يبقي سير الكاتينة و بلية الكاتينة كل 40 الف هو السير ممكن يقعد اكتر يعني ممكن يوصل 60-70 الف لكن ده الفبريكة لكن الانواع المنتشرة متضمنش فالأفضل ميقعدش اكتر من 40 الف للوقاية و يكون تاريخ انتاجه حديث و البلية في العربيات الحديثة مع كل تغييره تتغير لأنها بتخشن و لو لا قدر الله قفشت سير الكاتينة هيتقطع و ديه قصة سودا لوحدها ربنا يبعدنا عنها

سير الدينامو أو التكييف كل 30-40 الف لكن تتابع الحالة و اعراض نهايته تصفير مع الدوارة و الشكل الخارجي بالنظر انه ينشف و يبدأ يشقق او سن من السنون يتقطع او صف يتقطع ع حسب و الفبريكة طبعا زي مقولت ممكن يوصل لأكتر الفبريكة عندي ما شاء الله وصل لحوالي 105 الف

فلتر الهوا كل 20 الف بالنسبة للجو هنا او ع حسب الحالة لأن ممكن الفلتر لو مش فبريكة ميكملش 10 الاف و يبوظ ع سبيل المثال فلتر الهوا الفبريكة فضل معايا لحد 100 الف شغال بدون اي مشاكل لأن خامته كانت نضيفة فعلا و قريبة من كي اند ان مش ورق الجرايد اللي بيبعوه هنا لكن اللي بقيت اجيبه مبيكملش 10 الاف و ارميه
و اعراض تلف الفلتر انه يوبر و يفتل من مكان دخول الهوا او بعض الريش تتعوج طبعا مع اعراض اخري زي عدم وجود توازن في الاحتراق جوة الموتور طالما كل الصيانات مظبوطة و منضف الفلتر فيبقي هو السبب الوحيد , تحس ان العربية مكتومة

فلتر البنزين كل 20-30 الف بالكتيير نظرا لأن البنزين في بنزينات كتيير ما شاء الله مش محتاج كلام d:

فلتر التكييف كل 20-30 الف

في النهاية انا بعتمد ع الحالة او عدد السنين اكتر من عدد الكيلومترات الموضوع بس محتاج متابعة حتي التوكيل تلاقيه بيعمل فحص لو محتاجة تتغيره بيغير مش محتاجة و تقعد للصيانة اللي بعدها بيسيبها للصيانة اللي بعدها و يفحصها تاني

الموضوع زي كاوتش العربية صلاحيته من تاريخ الانتاج بدون استخدام 6-7 سنين فتخيل بالاستخدام و ع فترة ديه هيكون معرض للانفجار في اي وقت فبتابع حالته او مع مرور السنين بنغيره للوقاية

[طارق _عبد السلام]

لو سمحتم عاوز اعرف اغير السيور والفلاتر كل كام ك ؟؟؟

. بعد ال60000 كم نعيد من تانى يعنى:
70000 كم - صيانة A
80000 كم - صيانة B
90000 كم - صيانة C
100000 كم - صيانة D
110000 كم - صيانة E
120000 كم - صيانة F
ونرجع نبتدى من تانى عند 130000
وربنا يحميها وتكمل معاك المليون كيلو ان شاء الله

[midoabokhadra]

شكرا أ.عمرو
الموضوع ان العربية معايا بقالها سنتين تقريبا وانا معرفش اللي كانت معاه مغيرلها السيور امتة ؟ فبفكر اغير السيور بقى دلواتي وخلاص .
بس اعرف انه مغير الكاوتش قبل ما نشتريها ب اسبوعين . يا ترى الكاوتش يتغير كل كام سنة علما بان العربية ف الجراج مش بتخرج غير يومين بالكتير ف الاسبوع ومش بتسافر
ومتشكر اوي على الاهتمام

[طارق _عبد السلام]

شكرا أ.عمرو
الموضوع ان العربية معايا بقالها سنتين تقريبا وانا معرفش اللي كانت معاه مغيرلها السيور امتة ؟ فبفكر اغير السيور بقى دلواتي وخلاص .
بس اعرف انه مغير الكاوتش قبل ما نشتريها ب اسبوعين . يا ترى الكاوتش يتغير كل كام سنة علما بان العربية ف الجراج مش بتخرج غير يومين بالكتير ف الاسبوع ومش بتسافر
ومتشكر اوي على الاهتمام

العمر الافتراضى للكاوتش خمس سنوات من تاريخ انتاجه حتى لو لم يستخدم
ويفضل تغييره بعد استخدامه لمسافه 50 الف كيلو مع الحفاظ على تبديل مكان الكاوتش فى العربيه كل 10 آلاف كيلو بطريقة المقص ( نبدل ورا يمين مع قدام شمال والعكس )

[Amr Axel]

شكرا أ.عمرو
الموضوع ان العربية معايا بقالها سنتين تقريبا وانا معرفش اللي كانت معاه مغيرلها السيور امتة ؟ فبفكر اغير السيور بقى دلواتي وخلاص .
بس اعرف انه مغير الكاوتش قبل ما نشتريها ب اسبوعين . يا ترى الكاوتش يتغير كل كام سنة علما بان العربية ف الجراج مش بتخرج غير يومين بالكتير ف الاسبوع ومش بتسافر
ومتشكر اوي على الاهتمام

بخصوص السيور طبعا لازم تغييرها فورا و كان المفروض ديه اول حاجة ساعة ما جبت العربية لأنك متضمنش المالك اللي قبلك كان مهتم بالعربية و لا لأ و بالتالي الأفضل حضرتك تقوم بالتغيير فورا لتجنب اي مشاكل في المستقبل

كما تفضل أ \ طارق و قال الكاوتش صلاحيته بدون استخدام 5-7 سنين
اما بالاستخدام فيفضل كل 3-4 سنين او 50 الف ك أيهما أقرب و من غير حاجة الكاوتش لوحده ممكن ميوصلش للوقت ده او عدد الكيلومترات دي و يحين وقت تغييره
و أعراض ان ميعاد تغييره قد حان غير تاريخ الانتاج
وجود لوحة ( لاوحة بنطق الف بين اللام و الواو )
النقشة تتمسح
وجود تأكل من جهة و جهة لأ
السلك الداخلي يبدأ يبان
طبعا وجود اكتر من خابور لذلك يفضل اي خرم يكون لحام داخلي سواء بارد او سخن لأن الخابور اساسا مبيسدش الخرم اللي في جدار الكاوتش زي اللحام بل بالعكس ممكن فجاة ينفس او مع اكتر من خرم الكاوتش بيبقي ضعيف طبعا ده غير ان بتوع الكاوتش بيوسع الفتحة زيادة عشان يحط خابور و معظمهم بيضحك ع الناس و يتفنن في حكاية امريكي و صيني و مصري و بدل ما يحطلك الخابور كامل لأ بيقصه نصين و بالتالي بتلاقي خابور رفيه و يقولك ده صيني و تلاقي خابور تخين و يقولك ده امريكي و احسن و الاتنين اساسا واحد و الكارتة فيها 5 خوابير بـ3-5 ج d:

هديك مثل بسيط لو عندنا ازازتين بلاستيك و الاتنين اتخرموا واحد سديتها بحتة خشبة و بلاستيك و امير و واحدة جبت حتة بلاستيك و سيحتها ع الخرم و خليت الجداد حتة واحدة تفتكر ايهما أفضل ؟؟هي ديه نفس النظرية :)